ລັດຖະມົນຕີ ຮສສ ຕ້ອນຮັບ ເອກອັກຄະຣັດຖະທູດ ປະເທດ ຕວກກີ້ ຄົນໃໝ່ ປະຈຳ ສປປ ລາວ

05-03-2018, 15:49 409

ໃນວັນທີ 2 ມີນາ 2018ນີ້, ທີ່ຫ້ອງຮັບແຂກກະຊວງແຮງງານ ແລະ ສະຫວັດດີການສັງຄົມ ( ຮສສ )ທ່ານ ປອ ຄໍາແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ພ້ອມຄະນະ, ໄດ້ຕ້ອນຮັບ ການເຂົ້າຢຽ້ມຂ່ຳນັບ ຂອງ ທ່ານ Ahmet Idem AKAY ເອກອັກຄະຣັດຖະທູດ ປະເທດ ຕວກກີ້ ປະຈຳ ສປປ ລາວ ໃນໂອກາດທີ່ທ່ານໄດ້ມາດຳລົງຕຳແໜ່ງເປັນເອກອັກຄະຣັດຖະທູດ ຄົນ ໃໝ່ ປະຈຳ ລາວ .
ໃນໂອກາດນີ້, ທ່ານ ປອ ຄໍາແພງ ໄຊສົມແພງ ໄດ້ສະແດງຄວາມຍ້ອງຍໍ ຊົມເຊີຍ ແລະ ຕີລາຄາສູງ ທີ່ທ່ານ Ahmet Idem AKAY ໄດ້ມາດຳລົງຕຳແໜ່ງເປັນເອກອັກຄະຣັດຖະທູດ ຄົນໃໝ່ ປະຈຳ ລາວ ໃນຄັ້ງນີ້ ເຊິ່ງເປັນການປະກອບສວ່ນອັນສຳຄັນເຂົ້າໃນການຮັດແໜ້ນ ແລະ ເສີມສ້າງສາຍພົວພັນການຮວ່ມມື ແລະ ຊ່ວຍເຫຼືອຊຶ່ງກັນ ແລະ ກັນ ລະຫວ່າງລາວ-ຕວກກີ້ ໃຫ້ນັບ ມື້ເພີ່ມພູນຄູນສ້າງຍິ່ງໆຂຶ້ນ, ພ້ອມທັງອວຍພອນໃຫ້ ທ່ານທູດ ຈົ່ງປະສົບຜົນສຳເລັດໃນການດຳລົງຕຳແໜ່ງເປັນນັກການທູດ ເພື່ອເສີມຂະຫຍາຍສາຍພົວພັນລະ ຫວ່າງ ລາວ-ຕວກກີ້ ໃຫ້ນັບມື້ແໜ້ນແຟ້ນ ແລະ ຂະຫຍາຍຕົວ ຢ່າງບໍ່ຢຸດຢັ້ງ, ພ້ອມນີ້ ທ່ານ ລັດຖະມົນຕີ ຮສສ ຍັງໄດ້ລາຍງານໃຫ້ຊາບ ໂດຍຫຍໍ້ກຽວກັບຂົງເຂດວຽກງານແຮງງານ ແລະ ສະຫວັດດີການສັງຄົມ ແລະ ສະເໜີ ໃຫ້ທາງລັດຖະບານ ຕວກກີ້ ສືກສາຄວາມເປັນໄປໄດ້ ໃນການຮ່ວມມື ກັນໃນຕໍ່ໜ້ານຳອີກ . ທ່ານ Ahmet Idem AKAY ກໍໄດ້ສະແດງຄວາມ ຂອບໃຈຕໍ່ ທ່ານລັດຖະມົນຕີ ກະຊວງ ຮສສ, ທີ່ໄດ້ໃຫ້ການ ຕ້ອນຮັບຢ່າງອົບອຸ່ນ ແລະ ກ່າວຢືນຢັນວ່າຈະຕັ້ງໜ້າປະ ຕິບັດໜ້າທີ່ອັນມີກຽດ ເຂົ້າໃນການເພີ່ມທະວີການພົວພັນ ຮ່ວມມືລະຫວ່າງ ລາວ -ຕວກກີ້ ໃຫ້ເກີດດອກອອກຜົນຢ່າງແທ້ຈິງ./.

(ພາບ-ຂ່າວ: ເພັດສະໄໝ )

ຂ່າວສານອື່ນໆ