ຫລາຍພາກສວ່ນມອບເງິນ ແລະ ເຄື່ອງ ຊ່ວຍເຫຼືອຜູ້ປະສົບໄພພິບັດທາງທຳມະຊາດ ( ນ້ຳຖ້ວມ )ໃຫ້ ກະຊວງ ຮສສ

31-10-2017, 13:18 172

ເພື່ອເປັນການຊ່ວຍເຫຼືອໃຫ້ກັບຜູ້ທີ່ຖືກເຄາະຮ້າຍຈາກໄພພິບັດທາງທຳມະຊາດ ( ນ້ຳຖ້ວມ ) ໃຫ້ທ່ວງທັນສະພາບ ໃຫ້ບັນດາແຂວງພາກເໜືອ,ພາກກາງ ແລະ ພາກໃຕ້ ທີໄດ້ຮັບຜົນກະທົບຈາກພະຍຸສົງກາ,ໃນວັນທີ 30 ຕຸລາ 2017ນີ້, ທີ່ກະຊວງແຮງງານ ແລະ ສະຫວັດດີການສັງຄົມ ( ຮສສ ) ໄດ້ມີຫລາຍພາກສ່ວນໄດ້ຮ່ວມກັນບໍລິຈາກຊ່ວຍເຫຼືອປະຊາຊົນລາວຜູ້ຖືກເຄາະຮ້າຍຈາກພະຍຸດັ່ງກ່າວ ເຊັ່ນ: ຫ້ອງວ່າການສຳນັກງານນາຍົກລັດຖະມົນຕີ ຕາງໜ້າກ່າວມອບໂດຍ ທ່ານ ຮສ ດຣ ສົມກຽດ ພາສີ ຫົວໜ້າກົມປະຊາສຳພັນ ຫ້ອງວ່າການ ສນຍ ພ້ອມຄະນະ ໄດ້ມອບເງິນ ຈຳນວນ 15 ລ້ານ ກີບ , ເຄື່ອງນຸ່ງຫົ່ມ, ອຸປະກອນກິລາ ມູນຄ່າຈຳນວນ 64 ລ້ານກວ່າກີບ ລວມມູນຄ່າທັງໝົດເປັນເງິນ 79 ລ້ານກວ່າກີບ; ຫ້ອງວ່າການສຳນັກງານປະທານປະເທດ ຕາງໜ້າມອບໂດຍ ທ່ານ ນ. ຄຳພອນ ບຸນວິໄລ ຫົວໜ້າກົມບໍລິຫານແລະ ຄຸ້ມຄອງ ຫ້ອງວ່າການສຳນັກງານປະທານປະເທດ ພ້ອມຄະນະ ໄດ້ມອບຜ້າຫົ່ມ ຈຳນວນ 151 ຜືນ ລວມມູນຄ່າ 5 ລ້ານກີບ ແລະ ທ່ານ ພັທ ບຸນມາ ອິນຕາວັນ ກອງວາລະສານປ້ອງກັນຊາດກະຊວງປ້ອງກັນປະເທດ ມອບເງິນຈຳນວນ 1. 000 . 000 ກີບ , ນຳມາມອບໃຫ້ກັບກະຊວງແຮງງານ ແລະ ສະຫວັດດີການສັງຄົມ ( ຮສສ ) ເພື່ອນຳໄປຊວ່ຍເຫຼືອຕໍໃຫ້ກັບຜູ້ປະສົບໄພພິບັດດັ່ງກ່າວ; ເຊີ່ງກ່າວຮັບໂດຍ ທ່ານ ລີປາວ ຢ່າງ ຫົວໜ້າຫ້ອງການກະຊວງແຮງງານ ແລະ ສະຫວັດດີການສັງຄົມ(ຮສສ ), ຕາງໜ້າໃຫ້ອະນຸກຳມະການຮັບບໍລິຈາກ, ພ້ອມນີ້ ທ່ານ ກໍໄດ້ກ່າວສະແດງຄວາມຂອບໃຈຕໍ່ພັກ-ລັດຖະບານ ແລະ ພາກສ່ວນກຽ່ວຂ້ອງ ທີ່ໄດ້ພ້ອມກັນບໍລິຈາກເງິນ ແລະ ເຄື່ອງນຸ່ງຫົມ ຊ່ວຍເຫຼືອ ປະຊາຊົນຜູ້ຖືກເຄາະຮ້າຍຈາກໄພພິບັດ ແລະ ຈະນຳເອົາເງິນ ແລະ ວັດຖຸປັດໃຈ ຈຳນວນດັ່ງກ່າວເຂົ້ານຳໄປຊ່ວຍເຫຼືອໃຫ້ແກ່ຜູ້ປະສົບເຄາະຮ້າຍຈາກໄພພິບັດ, ພ້ອມນັ້ນຍັງຮຽກຮ້ອງເຖິ່ງພາກສວ່ນຕ່າງໆ ຮ່ວມກັນບໍລິຈາກເງິນ ແລະ ວັດຖຸສິ່ງຂອງ, ເຄື່ອງອຸປະໂພກ-ບໍລິໂພກ ຕ່າງໆ ເພື່ອຊວ່ຍເຫຼືອໃຫ້ກັບຜູ້ປະສົບໄພ ກໍຄື ຟື້ນຟູບູລະນະພື້ນຖານໂຄງລ່າງ ຖະໜົນຫົນທາງ ແລະ ແນວພັນກະສິກຳ ເພື່ອໄປມອບໃຫ້ກັບປະຊາຊົນທີ່ຖືກຜົນກະທົບ.
ເຖິ່ງຢ່າງໃດກໍ່ຕາມ ກະຊວງແຮງງານ ແລະ ສະຫວັດດີການສັງຄົມ ກໍຍັງຕ້ອງການເງິນຊ່ວຍເຫຼືອຕື່ມອີກຈຳນວນຫລາຍ ເພື່ອນຳໄປຊ່ວຍເຫຼືອປະຊາຊົນຜູ້ທຸກຍາກ ແລະ ໄດ້ຮັບຜົນກະທົບຈາກໄພພິບັດທາງທຳມະຊາດ ( ນ້ຳຖ້ວມ - ໄພໜາວ) ແລະ ເກັບໄວ້ເປັນຄັ້ງແຮສຸກເສີນ ເພື່ອຊ່ວຍເຫຼືອ ປະຊາຊົນໃນຄັ້ງຕໍ່ໄປໃຫ້ທັນການ;
ພ້ອມກັນນີ້ ບັນດາການຈັດຕັ້ງ ພາກລັດ, ເອກະຊົນ, ບັນດາທຸລະກິດ ຫ້າງຮ້ານ, ບັນດາຊັ້ນຄົນ ແລະ ອົງການຈັດຕັ້ງໃນສັງຄົມຜູ້ມີ ກຳລັງຊັບ, ມີວັດຖຸສາມາດປະກອບສ່ວນຊ່ວຍເຫຼືອພໍ່ແມ່ປະຊາຊົນທີ່ພວມຫຍຸ້ງຍາກ ສັບສົນທີ່ສຸດໃນປັດຈຸບັນ; ຖ້າ ບັນດາທ່ານ ຫຼື ບັນດາພາກສ່ວນ ຕ່າງໆຕ້ອງການຊ່ວຍເຫຼືອ ສາມາດພົວພັນໂດຍກົງຫາ ກົມສັງຄົມສົງເຄາະ ກະຊວງແຮງ ງານ ແລະ ສະຫວັດດີການສັງ ຄົມ. ເບີໂທ: 021 213005, 222776 ຫຼື 020 55521811, 22225185, 22228154, 55675089, 22232212, 55676987.

( ໂດຍ: ເພັດສະໄໝ )

ຂ່າວສານອື່ນໆ