MOLSW NEWS

ລມຕ ກະຊວງ ຮສສ ຕ້ອນຮັບຜູ້ແທນ ອົງການແຮງງານສາກົນ

24-08-2017, 12:16 452

ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຕ້ອນຮັບ ທ່ານ ໂມະ ລິຊິໂອະ ບິວຊີ (Maurizio Bussi) ຫົວໜ້າຫ້ອງການອົງ ການແຮງງານສາກົນ ປະຈຳ ປະເທດໄທ, ກຳປູເຈຍ ແລະ ສປປ ລາວ ເຂົ້າຢ້ຽມຂ່ຳນັບອຳ ລາ ເມື່ອວັນທີ 21 ສິງຫານີ້ ທີ່ ກະຊວງດັ່ງກ່າວ ໃນໂອກາດ ສຳເລັດການປະຕິບັດໜ້າທີ່ ເປັນຫົວໜ້າຫ້ອງການອົງການ ແຮງງານສາກົນ ປະຈຳລາວ. ໂອກາດດັ່ງກ່າວ ທ່ານລັດ ຖະມົນຕີ ໄດ້ສະແດງຄວາມຍິນ ດີຕ້ອນຮັບຊົມເຊີຍ ແລະ ຕີລາ ຄາສູງຕໍ່ ທ່ານ ໂມະອິຊິໂອະ ບິວຊີ ທີ່ສຳເລັດການປະຕິບັດ ໜ້າທີ່ເປັນຫົວໜ້າຫ້ອງການອົງ ການແຮງງານສາກົນ ປະຈຳ ລາວ ຊຶ່ງຕະຫຼອດໃນໄລຍະ ການປະຕິບັດໜ້າທີ່ດັ່ງກ່າວ ທ່ານໄດ້ເອົາໃຈໃສ່ຢ່າງຕັ້ງໜ້າ ແລະ ສ້າງເງື່ອນໄຂສະດວກ ຫຼາຍດ້ານໃຫ້ແກ່ການຊ່ວຍ ເຫຼືອ ແລະ ການຮ່ວມມືທີ່ດີ ລະຫວ່າງກະຊວງ ຮສສ ກັບ ອົງການແຮງງານສາກົນ ປະ ຈຳລາວ ໂດຍສະເພາະອົງການ ດັ່ງກ່າວ ໄດ້ໃຫ້ທຶນສະໜັບສະ ໜູນຫຼາຍໂຄງການໃນວຽກ ງານແຮງງານຂອງ ສປປ ລາວ, ທ່ານລັດຖະມົນຕີຍັງໄດ້ອວຍ ພອນໃຫ້ຫົວໜ້າຫ້ອງການ ອົງການແຮງງານສາກົນ ປະຈຳ ລາວ ຈົ່ງປະສົບຜົນສຳເລັດໃນ ໜ້າທີ່ໃໝ່ ແລະ ເດີນທາງກັບ ຄືນປະເທດດ້ວຍຄວາມສະ ຫວັດດີພາບ. ຫົວໜ້າຫ້ອງການອົງການ ແຮງງານສາກົນ ປະຈຳລາວ ກໍໄດ້ສະແດງຄວາມຂອບໃຈຕໍ່ ທ່ານລັດຖະມົນຕີກໍຄື ທຸກອົງ ການຈັດຕັ້ງຂອງ ສປປ ລາວ ທີ່ໄດ້ໃຫ້ການຮ່ວມມື ແລະ ສ້າງ ເງື່ອນໄຂອຳນວຍຄວາມສະ ດວກທຸກຢ່າງອັນໄດ້ເຮັດໃຫ້ ການມາປະຕິບັດໜ້າທີ່ດັ່ງກ່າວ ໄດ້ຮັບຜົນສຳເລັດ.

ໜັງສືພິມປະຊາຊົນ

ສະຖານເອກອັກຄະລັດຖະທູດ ສສ ຫວຽດນາມ ປະຈຳ ສປປ ລາວ ມອບເງິນຊ່ວຍເຫຼືອໄພພິບັດທາງທຳມະຊາດ ( ນ້ຳຖ້ວມ ) ກະຊວງ ຮສສ

10-10-2017, 12:15 502

ລມຕ ກະຊວງ ຮສສ ຕ້ອນຮັບຜູ້ແທນ ອົງການແຮງງານສາກົນ

ຂ່າວສານອື່ນໆ

ການເຄື່ອນໄຫວຂອງລັດຖະມົນຕີ

ລມຕ ກະຊວງ ຮສສ ຕ້ອນຮັບຜູ້ແທນ ອົງການແຮງງານສາກົນ

Shares On Social

ຂ່າວສານອື່ນໆ