ລາວ-ຫວຽດນາມ ຮັດແໜ້ນສາຍພົວພັນມິດຕະພາບ ອັນເປັນມູນເຊື້ອ ຄວາມສາມັກຄີພິເສດ ແລະ ການຮ່ວມມື ຮອບດ້ານເລິກເຊິ່ງກວ່າເກົ່າ

20-06-2018, 11:46 85

ລາວ – ຫວຽດນາມ ເພີ່ມທະວີຮັດແໜ້ນສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານໂດຍຕອບສະໜອງຕາມການ ເຊື້ອເຊີນສະຫາຍ ພັນຄຳ ວິພາ ວັນ, ກຳມະການກົມການເມືອງ ສູນກາງພັກ, ຜູ້ປະຈຳການຄະນະ ເລຂາທິການສູນກາງພັກ, ຮອງ ປະທານປະເທດ ແຫ່ງ ສາທາລະ ນະລັດ ປະຊາທິປະໄຕ ປະຊາຊົນ ລາວ, ໃນຕອນເຊົ້າຂອງວັນທີ 19 ມິຖຸນາ 2018, ສະຫາຍ ນາງ ດັ້ງ ຖິ ຫງ໋ອກ ທິ້ງ, ກຳມະ ການຄະນະບໍລິຫານງານສູນ ກາງພັກກອມມູນິດຫວຽດນາມ, ຮອງປະທານປະເທດ ແຫ່ງ ສາ ທາລະນະລັດ ສັງຄົມນິຍົມ ຫວຽດນາມ ພ້ອມດ້ວຍຄະນະຜູ້ແທນຂັ້ນສູງ ໄດ້ເດີນທາງມາຢ້ຽມ ຢາມ ສປປ ລາວ ຢ່າງ

 

ເປັນທາງ ການ, ໃນລະຫວ່າງວັນທີ 19- 22 ມິຖຸນາ 2018, ເພື່ອເພີ່ມທະ ວີ ແລະ ເສີມຂະຫຍາຍສາຍພົວ ພັນມິດຕະພາບທີ່ເປັນມູນເຊື້ອ ຄວາມສາມັກຄີພິເສດ ແລະ ການ ຮ່ວມມືຮອບດ້ານລະຫວ່າງສອງ ປະເທດ ລາວ ແລະ ຫວຽດນາມ ໃຫ້ແຕກດອກອອກຜົນຍິ່ງໆຂຶ້ນ. ພິທີຕ້ອນຮັບຢ່າງເປັນທາງ ການໄດ້ຈັດຂຶ້ນຢູ່ທີ່ທຳນຽບປະ ທານປະເທດ ໂດຍໄດ້ດຳເນີນໄປ ດ້ວຍບັນຍາກາດອັນອົບອຸ່ນ, ສະ ໜິດສະໜົມ ແລະ ສົມກຽດ. ພາຍ ຫຼັງສຳເລັດພິທີຕ້ອນຮັບ, ກໍໄດ້ມີ ການພົບປະສອງຝ່າຍລະຫວ່າງ ສະຫາຍ ພັນຄຳ ວິພາວັນ, ຮອງ ປະທານປະເທດ ແຫ່ງ ສປປ ລາວ ແລະ ສະຫາຍ ນາງ ດັ້ງ ຖິ ຫງ໋ອກ ທິ້ງ, ຮອງປະທານປະ ເທດ ສສ ຫວຽດນາມ.

