ປະທານປະ ເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂ່ຳນັບຂອງ ສະຫາຍ ນາງ ດັ້ງ ຖິ ຫງ໋ອກ ທິ້ງ ຮອງປະທານປະ ເທດ ແຫ່ງ ສສ ຫວຽດນາມ

20-06-2018, 14:57 63

ໃນວັນທີ 19 ມິຖຸນາ 2018, ທີ່ທຳນຽບປະທານປະ ເທດ, ສະຫາຍ ບຸນຍັງ ວໍລະຈິດ ເລຂາທິການໃຫຍ່ພັກປະຊາ ຊົນ ປະຕິວັດລາວ ປະທານປະ ເທດ ແຫ່ງ ສປປ ລາວ ໄດ້ຕ້ອນ ຮັບການເຂົ້າຢ້ຽມຂ່ຳນັບຂອງ ສະຫາຍ ນາງ ດັ້ງ ຖິ ຫງ໋ອກ ທິ້ງ ກຳມະການຄະນະບໍລິຫານ ງານສູນກາງພັກກອມມູນິດ ຫວຽດນາມ ຮອງປະທານປະ ເທດ ແຫ່ງ ສສ ຫວຽດນາມ ແລະ ຄະນະ, ພາຍຫຼັງສຳເລັດການ ພົບປະສອງຝ່າຍກັບ ສະຫາຍ ພັນຄຳ ວິພາວັນ ຮອງປະທານ ປະເທດ ແຫ່ງ ສປປ ລາວ.

 

ໃນໂອກາດນີ້, ສະຫາຍ ບຸນຍັງ ວໍລະຈິດ ໄດ້ສະແດງ ຄວາມປິຕິຍິນດີຕ້ອນຮັບ ແລະ ຕີລາຄາສູງຕໍ່ການຢ້ຽມຢາມ ສປປ ລາວ ຢ່າງເປັນທາງການ ຄັ້ງທຳອິດຂອງສະຫາຍນາງ ດັ້ງ ຖິ ຫງ໋ອກ ທິ້ງ ນັບແຕ່ໄດ້ ເຂົ້າຮັບຕຳແໜ່ງເປັນຮອງປະ ທານປະເທດ ແຫ່ງ ສສ ຫວຽດ ນາມ, ຊຶ່ງຈະເປັນການປະ ກອບສ່ວນສຳຄັນເຂົ້າໃນການ ສົ່ງເສີມ ແລະ ຮັດແໜ້ນສາຍ ພົວພັນມິດຕະພາບ, ຄວາມສາ ມັກຄີພິເສດ ແລະ ການຮ່ວມມື ຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງ ຊາດ ລາວ – ຫວຽດນາມ ອ້າຍ ນ້ອງທີ່ມີມາແຕ່ດົນນານແລ້ວ ນັ້ນໃຫ້ນັບມື້ນັບແໜ້ນແຟ້ນຍິ່ງໆ ຂຶ້ນ.

 

ລວມທັງເປັນການກະຕຸກ ຊຸກຍູ້ໃຫ້ແກ່ການຮ່ວມມືລະ ຫວ່າງສອງປະເທດ ໃຫ້ເຂົ້າສູ່ ລວງເລິກອີກບາດກ້າວໜຶ່ງ. ພ້ອມກັນນີ້, ສະຫາຍ ບຸນຍັງ ວໍລະຈິດ ກໍໄດ້ສະແດງຄວາມ ຊົມເຊີຍຕໍ່ບັນດາຜົນສຳເລັດ ອັນສຳຄັນ, ຮອບດ້ານທີ່ປະຊາ ຊົນຫວຽດນາມອ້າຍນ້ອງຍາດ ມາໄດ້ພາຍໃຕ້ການນຳພາອັນ ຖືກຕ້ອງຂອງພັກກອມມູນິດ ຫວຽດນາມໃນໄລຍະຜ່ານ ມາ ແລະ ສະແດງຄວາມຂອບ ໃຈຢ່າງສູງຕໍ່ການເອົາໃຈໃສ່ ຊຸກຍູ້ຊ່ວຍເຫຼືອແບບພິເສດ ແລະ ລ້ຳຄ່າຂອງພັກ, ລັດຖະ ບານ ກໍຄືປະຊາຊົນຫວຽດນາມ ອ້າຍນ້ອງ ທີ່ມີຕໍ່ປະຊາຊົນລາວ ໃນການປົກປັກຮັກສາ ແລະ ສ້າງສາພັດທະນາປະເທດ ຊາດຂອງຕົນຕະຫຼອດມາ, ໂດຍສະເພາະໂຄງການປຸກ ສ້າງໂຮງຮຽນຢູ່ແຂວງບໍລິຄຳ ໄຊ ທີ່ເປັນຂອງຂວັນຂອງເລ ຂາທິການໃຫຍ່ຫງວຽນ ຝູ ຈ້ອງ ແລະ ໂຄງການປຸກສ້າງໂຮງ ຮຽນຢູ່ແຂວງເຊກອງ ທີ່ເປັນ ຂອງຂວັນຂອງປະທານປະ ເທດ ເຈິນ ດ໋າຍ ກວາງ. ພ້ອມ ທັງໄດ້ຖືໂອກາດນີ້ຝາກຄວາມ ຢື້ຢາມຖາມຂ່າວເຖິງສະຫາຍ ຫງວຽນ ຝູ ຈ້ອງ ແລະ ສະຫາຍ ປະທານປະເທດ ເຈິນ ດ໋າຍ ກວາງ ອີກດ້ວຍ.

