ເພີ່ມສູນຕ້ອນຮັບເຂົ້າເຮັກວຽກ ແລະ ສິ້ນສຸດການຈ້າງງານ ອີກ 1 ແຫ່ງ ຢູ່ແຂວງ ມຸກດາຫານ ປະເທດໄທ

09-04-2018, 12:03 63

ເພື່ອອຳນວຍຄວາມສະດວກໃຫ້ແກ່ແຮງງານລາວທີ່ຈະເດີນທາງເຂົ້າໄເຮັດວຽກຢູ່ປະເທດໄທ ແບບຖືກຕ້ອງຕາມລະບຽບກົດໝາຍ, ລວມທັງຜູ້ໃຊ້ແຮງງານ ແລະ ຫົວໜ່ວຍທຸລະກິດ ທີ່ຕ້ອງການແຮງງານ ເພື່ອສ້າງຜົນປະໂຫຍດໃຫ້ກັບຜູ້ໃຊ້ແຮງງານ ແລະ ຜູ້ອອກແຮງງານ ໃຫ້ເປັນໄປຕາມລະບຽບກົດໝາຍ ຂອງສອງປະເທດ. ໃນວັນທີ 4-5 ເມສາ 2018ນີ້, ທ່ານ ປອ. ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ພ້ອມດ້ວຍຄະນະ ,ເຂົ້າຮ່ວມພິທີເປີດສູນຕ້ອນຮັບເຂົ້າເຮັກວຽກ ແລະ ສິ້ນສຸດການຈ້າງງານ ແຂວງ ມຸກດາຫານ ປະເທດໄທ ແລະ ຢ້ຽມຢາມ, ຕາມຄໍາເຊີນຂອງ ທ່ານ ພົນຕຳຫຼວດເອກ ອະດູນ ແສງສິງແກ້ວ ລັດຖະມົນຕີວ່າການກະຊວງແຮງງານ ແຫ່ງ ຣາຊະອານະຈັກໄທ,ໂດຍການ ປະທານກ່າວເປີດພິທີດັ່ງກ່າວນຳອີກ.
ສູນຕ້ອນຮັບເຂົ້າເຮັກວຽກ ແລະ ສິ້ນສຸດການຈ້າງງານ ນີ້ ເປັນສະຖານທີ່ກວດສອບ ແລະ ຄັດກອງແຮງງານກ່ອນອະນຸຍາດໃຫ້ເດີນທາງເຂົ້າໄປເຮັດວຽກຢູ່ປະເທດໄທ ເພື່ອປ້ອງກັນບັນຫາການຄ້າມະນຸດ, ຝຶກອົບຮົມແຮງງານຕ່າງປະເທດ ທີ່ເຂົ້າມາຕາມລະບົບ MOU ກ່ຽວກັບການເຮັດວຽກ, ການດຳລົງຊີວິດຢູ່ໃນປະເທດໄທ ແລະ ເປັນສູນຮັບແຮງງານເພື່ອລໍຖ້າຜູ້ໃຊ້ແຮງງານເດີນທາງມາຮັບເອົາແຮງງານໄປເຮັດວຽກ ແລະ ກັບປະເທດ ໃນກໍລະນີສິ້ນສຸດການຈ້າງງານ ລວມທັງເປັນສູນປະສານງານ ລະຫວ່າງ ຜູ້ໃຊ້ແຮງງານ ແລະ ຜູ້ອອກແຮງງານ ແລະ ເປັນສະຖານທີ່ອອກໃບອະນຸຍາດເຮັດວຽກ (E-Work Permit).
ຈາກນີ້ ທ່ານ ລັດຖະມົນຕີວ່າການ ກະຊວງແຮງງານໄທ ໄດ້ລາຍງານການຈັດຕັ້ງປະຕິບັດ ສູນຕ້ອນຮັບເຂົ້າເຮັກວຽກ ແລະ ສິ້ນສຸດການຈ້າງງານ ໃນ ແຂວງ 4 ຄື: ແຂວງ ຕາກ, ແຂວງ ສະແກ້ວ , ແຂວງໜອງຄາຍ ແລະ ແຂວງ ມຸກດາຫານ ແລະ ຍັງໄດ້ກ່າວຕື່ມອີກວ່າ: ປະຈຸບັນມີແຮງງານລາວຈາກ ສປປ ລາວ ເຊິ່ງມີຈຳນວນຫຼາຍພໍສົມຄວນ ທີ່ອາໄສຢູ່ແຂວງສະຫວັນນະເຂດ ແລະ ເມື່ອເດີນທາງເຂົ້າໄປເຮັດວຽກຢູ່ປະເທດໄທ ຈະຕ້ອງເດີນທາງໄປຜ່ານດ່ານຢູ່ແຂວງ ໜອງຄາຍ. ກະຊວງແແຮງງານ ໂດຍກົມການຈັດຫາງານຂອງໄທ ຈຶ່ງໄດ້ເພີ່ມສູນຕ້ອນຮັບເຂົ້າເຮັກວຽກ ແລະ ສິ້ນສຸດການຈ້າງງານ ແຂວງ ມຸກດາຫານ ອີກ 1 ແຫ່ງ ເພື່ອອຳນວຍຄວາມສະດວກໃຫ້ແກ່ແຮງງານລາວທີ່ຈະເດີນທາງເຂົ້າໄເຮັດວຽກຢູ່ປະເທດໄທ ລວມທັງຜູ້ໃຊ້ແຮງງານ ແລະ ຫົວໜ່ວຍທຸລະກິດ ທີ່ຕ້ອງການແຮງງານຕ່າງປະເທດ ເພື່ອສ້າງຜົນປະໂຫຍດໃຫ້ກັບຜູ້ໃຊ້ແຮງງານ ແລະ ຜູ້ອອກແຮງງານ ໃຫ້ເປັນໄປຕາມລະບຽບກົດໝາຍ ຂອງສອງປະເທດ.
