ສາມອົງການຈັດຕັ້ງມະຫາຊົນ ກະຊວງ ຮສສ ປືກສາຫາລືແລກປຽ່ນບົດຮຽນ

08-02-2018, 15:53 120

ໃນວັນທີ 7 ກຸມພາ2018ນີ້, ທີ່ກະຊວງແຮງງານ ແລະ ສະຫວັດດີການສັງຄົມ ( ຮສສ ), ໄດ້ມີກອງປະຊຸມປືກສາຫາລືແລກປຽ່ນບົດຮຽນ ຂອງ ສາມອົງການຈັດຕັ້ງມະຫາຊົນ ກະຊວງ ຮສສ, ເປັນກຽດເຂົ້າຮ່ວມຂອງ ທ່ານ ນ. ໃບຄຳ ຂັດທິຍະ ຮອງເລຂາພັກກະຊວງ,ຜູ້ຊີ້ນຳອົງການຈັດຕັ້ງມະຫາຊົນ, ຮອງລັດຖະມົນຕີກະຊວງ ຮສສ, ມີບັນດາປະທານ ສາມອົງການຈັດຕັ້ງມະຫາຊົນ, ຮອງປະທານ, ຫົວໜ້າໜ່ວຍ ພາຍໃນ ແລະ ອອ້ມຂ້າງກະຊວງເຂົ້າຮ່ວມ.
ກອງປະຊຸມດັ່ງກາວ ທ່ານ ນ. ໃບຄຳ ຂັດທິຍະ ຍັງໄດ້ຮັບຟັງການສະຫຼຸບລາຍງານ ແລະ ການສະເໜີ ໂດຍຫຍໍ້ ຂອງ ສາມອົງການຈັດຕັ້ງມະຫາຊົນ ໃນໄລຍະຜ່ານມາ, ທ່ານຍັງໄດ້ຕີລາຄາ ຍ້ອງຍໍ, ຊົມເຊີຍ ຕໍ່ຜົນງານຂອງສາມອົງການຈັດຕັ້ງມະຫາຊົນ ຍາດມາໄດ້ ໄລຍະຜ່ານມາ ແລະເຫັນວ່າຍັງມີບາງຄຳສະເໜີທີ່ຕ້ອງໄດ້ແກ້ໄຂ ແລະ ປັບປຸງຕື່ມ ດັ່ງນີ້:
ບັນດາສະມາຊິກ ຈົ່ງສືບຕໍ່ສຶກສາອົບຮົມການເມືອງ-ແນວຄິດ, ເອົາໃຈໃສ່ເພີ່ມຄວາມ ສາມັກຄີ , ພ້ອມກັນເຂົ້າຮ່ວມກິດຈະກຳຕ່າງໆຢ່າງເປັນຂະບວນ,ຈັດຕັ້ງປະຕິບັດໜ້າທີ່ວຽກງານຂອງຕົນດ້ວຍຄວາມຮັບຜິດຊອບ, ສະໜັບສະໜູນເຊິ່ງກັນ ແລະ ກັນ, ສ້າງຜູ້ທີ່ມີຄວາມກ້າວໜ້າ ແລະ ເຂັ້ມແຂງ ໃນວຽກງານ, ປັບປຸງແບບແຜນວິທີເຮັດວຽກແບບໃໝ່ ໃຫ້ມີຄວາມແຂງແຮງກວ່າເກົ່າ; ເພີ່ມພູນຄູນສ້າງໃຫ້ອົງການຈັດຕັ້ງໃຫ້ມີຄວາມເຂັ້ມແຂງ, ສ້າງເງື່ອນໄຂໃຫ້ມີການແລກປຽ່ນເຊິ່ງກັນ ແລະ ກັນແບບເປີດກວ້າງໂດຍໃຫ້ເລຂາຄະນະພັກກະຊວງເຂົ້າຮ່ວມພົບປະກັບສະມະຊິກ ສາມອົງການຈັດຕັ້ງມະຫາຊົນຕື່ມ ໂດຍສະເພາະວັນສຳຄັນຕ່າງໆ, ພ້ອມ ປະຕິບັດຕາມຄໍາຂັວນຂອງແຕ່ລະອົງການຈັດຕັ້ງ ທັງສືບຕໍ່ຈັດຕັ້ງປະຕິບັດຕາມຂໍ້ແຂ່ງຂັນ 2 ດີ 5 ເປັນເຈົ້າ ໃຫ້ຕິດພັນກັບວຽກງານວິຊາສະເພາະ ເພື່ອປະກອບສ່ວນເຂົ້າໃນການປະຕິບັດໜ້າທີ່ວຽກງານຂອງຕົນ ໃຫ້ໄດ້ ຮັບຜົນສຳເລັດ./

( ພາບ-ຂ່າວ : ເພັດສະໄໝ )

ຂ່າວສານອື່ນໆ