 

ສະຫາຍ ບຸນຍັງ ວໍລະຈິດ ຍັງໄດ້ຕີລາຄາສູງຕໍ່ ໝາກຜົນຂອງການພົບປະ ສອງຝ່າຍລະຫວ່າງສະຫາຍ ຮອງປະທານປະເທດ ດັ້ງ ຖິ ຫງ໋ອກ ທິ້ງ ກັບສະຫາຍ ຄຳພັນ ວິພາວັນ ຮອງປະທານປະເທດ ແຫ່ງ ສປປ ລາວ ໃນໂອກາດ ຢ້ຽມຢາມຄັ້ງນີ້. ໃນຕອນທ້າຍ, ສະຫາຍ ບຸນຍັງ ວໍລະຈິດ ໄດ້ອວຍພອນ ໃຫ້ສາຍພົວພັນມິດຕະພາບ ທີ່ຍິ່ງໃຫຍ່, ຄວາມສາມັກຄີພິ ເສດ ແລະ ການຮ່ວມມືຮອບ ດ້ານລາວ-ຫວຽດນາມ ຈົ່ງໝັ້ນ ຄົງທະນົງແກ່ນຕະຫຼອດ ກາລະນາມ. ພ້ອມທັງອວຍ ພອນໃຫ້ສະຫາຍ ຮອງປະທານ ປະເທດ ດັ້ງ ຖິ ຫງ໋ອກ ທິ້ງ ພ້ອມດ້ວຍຄະນະຈົ່ງມີສຸຂະ ພາບເຂັ້ມແຂງ, ມີຄວາມຜາ ສຸກ, ສືບຕໍ່ຊີ້ນຳ ນຳພາປະເທດ ຫວຽດນາມ ກ້າວຂຶ້ນຕາມເປົ້າ ໝາຍທີ່ວາງໄວ້ ແລະ ໄດ້ຮັບຜົນ ສຳເລັດຢ່າງຈົບງາມໃນການ ເດີນທາງມາຢ້ຽມຢາມ ສປປ ລາວ ໃນຄັ້ງນີ້.

 

ໃນໂອກາດດຽວກັນ, ສະ ຫາຍຮອງປະທານປະເທດ ດັ້ງ ຖິ ຫງ໋ອກ ທິ້ງ ກໍໄດ້ສະແດງ ຄວາມຂອບໃຈເປັນຢ່າງສູງຕໍ່ ການຕ້ອນຮັບອັນອົບອຸ່ນຂອງ ສະຫາຍປະທານປະເທດ ໃນ ຄັ້ງນີ້, ພ້ອມທັງໄດ້ຕີລາຄາສູງ ຕໍ່ການພົວພັນຮ່ວມມືລະຫວ່າງ ສອງພັກ, ສອງລັດ ແລະ ປະ ຊາຊົນສອງຊາດ ລາວ-ຫວຽດ ນາມ ອ້າຍນ້ອງ ໃນໄລຍະຜ່ານ ມາ, ທີ່ໄດ້ຮັບການເສີມຂະ ຫຍາຍໃຫ້ແໜ້ນແຟ້ນຍິ່ງໆຂຶ້ນ ແລະ ສືບຕໍ່ເຕີບໃຫຍ່ຂະຫຍາຍ ຕົວຢ່າງບໍ່ຢຸດຢັ້ງ, ໂດຍສະເພາະ ໃນສະພາບໃໝ່ ແລະ ຍຸກສະ ໄໝໃໝ່ນີ້. ພ້ອມນີ້, ສະຫາຍ ຮອງປະທານປະເທດ ດັ້ງ ຖິ ຫງ໋ອກ ທິ້ງ ຍັງໄດ້ນຳເອົາ ຄວາມຢື້ຢາມຖາມຂ່າວຂອງ ສະຫາຍເລຂາທິການໃຫຍ່ ຫງວຽນ ຝູ ຈ້ອງ ແລະ ສະຫາຍ ປະທານປະເທດ ເຈິນ ດ໋າຍ ກວາງ ສົ່ງເຖິງ ສະຫາຍປະທານ ປະເທດ ບຸນຍັງ ວໍລະຈິດ ອີກດ້ວຍ.

(ຂ່າວ: ກະຊວງການຕ່າງ ປະເທດ, ພາບ: ພູວຽງຄຳ)

ຂ່າວສານອື່ນໆ