 

ໃນການ ພົບປະສອງຝ່າຍໄດ້ສະແດງ ຄວາມເພິ່ງພໍໃຈເປັນຢ່າງຍິ່ງທີ່ ເຫັນວ່າການພົວພັນມິດຕະພາບ ອັນຍິ່ງໃຫຍ່, ຄວາມສາມັກຄີພິ ເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ສືບຕໍ່ໄດ້ຮັບການປັບປຸງເສີມຂະ ຫຍາຍຢ່າງບໍ່ຢຸດຢັ້ງໄປສູ່ລວງ ເລິກໃນທຸກຂົງເຂດວຽກງານ ບໍ່ ວ່າຈະເປັນທາງດ້ານການ ເມືອງ, ການປ້ອງກັນຊາດ, ການ ປ້ອງກັນຄວາມສະຫງົບ, ເສດຖະ ກິດ, ວັດທະນະທຳ-ສັງຄົມ, ການ ຕ່າງປະເທດ ແລະ ດ້ານອື່ນໆ. ສອງຝ່າຍໄດ້ຕີລາຄາສູງຕໍ່ການ ແລກປ່ຽນການຢ້ຽມຢາມຂອງ ຄະນະຜູ້ແທນຂອງສອງປະເທດ ໃນທຸກລະດັບຢ່າງເປັນປົກກະຕິ ເພື່ອຊຸກຍູ້ສົ່ງເສີມສາຍພົວພັນ ຮ່ວມມືສອງຝ່າຍ, ຮ່ວມກັນປຶກ ສາຫາລືແກ້ໄຂບັນຫາທີ່ຍັງຄ້າງ ຄາຢ່າງທັນການ ເຮັດໃຫ້ຫຼາຍ ໂຄງການຮ່ວມມື-ການລົງທຶນທີີ່ ຍັງຄ້າງຄາສາມາດຈັດຕັ້ງປະຕິ ບັດໄດ້ຕາມແຜນການ.

 

ພິເສດໃນ ປີ 2017 ຜ່ານມາ, ສອງປະເທດ ໄດ້ຮ່ວມກັນຈັດກິດຈະກຳເຄື່ອນ ໄຫວສະເຫຼີມສະຫຼອງປີສາມັກຄີ ມິດຕະພາບຢ່າງເປັນຂະບວນ ຟົດຟື້ນທີ່ສຸດນັບແຕ່ສູນກາງລົງ ຮອດທ້ອງຖິ່ນ ເຊິ່ງເຫັນໄດ້ວ່າ ທຸກກິດຈະກຳເຄື່ອນໄຫວລ້ວນ ແຕ່ໄດ້ສ່ອງແສງໃຫ້ເຫັນເຖິງ ສາຍພົວພັນຮ່ວມມືອັນຍິ່ງໃຫຍ່, ສະເໝີຕົ້ນສະເໝີປາຍ, ບໍລິສຸດ ແລະ ໂປ່ງໃສ, ເປັນສາຍພົວພັນ ທີ່ບໍ່ສາມາດຕັດແຍກອອກຈາກ ກັນໄດ້. ພ້ອມດຽວກັນນີ້, ສອງ ຝ່າຍກໍເຫັນດີສືບຕໍ່ເອົາໃຈໃສ່ ແລະ ຫາວິທີອັນເໝາະສົມໃນ ການສຶກສາອົບຮົມມູນເຊື້ອ ຄວາມສາມັກຄີພິເສດ ລາວ- ຫວຽດນາມ ໃນຖັນແຖວພະນັກ ງານ ແລະ ປະຊາຊົນສອງປະ ເທດ ເປັນຕົ້ນແມ່ນຊາວໜຸ່ມ-ເຍົາ ວະຊົນສອງປະເທດ; ສືບຕໍ່ເພີ່ມ ທະວີການຮ່ວມມືຢ່າງແໜ້ນ ແຟ້ນ, ກ່ຽວກັບວຽກງານຊາຍ ແດນສອງປະເທດໃນການຮັກ ສາຄວາມສະຫງົບ, ສະກັດກັ້ນ ການຕ້ານອາດຊະຍາກຳຂ້າມ ຊາດ, ການຄ້າມະນຸດ, ຂົນສົ່ງ ຢາເສບຕິດຂ້າມແດນ, ຄ້າຂາຍ ເຖື່ອນ, ການລັກລອບຂຸດຄົ້ນຊັບ ພະຍາກອນທຳມະຊາດຢູ່ບໍລິ ເວນຊາຍແດນ, ບໍ່ໃຫ້ຄົນບໍ່ດີມາ ມ້າງເພຄວາມບໍ່ສະຫງົບສຸກ ຂອງສອງຊາດ ເພື່ອໃຫ້ຊາຍ ແດນສອງປະເທດກາຍເປັນຊາຍ ແດນແຫ່ງສັນຕິພາບ, ມິດຕະ ພາບ ແລະ ມີການພັດທະນາຢ່າງ ຮອບດ້ານ ແລະ ຍືນຍົງ; ເອົາໃຈ ໃສ່ຮ່ວມກັນແກ້ໄຂບັນຫາການ ຍົກຍ້າຍຕັ້ງພູມລຳເນົາຕາມລຳ ພັງໃຈ ແລະ ການແຕ່ງດອງແບບ ບໍ່ຖືກຕ້ອງຕາມລະບຽບການ ຂອງປະຊາຊົນຢູ່ຕາມບໍລິເວນ ຊາຍແດນຂອງສອງປະເທດ ຢ່າງຕັ້ງໜ້າ ລວມທັງການຄຸ້ມ ຄອງແຮງງານເລື່ອນລອຍໃຫ້ ເປັນໄປຕາມຂໍ້ຕົກລົງທີ່ໄດ້ຮ່ວມ ລົງນາມນຳກັນ; ເອົາໃຈໃສ່ຕິດ ຕາມ, ກວດກາ, ຊຸກຍູ້ບັນດາວິສາ ຫະກິດຂອງຫວຽດນາມທີ່ລົງ ທຶນຢູ່ລາວ, ຈັດຕັ້ງຜັນຂະຫຍາຍ ບັນດາໂຄງການທີ່ໄດ້ຮັບອະນຸ ຍາດລົງທຶນແລ້ວນັ້ນໃຫ້ທ່ວງ ທັນຕາມສັນຍາ ຖືກຕ້ອງຕາມລະ ບຽບກົດໝາຍຂອງ ສປປ ລາວ ແລະ ມີປະສິດທິຜົນຕົວຈິງ; ແລະ ສືບຕໍ່ເອົາໃຈໃສ່ຊຸກຍູ້ໃຫ້ມູນຄ່າ ການຄ້າລະຫວ່າງສອງປະເທດ ໃຫ້ບັນລຸໄດ້ຕາມເປົ້າໝາຍທີ່ ສອງລັດຖະບານໄດ້ຕົກລົງກັນ.

