ກອງທັບອີຣັກ ເດີນຫນ້າຍຶດບໍ່ນໍ້າມັນຂະຫນາດໃຫຍ່ ໃນເມືອງເຄີຄຸກ

18-10-2017, 14:17 207

ກອງທັບອີຣັກສາມາດຍຶດຄອງບໍ່ນໍ້າມັນຂະຫນາດໃຫຍ່ໃນເມືອງເຄີຄຸກໄດ້ແລ້ວ 2ແຫ່ງ ດ້ານາຍົກລັດຖະມົນຕີອີຮັກ ຂູ່ໃຊ້ອຳນາດຈາກສ່ວນກາງປົກຄອງທັງປະເທດ ຫລັງເຂດປົກຄອງຕົນເອງເຄີດິສຖານພະຍາຍາມແຍກເອກະລາດ
ສຳນັກຂ່າວຕ່າງປະເທດລາຍງານຈາກເມືອງເຄີຄຸກ ປະເທດອີຣັກເມື່ອວັນທີ 18ຕຸລາວ່າ: ຍາຍົກລັດຖະມົນຕີໄຮເດີ ອັລອາບາດີ ຜູ້ນຳອີຮັກ
ກ່າວເມື່ອວັນອັງຄານວ່າ: ປະຕິບັດການຂອງກອງທັບອີຣັກໃນເມືອງເຄີຄຸກ ເມືອງເອກຂອງຈັງ ຫວັດເຄີຄຸກເປັນເລື່ອງຈຳເປັນບາງຍ່າງຍິ່ງເພື່ອຜະຍຸງໄວ້ຊຶ່ງເອກະພາບຂອງບ້ານເມືອງ ແລະ ກ່າວຍໍ້າວ່າລັດຖະບານແບກແດດບໍ່ມີທາງຍອມຮັບການລົງປະຊາມະຕິແຍກເອກະລາດຂອງເຂດປົກຄອງຕົນເອງເຄີດິສຖານ ທີ່ຈັງຫວັດ ເຄີຄຸກເຂົ້າຮ່ວມນຳ ເມື່ອວັນທີ 25ກັນຍາທີ່ຜ່ານມາພ້ອມທັງເຕືອນຍ່າງມີໄນວ່າ: ທັງແຜ່ນດິນອີຣັກຕ້ອງຢູ່ພາຍໃຕ້ອຳນາດການປົກຄອງ ແລະ ການບໍລິຫານຈາກກຸງແບກແດດ
ກອງທັບອີຣັກສາມາດຍຶດຄອງບໍ່ນໍ້າມັນຮາວານາ ແລະ ໄບ ຮັສສັນ ເຊິ່ງເປັນບໍ່ນໍ້າມັນຂະຫນາດໃຫຍ່ທີ່ສຸດສອງແຫ່ງຈາກທັງຫມົດ 6ແຫ່ງຂອງຈັງຫວັດເຄີຄຸກໄດ້ສຳເລັດ ນອກເຫນືອຈາກການຄວບຄຸມສຳນັກງານຜູ້ວ່າການຈັງຫວັດເຄີຄຸກ ແລະ ຖານປະຈຳການອີກຫລາຍແຫ່ງຂອງກອງກຳລັງເພັດເມີກາ ເຊິ່ງເປັນກອງກຳລັງນັກຮົບຊາວເຄຣີດໃນພາກເຫນືອຂອງອີຣັກ ທີ່ຍຶດຄືນໄດ້ຈາກກຸ່ມໄອເອັສຕັ້ງແຕ່ກາງປີ 2557ເປັນຕົ້ນມາ ດ້ານທ່ານມາສຊູດ ບາຊານີ ປະທານາທິບໍດີ ແຫ່ງເຄີດິສຖານກ່າວວ່າ: ສະຖານະການໃນເມືອງເຄີຄຸກເປັນຄວາມຂັດແຍ້ງລະຫວ່າງກຸ່ມການເມືອງພາຍໃນເຄີດິສຖານບໍ່ເທົ່າໃດກຸ່ມເທົ່ານັ້ນ ແລະ ຈະຍຶດຫມັ້ນຕໍ່ນະໂຍບາຍສ້າງສັນຕິພາບໄປ
ຂະນະທີ່ການຍຶດບໍ່ນໍ້າຂະຫນາດໃຫຍ່ທັງສອງແຫ່ງໃນເມືອງເຄີຄຸກໂດຍກອງທັບອີຣັກ ແນ່ນອນວ່າຈະສົ່ງຜົນກະທົບຍ່າງຫນັກຫລາຍຂື້ນໄປອີກຕໍ່ສະຖຽນລະພາບທາງເສດຖະກິດຂອງເຂດປົກຄອງຕົນເອງເຄີດິສຖານ ເນື່ອງຈາກນໍ້າມັນຖື ເປັນສິນຄ້າສົ່ງອອກຫລັກຂອງພູມມີພາກ ນອກຈາກນີ້ລັດຖະບານແບກແດດລະງັບຖ້ຽວບິນພານິດເຂົ້າ ແລະ ອອກຈາກພື້ນທີ່ ຕັ້ງແຕ່ຊ່ວງປາຍເດືອນກັນຍາທີ່ຜ່ານມານຳ ທັງນີ້ໃນທາງທິດສະດີພູມມີສາດການເມືອງຖືວ່າຈັງຫວັດເຄີຄຸກ ບໍ່ໄດ້ເປນັສ່ວນຫນື່ງຂອງເຄີດິສຖານ ແຕ່ລັດຖະບານເຄີດິສຖານ ແລະ ລັດຖະບານແບກແດດຕ່າງອ້າງການມີອຳນາດປົກຄອງໃນພື້ນທີ່
 
ຂາວສານເອປີຊີລາວ
 

ຂ່າວສານອື່ນໆ