ກຸ່ມບໍລິສັດ ນັດທະລິນ ມອບເງິນ 263 ລ້ານກີບ ຊ່ວຍຜູ້ປະສົບໄພ

08-08-2018, 15:35 55

ຂປລ. ໃນຕອນບ່າຍຂອງວັນທີ 8 ສິງຫາ 2018, ກຸ່ມບໍລິສັດ ນັດທະລິນ ພ້ອມດ້ວຍ ບໍລິສັດ ເມືອງໂຂງ ຄຣີນ ເອເນີຈີ້ ຈຳກັດ ແລະ ບໍລິສັດ ແທນພາວເວີ ຈຳກັດ ມອບເງິນຈຳນວນ 263 ລ້ານກີບ ໃຫ້ລັດຖະບານແຫ່ງ ສປປ ລາວ ເພື່ອນຳໄປແບ່ງເບົາ ແລະ ບັນເທົາທຸກໃຫ້ແກ່ປະຊາຊົນຜູ້ທີ່ໄດ້ຮັບຜົນກະທົບຈາກໄພພິບັດຢູ່ເມືອງ ສະໜາມໄຊ, ແຂວງ ອັດຕະປື.
ເງິນຈໍານວນດັ່ງກ່າວນີ້ ຕາງໜ້າມອບໂດຍ ທ່ານ ເຊີດຊູ ປານບຸນຫ້ອມ ປະທານກຸ່ມບໍລິສັດ ນັດທະລິນ ແລະ ກ່າວຮັບໂດຍ ທ່ານ ຄໍາແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ.


ໃນອາທິດທີ່ຜ່ານມາ, ກຸ່ມບໍລິສັດ ນັດທະລິນ ຍັງໄດ້ມອບເຮືອຢາງພ້ອມດ້ວຍຈັກເຮືອ ຈຳນວນ 3 ລຳ ໃຫ້ແກ່ພະແນກແຮງງານ ແລະ ສະຫວັດດີການສັງຄົມ ແຂວງ ຈຳປາສັກ ເພື່ອປະກອບສ່ວນເຂົ້າໃນພາລະກິດຊ່ວຍເຫລືອຜູ້ປະສົບໄພໃນຄັ້ງນີ້, ນີ້ສະແດງໃຫ້ເຫັນເຖິງຄວາມເປັນຫ່ວງເປັນໃຍຕໍ່ພີ່ນ້ອງຜູ້ປະສົບໄພໃນສປປ.ລາວຂອງກຸ່ມບໍລິສັດດັ່ງກ່າວ.
ຂ່າວ: ສິງຄຳ

ຂ່າວສານອື່ນໆ