28 ກຸມພາ 2018ຫ ຜ່ານມານີ້ ທີ່ຫ້ອງການແຮງງານແລະສະວັດດີການ ເມືອງ ກະລືມ,ໄດ້ມີພິທີມອບເຄື່ອງຊ່ວຍເຫຼືອບັນເທົາທຸກ

02-03-2018, 14:16 424

28 ກຸມພາ 2018ຫ ຜ່ານມານີ້ ທີ່ຫ້ອງການແຮງງານແລະສະວັດດີການ ເມືອງ ກະລືມ,ໄດ້ມີພິທີມອບເຄື່ອງຊ່ວຍເຫຼືອບັນເທົາທຸກ,ໃຫ້ກຽດມອບໂດຍ ທ່ານ ເຫຼັກໄຫຼ ສີວິໄລ ຄະນະປະຈຳພັກແຂວງ, ຮອງເຈົ້າແຂວງ ແຂວງເຊກອງ,ປະທານຄະນະປ້ອງກັນ ແລະ ຄອບຄຸມໄພພິບັດ ຂັ້ນແຂວງ,ພ້ອມດ້ວຍຫົວໜ້າກອງເລຂາ ຄປພບ ຂັ້ນແຂວງ,ກອງເລຂາ ຄປພບ ຈາກພະແນກ ຮສສ ແຂວງ ພ້ອມຄະນະ, ໄດ້ນຳເອົາເຄື່ອງບັນເທົາທຸກ ມອບໃຫ້ເມືອງກະລຶມ ແລະ ກ່າວຮັບໂດຍ ທ່ານ ບຸນໄຫຼ ບຸດຕະວົງ ກຳມະການພັກແຂວງ ເລຂາພັກເມືອງ ເຈົ້າເມືອງກະລຶມ ພ້ອມດ້ວຍຂະແໜງການທີ່ກ່ຽວຂ້ອງເຂົ້າຮ່ວມ.
ທ່ານ ເຫຼັກໄຫຼ ສີວິໄລ ຮອງເຈົ້າແຂວງເຊກອງ ກ່າວວ່າ: ເຄື່ອງທີ່ນຳມາມອບໃນຄັ້ງນີ້ ປະກອບມີເຄື່ອງນຸ່ງຫົ່ມ,ເຄື່ອງໃຊ້ຄົວເຮືອນ ລວມມູນຄ່າ ທັງໝົດ 8,500,000 ກີບ ເພື່ອໃຫ້ເມືອງກະລຶມນຳໄປມອບຕໍ່ໃຫ້ແກ່ ຄອບຄົວ ທ່ານ ປຸຄຳ ປະຊາຊົນ ບ້ານປານອນ ທີ່ໄດ້ຮັບຜົນເສຍຫາຍຈາກໄຟໄໝ້ເຮືອນ ໃນຄັ້ງວັນທີ 29 ມັງກອນ 2018 ຜ່ານມາ ເພື່ອຊ່ວຍບັນເທົາທຸກ ແລະ ຟື້ນຟູຊີວິດການເປັນຢູ່ຂອງຄອບຄົວຜູ້ກ່ຽວ.
ໂອກາດດຽວກັນນີ້ ທ່ານ ບຸນໄຫຼ ບຸດຕະວົງ ເຈົ້າເມືອງກະລຶມ ກໍໄດ້ກ່າວສະແດງຄວາມຂອບໃຈມາຍັງການນຳ ຂອງແຂວງເຊກອງ ແລະ ຄະນະປ້ອງກັນຄອບຄຸມໄພພິບັດຂັ້ນແຂວງ ທີ່ເອົາໃຈໃສ່ ເບິ່ງແຍງ ດູແລ ແລະ ຊ່ວຍເຫຼືອພໍ່ແມ່ປະຊາຊົນຊາວເມືອງກະລຶມຕະຫຼອດມາ ພ້ອມທັງໃຫ້ຄຳໝັ້ນສັນຍາວ່າ ຈະນຳເອົາເຄື່ອງດັງກ່າວນີ້ ໄປມອບໃຫ້ຄອບຄົວເປົ້າໝາຍດັ່ງກ່າວຢ່າງຄົບຖ້ວນ ເພື່ອຟື້ນຟູ ສະພາບຈິດໃຈຂອງ ຜູ້ທີ່ປະສົບເຄາະຮ້າຍຈາກໄຟໄໝ້ເຮືອນໃນຄັ້ງນີ້.

 

ພະ​ແນກ ຮ​ສ​ສ ແຂວງ ເຊກອງ

ຂ່າວສານອື່ນໆ