ລັດຖະມົນຕີກະຊວງ ຮສສ ຕ້ອນຮັບ ທູດອົດສະຕຣາລີ ເຂົ້າຢຽມອຳລາ.

10-11-2017, 12:02 359

ທ່ານ ປອ ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ (ຮສສ ) ພ້ອມຄະນະ ໄດ້ຕ້ອນຮັບ ທ່ານ ຈອນ ວີລຽ່ມ ( Jon Williams ) ເອກອັກຄະລັດຖະທູດອົດສະຕຣາລີ ປະຈຳ ສປປ ລາວ ເມື່ອວັນທີ 8 ພະຈິກ 2017ນີ້,
ທ່ານ ປອ ຄຳແພງ ໄຊສົມແພງ ໄດ້ສະແດງຄວາມຍ້ອງຍໍຊົມເຊີຍຕໍ່ທ່ານ ຈອນ ວີລຽ່ມ ທີ່ໄດ້ຕັ້ງໜ້າປະກອບສ່ວນພາລະກິດອັນສຳຄັນເຂົ້າໃນການຈັດຕັ້ງປະຕິບັດໜ້າທີ່ການທູດ ປະຈຳ ສປປ ລາວ ເຊິ່ງໄດ້ສະແດງອອກໃນການປະກອບສວ່ນເສີມສ້າງຮັດແໜ້ນສາຍພົວພັນ ແລະ ການຮ່ວມມືທີ່ດີ ລະຫວ່າງ ສປປ ລາວ ແລະ ອົດສະຕຣາລີ ນັບມື້ນັບເຕີບໃຫຍ່ຂະຫຍາຍຕົວຍິ່ງໆຂື້ນ ແລະ ທ່ານລັດຖະມົນຕີ ຍັງໄດ້ສະແດງຄວາມຂອບໃຈເປັນຢ່າງສູງຕໍ່ລັດຖະບານອົດສະຕຣາລີ ທີ່ໃຫ້ການຮ່ວມມື, ສະໜັບສະໜູນທາງດ້ານທືນຮອນ ແລະ ເຕັກນິກວິຊາການ ໃຫ້ແກ່ຂະແໜງການແຮງງານ ແລະ ສະຫວັດດີການສັງຄົມ ຕະຫລອດໄລຍະທີ່ຜ່ານມາ, ຜົນສຳເລັດດັ່ງກ່າວໄດ້ປະກອບສ່ວນສຳຄັນໃຫ້ແກ່ວຽກງານພັດທະນາເສດຖະກິດ-ສັງຄົມ ເວົ້າລວມ, ເວົ້າສະເພາະກໍຄືການປະກອບສ່ວນເຂົ້າໃນການຈັດຕັ້ງປະຕິບັດວຽກງານພັດທະນາ ແລະ ລຶບລ້າງຄວາມທຸກຍາກ ຂອງປະຊົນລາວ ເຂດຫ່າງໄກສອກຫລີກໃຫ້ມີຊີວິດການເປັນຢູ່ທີ່ດີຂື້ນ,
ຈາກນັ້ນ ທ່ານລັດຖະມົນຕີ ຕາງໜ້າໃຫ້ຄະນະນຳກະຊວງ ຮສສ ມອບໃບຍ້ອງຍໍຂັ້ນກະຊວງ ໃຫ້ ທ່ານທູດ ແລະ ພ້ອມທັງອວຍພອນໃຫ້ທ່ານທູດຈົ່ງປະສົບຜົນສຳເລັດໃນໜ້າທີ່ວຽກງານອັນໃໝ່ຫຍິ່ງໃຫຍ່ກວ່າເກົ່າຂອງທ່ານ.
( ເພັດສະໄໝ )

ຂ່າວສານອື່ນໆ