ທີມງານ ທຣັມ-ຄິມ ຫາລື ກຽມການກ່ອນຊຳມິດຜູ້ນຳ

11-06-2018, 19:24 46

ສຳນັກຂ່າວຕ່າງປະເທດລາຍງານຈາກປະເທດສິງກະໂປເມື່ອວັນທີ່ 11 ມິຖຸນາວ່າ ເຈົ້າໜ້າທີ່ລະດັບສູງຂອງເກົາຫຼີເໜືອ ແລະອາເມລິກາພົບຫາລືກັນຢ່າງບໍ່ເປັນທາງການທີ່ໂຮງແຮມຣິດຄາລຕັນ ໃນເຂດໃຈກາງເມືອງຂອງສິງກະໂປເມື່ອວັນຈັນ ເພື່ອກຽມຄວາມພ້ອມກ່ອນການປະຊຸມຄັ້ງປະຕິວັດສາດລະຫວ່າງປະທານາທິບໍດີໂດນັລ ທຣັມ ກັບທ່ານຄິມ ຈອງ-ອຶນ ໃນວັນອັງຄານທີ່ 12 ມິຖຸນານີ້ ໂດຍຄະນະຂອງລັດຖະບານປຽງຢາງລວມເຖິງນາງໂຊ ຊອນ-ຣີ ລັດຖະມົນຕີວ່າການກະຊວງການຕ່າງປະເທດເກົາຫຼີເໜືອ ແລະຜູ້ນຳນວຍການສຳນັກງານກິດຈະການອາເມລິກາເໜືອ ແລະທ່ານໂຊ ຄັງ-ອິລ ນັກການທູດອາວຸໂສຊື່ງດຳລົງຕຳແໜ່ງຮອງຜູ້ອຳນວຍການສຳນັກງານກິດຈະການອາເມລິກາເໜືອ

ແມ່ນວ່າຍັງບໍ່ຊັດເຈນວ່າທີມງານຂອງລັດຖະບານວໍຊິງຕັນຊື່ງລວມການພົບຫາລືຄັ້ງນີ້ມີໃຜແນ່ແຕ່ໂດຍທ່ານຊອງ ຄິມ ເອກອັກຄະລາຊະທູດອາເມລິກາປະຈຳນະຄອນມະນິລາ ຊື່ງມີເຊື້ອສາຍເກົາຫຼີ ແລະເຄີຍເຮັດໜ້າທີ່ຫົວໜ້າທີມງານຫາລືຂອງອາເມລິກາ ກັບຄະນະເຈົ້າໜ້າທີ່ຂອງລັດຖະບານປຽງຢາງທີ່ໜູ່ບ້ານປັນມຸນຈອມ ເທີງເຂດປອດທະຫານຂອງຄາບສະໜຸດເກົາຫຼີເມື່ອເດືອນຜ່ານມາ ດ້ານທ່ານໄມເຄິລ ປອມເປໂອ ລັດຖະມົນຕີວ່າການກະຊວງການຕ່າງປະເທດອາເມລິກາ ຊື່ງຮ່ວມຄະນະເດີນທາງຢ້ຽມຢາມສິງກະໂປກັບທຣັມດ້ວຍ ກ່າວວ່າອາເມລິກາຍຶດໜັ້ນກັບຂະບວນການປົດອາວຸດນິວເຄຼຍເທິງຄາບສະໜຸດເກົາຫຼີທີ່ສົມບູນກວດສອບໄດ້ ແລະບໍ່ສາມາດປ່ຽນແປງໄດ້

ຂະນະຜູ້ນຳອາເມລິກາມີກຳນົດພົບຫາລືກັບນາຍົກລັດຖະມົນຕີ ຊຽນ ລຸງ ຜູ້ນຳສິງກະໂປໃນວັນຈັນທີ່ 11 ມິຖຸນານີ້ ຢ່າງໃດກໍ່ຕາມ ຕະຫຼອດທັງວັນດຽວກັນນີ້ຍັງບໍ່ມີລາຍງານກ່ຽວກັບພາລະກິດຢ່າງເປັນທາງການຂອງທ່ານຄິມ ຈອງ-ອຶນ

ຂອບ​ໃຈ​ຂ່າວ​ສານ ເອ​ບີ​ຊີ

ຂ່າວສານອື່ນໆ