ການນໍາກະຊວງ ແຮງງານ ແລະ ສະຫວັດດີການສັງຄົມ ອ່ວຍພອນພະນັກງານປະຕິວັດອາວຸໂສ

30-11-2017, 11:03 903

 ການນໍາກະຊວງ ຮສສ ອ່ວຍພອນ ພະນັກງານ ປະຕິວັດອາວຸໂສເພື່ອເປັນການສະແດງເຖິງ ຄວາມເປັນຫ່ວງເປັນໄຍ ແລະ ເອົາໃຈໃສ່ຂອງພັກ - ລັດຖະບານ ທີ່ມີຕໍ່ພະນັກງານ ປະຕິວັດອາວຸໂສ, ພະນັກງານເສຍອົງຄະທີ່ໄດ້ອຸທິດຕົນ ເພື່ອພາລະກິດ ປະຕິວັດຊາດ, ເນື່ອງໃນໂອກາດວັນຊາດ ວັນທີ 2 ທັນວາ1975 -2017) ຄົບຮອບ 42 ປີຄະນະນຳ ກະຊວງ ແຮງງານ ແລະ ສະຫວັດດີການສັງຄົມ ພ້ອມດ້ວຍຄະນະ, ໄດ້ຢຽ້ມຢາມ ພົບ ປະໂອ້ລົມ ແລະ ອວຍພອນ ພະນັກງານປະຕິວັດອາວຸໂສ, ພະນັກງານສູນເສຍອົງຄະ ພິເສດ 790, ສູນພັດທະນາ 489, ໂຮງງານຜະລິດອົງຄະທຽມ ແລະ ຟື້ນຟູສະມັດຖະພາບ 686ໃນລະຫວ່າງ ວັນທີ 29-30 ທັນວາ 2017 ນີ້, ທີ່ 3 ສູນເສຍອົງຄະ ໃນໂອກາດດຽວກັນນີ້, ຄະນະນຳກະຊວງ ຮສສ ເຊິງໄດ້ຕາງໜ້າໃຫ້ພັກ - ລັດຖະບານໄດ້ ກ່າວສະແດງຄວາມຢື້ຢາມ ຖາມຂ່າວ, ຄວາມສາມັກຄີຮັກແພງ ແລະ ຄວາມເປັນຫ່ວງເປັນໄຍຂອງພັກ - ລັດຖະບານມາ ຍັງບັນດາພະນັກງານປະຕິວັດ ອາວຸໂສບຳນານ, ເສຍອົງຄະ, ພິການຕະຫຼອດຮອດຄອບຄົວ ເນື່ອງໃນວັນຊາດ ວັນທີ 2 ທັນວາ ຄົບຮອບ 42 ປີ. 
ໃນໂອກາດທີ່ໄດ້ມາພົບປະຄັ້ງນີ້ ບັນດາຄະນະນຳກະຊວງ ຮສສ ໄດ້ຮຽກຮ້ອງມາຍັງ ຄະນະພັກຄະນະນຳສູນທຸກຂັ້ນ, ຕະຫຼອດຮອດພະນັກງານບຳນານ, ເສຍອົງຄະ ແລະ ພິການ ພາຍໃນສູນຈົ່ງພ້ອມກັນເຊີດຊູນ້ຳໃຈປະຕິວັດ, ຮັກຊາດ ແລະ ມູນເຊື້ອຄວາມສາມັກຄີອັນເປັນປຶກແຜ່ນ, ຍົກສູງ ຄວາມຮັບຜິດຊອບຂອງຕົນຕໍ່ ໜ້າທີ່ການເມືອງຂອງພັກ - ລັດ ມອບໝາຍໃຫ້ດ້ວຍຄວາມ ຮັບຜິດຊອບແທ້ສືບຕໍ່ມູນເຊື້ອອັນ ດີງາມເປັນແບບຢ່າງທີ່ດີໃຫ້ລູກຫຼານ ສຶກສາອົບຮົມການເມືອງ ແນວຄິດໃຫ້ແກ່ລູກຫຼານເປັນ ພົນລະເມືອງທີ່ດີຂອງຊາດ, ເຂົ້າຮ່ວມໃນການພັດທະນາ ເສດຖະກິດ - ສັງຄົມຂອງຊາດ ໃຫ້ເຂັ້ມແຂງ. ຈາກນັ້ນບັນດາຄະນະນຳກະຊວງ ຮສສ ຍັງໄດ້ຖືໂອກາດນີ້ ອວຍພອນບັນດາພະນັກງານ ປະຕິວັດ, ບຳນານ, ເສຍອົງຄະເພື່ອນມິດສະຫາຍ ໃຫ້ມີສຸຂະພາບ ແຂງແຮງ, ມີຄວາມສຸກກາຍ ສຸກໃຈ ພ້ອມກັນພັດທະນາຕົນເອງ, ຄອບຄົວ ແລະ ປະເທດ ຊາດໃຫ້ອຸດົມຮັ່ງມີເຂັ້ມແຂງ ຂຶ້ນໄປເລື້ອຍໆ. ໃນໂອ ກາດສຳຄັນນີ້, ຄະນະນຳກະຊວງ ຍັງໄດ້ນຳເອົາເງິນ ແລະ ວັດຖຸມາມອບໃຫ້ແກ່ 3 ສູນເສຍອົງຄະ ລວມມູນຄ່າ 15 ລ້ານ ກີບ./
#ຂ່າວ: ເພັດສະໄໝ

ຂ່າວສານອື່ນໆ