ການນໍາແຂວງອັດຕະປື ມອບເງີນຊ່ວຍເຫຼື່ອຄອບຄົວທີ່ຖືເຄາະຮ້າຍໄຟໄໝ້ເຮືອນ

16-03-2018, 10:27 194

ດ້ວຍຄວາມເປັນຫ່ວງເປັນໃຍຂອງຄະນະພັກ, ອຳນາດການປົກຄອງແຂວງອັດຕະປື ທີ່ມີຕໍ່ຄອບຄົວ ຜູ້ປະສົບເຄາະຮ້າຍ ຈາກໄຟໄໝ້ເຮືອນ ໃນຄັ້ງວັນທີ 3 ມີນາ 2018 ຜ່ານມາ. ດັ່ງນັ້ນ ມາໃນ ວັນທີ 6/3/2018 ທ່ານ ເລັດ ໄຊຍະພອນ ເລຂາພັກແຂວງ, ເຈົ້າແຂວງອັດຕະປື ພ້ອມດ້ວຍຄະນະ ໄດ້ໃຊ້ເວລານອກໂມງລັດຖະການ ລົງຢຽ້ມຢາມ ຖາມຂ່າວ ແລະ ໃຫ້ກຳລັງໃຈ ໃຫ້ຄວາມອົບອຸ່ນ ຄອບຄົວທີ່ປະສົບເຄາະຮ້າຍດັ່ງກ່າວ ໂດຍໄດ້ນຳເອົາປັດໃຈ ຈຳນວນ 5.000.000 ກີບ.

ໄປມອບໃຫ້ ຊ້ອງໜ້າອໍານາດການປົກເມືອງ ແລະ ບ້ານ. ໂອກາດດັ່ງກ່າວ ທາງພະແນກແຮງງານສະຫວັດດີການ ສັງຄົມແຂວງ ຍັງໄດ້ນຳເອົາ ສັງກະສີ 50 ແຜ່ນ ພ້ອມທັງເຄື່ອງອຸປະໂພກ, ບໍລິໂພກ ຈຳນວນໜື່ງໄປມອບໃຫ້ ລວມມູນຄ່າທັງໝົດ ເກືອບ 3 ລ້ານກີບ.

ການມອບເງີນ ແລະ ເຄື່ອງອຸປະໂພກ-ບໍລິໂພກຄັ້ງນີ້ຂອງການນໍາແຂວງອັດຄະປື ແລະ ພະແນກແຮງງານ ແລະ ສະຫວັດດີການສັງຄົມແຂວງ ສະແດງໃຫ້ເຫັນເຖິງຄວາມເປັນຫວງເປັນໃຍຂອງອໍານາດການປົກຄອງ ກໍຄືພັກ ແລະ ລັດຖະບານ ທີ່ຍາມໃດກໍເປັນຫວງເປັນໃຍຕໍ່ ພໍແມ່ປະຊາຊົນຢູ່ສະເໝີ ແລະ ຍັງເປັນການໃຫ້ກໍາລັງໃຈແກ່ຄອບຄົວທີ່ຖືກເຄາະຮ້າຍ ໃຫ້ສາມາດຜ່ານ ເຄາະຮ້າຍຄັ້ງນີ້ໄປເຂັ້ມແຂງ.

ຂອບ​ໃຈ​ຂ່າວ​ສານ​ເອ​ບີ​ຊີ

ຂ່າວສານອື່ນໆ