ໃນໂອກາດທີ່ ທ່ານ ປອ. ຄໍາແພງ ໄຊສົມແພງ ລັດຖະມົນຕີແຮງງານ ລາວ, ເຂົ້າຮ່ວມພິທີດັ່ງກ່າວ ເຊິ່ງທ່ານ ກໍໄດ້ສະແດງຄວາມຍິນດີ, ຊົມເຊີຍ ພ້ອມທັງໄດ້ກ່າວວ່າ: ການເປີດສູນຕ້ອນຮັບເຂົ້າເຮັກວຽກ ແລະ ສິ້ນສຸດການຈ້າງງານ ແຂວງ ມຸກດາຫານ ເພີ່ມອີກ 1 ແຫ່ງ, ແມ່ນມີຄວາມສຳຄັນຫລາຍຕໍ່ແຮງງງານລາວ ຜູ້ທີ່ມີຄວາມປະສົງຢາກໄປເຮັດວຽກຢູ່ປະເທດໄທ ແບບຖືກຕ້ອງຕາມກົດໝາຍ ແລະເປັນສູນຕ້ອນຮັບແຮງງານລາວນັບທັງເຂົ້າໄປເຮັດວຽກ ແລະ ກັບຄືນສູ່ປະເທດລາວ ພາຍຫລັງສິ້ນສຸດການເຮັດວຽກຢູ່ປະເທດໄທ, ທັງແມ່ນໜາກຜົນຕົວຈິ່ງແຫ່ງການພົວພັນຮ່ວມມືດ້ານແຮງງານ ລະຫວ່າງ ສອງລັດຖະບານ ກໍຄື ສອງກະຊວງແຮງງານ ລາວ-ໄທ ໃນການຈັດຕັ້ງຜັນຂະຫຍາຍ ແລະ ປະຕິບັດບົດບັນທຶກຄວາມເຂົ້າໃຈວ່າດ້ວຍການຮ່ວມມື ດ້ານແຮງງານ ລາວ-ໄທ ທີ່ໄດ້ຮ່ວມກັນລົງນາມໃນປີ 2016 ແລະ ຂໍ້ຕົກລົງວ່າດ້ວຍການຮ່ວມມືດ້ານການຈ້າງງານ ທີ່ໄດ້ຮ່ວມກັນລົງນາມໃນປີ 2017 ແລະ ໃນໂອກາດນີ້ ທ່ານລັດຖະມົນຕີ ກະຊວງແຮງງານ ລາວ, ຂໍຖືໂອກາດຕາງໜ້າໃຫ້ລັດຖະບານ ສປປ ລາວ ຂໍສະແດງຄວາມຂອບໃຈຢ່າງຈິງໃຈ ມາຍັງລັດຖະບານ ໄທ ກໍຄື ກະຊວງແຮງງານ ແຫ່ງ ຣາຊະອານະຈັກໄທ, ທີ່ໄດ້ໃຫ້ການຮ່ວມມື ແລະ ເອົາໃຈໃສ່ຊ່ວຍເຫຼືອ ແລະ ອໍານວຍຄວາມສະດວກດ້ານຕ່າງໆ ໃຫ້ແກ່ເຈົ້າໜ້າທີ່ຂອງລາວ ທີ່ປະຕິບັດຫນ້າທີ່ປັບສະຖານະພາບແຮງງານຕ່າງດ້າວ ສັນຊາດລາວ ທີ່ເຮັດວຽກຢູ່ປະເທດໄທ, ຊຶ່ງເປັນການປະກອບສ່ວນສຳຄັນເຂົ້າໃນວຽກງານການແກ້ໄຂ ແລະ ຫັນເອົາແຮງງານລາວ ທີ່ເຮັດວຽກແບບບໍ່ຖືກຕ້ອງ ຕາມລະບຽບກົດໝາຍ ຢູ່ປະເທດໄທ ເຂົ້າສູ່ກົນໄກການຄຸ້ມຄອງ ໃຫ້ຖືກຕ້ອງຕາມລະບຽບກົດໝາຍຂອງ 2 ປະເທດ , ພ້ອມທັງຫວັງວ່າ ກະຊວງແຮງງານໄທ ຈະສືບຕໍ່ສ້າງ ແລະ ເປີດສູນຕ້ອນຮັບເຂົ້າເຮັກວຽກ ແລະ ສິ້ນສຸດການຈ້າງງານ ຢູ່ແຂວງຊາຍແດນຕື່ມອີກໃນອານະຄົດ ຕື່ມອີກ.

( ຂໍ້ມູນ: ຄະນະຕິດຕາມ, ຂ່າວ: ເພັດສະໄໝ )

ຂ່າວສານອື່ນໆ