ລັດເຊຍປະຕິເສດຕັດຂາດ ຄວາມສໍາພັນ ເກົາຫລີເໜືອ ແລະ ກ່າວຫາອາເມລິການຄືຜູ້ຍຸຍົງ

01-12-2017, 14:27 285

ສໍານັກຂ່າວຕ່າງປະເທດລາຍງານໃນວັນທີ 1 ທັນວາ 2017 ວ່າ ທ່ານ ເຊີເກ ລາວະຣົບ ລັດຖະມົນຕີກະຊວງ ການຕ່າງປະເທດຂອງລັດເຊຍກ່າວວ່າ: ລັດເຊຍ ຂໍປະເສດຕາມຄໍາຮຽກຮ້ອງຂໍສະຫະລັດ ອາເມລິກາວ່າ ໃຫ້ປະເທດຕ່າງໆທົ່ວໂລກຕັດຄວາມສໍາພັນກັບເກົາຫລີເໜືອ ອັນເນື່ອງມາຈາກ ເກົາຫລີເໜືອພາຍໃຕ້ການນໍາພາ ຂອງທ່ານ ຄິມຈອງອືນ ໄດ້ມີການທົດລອງຂີປະນາວຸດຂ້າມທະວີ ເພື່ອເຊົ້າມຶດວັນພຸດທີ່ຜ່ານມາ ລັດເຊຍຂໍປະຕິເສດເລື່ອງນີ້ ເພາະພວກເຮົາໃດ້ຢໍ້າໃຫ້ເຫັນແລ້ວວ່າ ການເພີ້ມແຮງກົດດັນດ້ວຍການຂວໍ້າບາດ ເກົາຫລີເໜືອນັ້ນບໍ່ໄດ້ຜົນ.

ລັດຖະມົນຕີກະຊວງການຕ່າງປະເທດຂອງລັດເຊັຍກ່າວວ່າ ສະຫະລັດອາເມລິກາ ກໍາລັງທີ່ຈະຫາທາງຍຸຍົງເກົາຫລີເໜືອ ແລະ ຕ້ອງການທີ່ຈະຮູ້ວ່າຈະທໍາລາຍປະເທດທີ່ຈະໂດດດ່ຽວນີ້ແນວໃດ ຊື່ງຫາກເປົ້າໝາຍຂອງສະຫະລັດເປັນເຊັ່ນນັ້ນແທ້ ສະຫະລັດກໍ່ຄວນຈະເວົ້າອອກມາໂດຍກົງ ແລະ ຜູ້ນໍາສະຫະລັດຄວນຢືນຢັ້ນເລື່ອງນີ້

ເມື່ອວັນພຸດທີ່ຜ່ານມາ ສະຫະລັດໄດ້ກ່າວເຕືອນຜູ້ນໍາເກົາຫລີເໜືອວ່າ: ຈະຖຶກທໍາລາຍຫາກສົງຄາມເກີດຂື້ນ ຄະນະດຽດກັນກໍ່ຮຽກຮ້ອງໃຫ້ທຸກປະເທດຕັດຂາດຄວາມສໍາພັນທາງການທູດ ແລະ ການຄ້າ ກັບເກົາຫລີເໜືອ.

ການຂົ່ມຂູ່ຂອງສະຫະລັດເກີດຂື້ນເພາະການທົດລອງຍີງຂີປະນາວຸດຂ້າມທະວີບເມື່ອວັນພຸດທີ່ຜ່ານມາ ເປັນການທົດລອງຂີປະນາວຸດຄັ້ງທີ 3 ຊື່ງເກົາຫລີເໜືອກ່າວວ່າຍີງເຖີງທຸກແຫ່ງໃນສະຫະລັດອາເມລິກາ.

ສ່ວນທໍານຽບເຄຼມລິນ ຂອງປະທານປະເທດລັດເຊຍກ່າວວ່າ ການທົດລອງຂີປະນາວຸດເກົາຫລີເໜືອເປັນການຍຸຍົງ ແລະ ຮຽກຮ້ອງໃຫ້ທຸກຝ່າຍອົດທົນ ໂດຍທ່ານ ດະມິຕຣີ ເປສຄອັບ ໂຄສົກທໍານຽບ ເຄຼມລິນຂະແຫລງວ່າ: ການຕັດຂາດຄວາມສໍາພັນມັນງ່າຍເກີນໄປ ບັນຫາໃຫຍ່ຂະນະນີ້ຄືການຫາຫົນທາງແກ້ໄຂ ບັນຫາເກົາຫລີເໜືອ ດີກວ່າຕັດຄວາມສໍາພັນ.

ຂ່າວ: ສໍານັກຂ່າວອິດສະຫລະ

ຂ່າວສານອື່ນໆ