ກອງປະຊຸມຄົບຄະນະບໍລິຫານງານພັກເປີດກ້ວາງ ຄັ້ງທີ 03 ສະໄໝທີ V ຂອງອົງຄະນະບໍລິຫານງານພັກກະຊວງ ຮສສ.

12-07-2018, 10:43 178

ກອງປະຊຸມຄົບຄະນະບໍລິຫານງານພັກເປີດກ້ວາງ ຄັ້ງທີ 03 ສະໄໝທີ V ຂອງອົງຄະນະບໍລິຫານງານພັກກະຊວງ ຮສສ.

ເພື່ອເປັນການສະຫຼຸບຕີລາຄາໝາກຜົນຂອງການຊີ້ນຳໆພາ ຈັດຕັ້ງຜັນຂະຫຍາຍ ແລະ ປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງ ຮສສ ໃນໄລຍະ 6 ເດືອນຕົ້ນປີ 2018 ແລະ ກາງສະໄໝ 2016-2018, ໃນວັນທີ 10 ກໍລະກົດ 2018ນີ້, ທີ່ເຮືອນຮັບແຂກກະຊວງແຮງງານ ແລະ ສະຫວັດດີການສັງຄົມ ໄດ້ມີ ການດຳເນີນ ກອງປະຊຸມຄົບຄະນະເປີດກ້າງຄັ້ງທີ 3 ສະໄໝທີ V ຂອງອົງຄະນະພັກກະຊວງ ຮສສ ຂື້ນ, ພາຍໄຕ້ການເປັນປະທານຂອງ ສະຫາຍ ປອ ຄຳແພງໄຊສົມແພງ ກຳມະການສູນກາງພັກ, ເລຂາພັກກະຊວງ, ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ( ຮສສ ), ສະຫາຍ ນ. ໃບຄຳ ຂັດທິຍະ ກຳມະການສຳຮອງສູນກາງພັກ , ຮອງເລຂາພັກກະຊວງ, ຮອງ ລມຕ, ມີບັນດາສະຫາຍຄະນະພັກປະຈຳພັກ, ເລຂາ-ຮອງເລຂາຄະນະພັກຮາກຖານ ແລະ ບັນດາເລຂາໜ່ວຍພັກ ເຂົ້າຮ່ວມ.
ກອງປະຊຸມຄັ້ງນີ້ ໄດ້ດຳເນີນເປັນ ເວລາ 2 ວັນ ໂດຍ ແມ່ນໄດ້ສຸມໃສ່ສະຫຼຸບຕີລາຄາຄືນການນໍາພາຂອງຂອງອົງຄະນະພັກ ກະຊວງແຮງງານ ແລະ ສະຫວັດດີການສັງຄົມ ຕໍ່ຂົງເຂດຕ່າງໆ ໃນໄລຍະ 6 ເດືອນຕົ້ນປີ 2018 ແລະ ກາງສະໄໝ 2016-2018, ນອກນີ້ຍັງໄດ້ພ້ອມກັນ ຊອກໃຫ້ເຫັນບັນດາສາຍເຫດທີ່ພາໃຫ້ມີດ້ານຕັ້ງໜ້າ ແລະ ສາເຫດທີ່ພາໃຫ້ມີຈຸດອອ່ນ, ຂໍ້ຄົງຄ້າງ ເພື່ອພ້ອມກັນຊອກວິທີທາງແກ້ໄຂ ແລະ ຮັບປະກັນສ້າງພັກເຮົາໃຫ້ມີຄວາມ ປອດໃສ, ເຂັ້ມແຂງ ແລະ ໜັກແນ້ນທາງດ້ານການເມືອງ ແລະ ການຈັດຕັ້ງ. ພ້ອມກັນນັ້ນ, ກອງປະຊຸມພວກເຮົາຈະໄດ້ພ້ອມກັນຄົ້ນຄວ້າ ປຶກສາຫາລື ປະກອບຄຳເຫັນ ແລະ ເປັນເອກະພາບ ຕໍ່ທິດທາງແຜນການວຽກງານຈຸດສຸມ 6 ເດືອນ ທ້າຍປີ 2018 ແລະ ທິດທາງແຜນການ ໄລຍະກາງສະໄໝ 2018 – 2020 ແລະ ກຳລັງສຸມໃສ່ຈັດຕັ້ງ ປະຕິບັດ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງ ຮສສ ແລະ ຜົນສຳເລັດບັ້ນດຳເນີນຊີວິດການເມືອງ ປັບປຸງປົວແປງທົ່ວພັກ 2017 ຢ່າງເປັນຂະບວນການ ກ້ວາງຂວາງ ທົ່ວອົງຄະນະພັກກະ ຊວງແຮງງານ ແລະ ສະຫວັດີການສັງຄົມ ໂດຍສະເພາະບັນດາແຜນງານທີ່ພວມຈັດຕັ້ງຜັນຂະຫຍາຍໃຫ້ເຂົ້າສູ່ຊີວິດຕົວຈິງ, ສືບຕໍ່ສຶກສາອົບຮົມການເມືອງ-ນຳພາແນວຄິດ ສອດຫ້ອຍເຂົ້າໃນທຸກຂົງເຂດວຽກງານກໍາ ແໜ້ນສະພາບແນວຄິດຂອງ ສະມະຊິກພັກ-ພະນັກງານ ໃນອົງການກົມກອງໃຫ້ຖືກເປົ້າໝາຍມີເນື້ອໃນເລິກເຊິ່ງແນໃສ່ຍົກສູງສະຕິຊາດ,ເອກະລາດ, ເປັນເຈົ້າຕົນເອງ, ມີຄວາມຈົງຮັກພັກດີຕໍ່ປະເທດຊາດ, ຕໍ່ພັກມີຈິດໃຈຟົດຟື້ນປະຕິວັດ, ຮູ້ຈໍາແນກມິດ-ສັດຕູຈະແຈ້ງ,ມີສະຕິເຄົາລົບລະບຽບວິໄນຢ່າງເຂັ້ມງວດ ແລະ ຕ້ານປາກົດການຫຍໍ້ທໍ້ຕ່າງໆ ຢູ່ກົມກອງ ກໍຄືພາຍໃນພັກ ໃຫ້ໝົດໄປເທື່ອລະກ້າວ./.

( ພາບ-ຂ່າວ: ເພັດສະໄໝ ພິມມະສອນ )

ຂ່າວສານອື່ນໆ