 

ນອກຈາກນີ້, ສອງຝ່າຍຍັງໄດ້ ແຈ້ງສະພາບການພັດທະນາເສດ ຖະກິດ-ສັງຄົມຂອງຕົນໃຫ້ກັນ ຊາບ, ພ້ອມທັງແລກປ່ຽນຄຳຄິດ ເຫັນຕໍ່ສະພາບການອັນພົ້ນເດັ່ນ ຂອງສາກົນ ແລະ ພາກພື້ນທີ່ ສອງຝ່າຍມີຄວາມສົນໃຈຮ່ວມ ກັນ. ໃນໂອກາດນີ້, ສະຫາຍ ພັນ ຄຳ ວິພາວັນ ໄດ້ສະແດງຄວາມ ຍິນດີຕ້ອນຮັບ ແລະ ຕີລາຄາສູງ ຕໍ່ການເດີນທາງມາຢ້ຽມຢາມ ທາງການ ສປປ ລາວ ຢ່າງເປັນ ທາງການຂອງຄະນະຜູ້ແທນຂັ້ນ ສູງ ສສ ຫວຽດນາມ ນຳໂດຍ ສະຫາຍ ນາງ ດັ້ງ ຖິ ຫງ໋ອກ ທິ້ງ ໃນຄັ້ງນີ້, ທີ່ໄດ້ນຳເອົາໄມຕີຈິດ ມິດຕະພາບອັນດູດດື່ມ, ຄວາມ ສາມັກຄີຮັກແພງອັນສະໜິດສະ ໜົມຂອງພັກ-ລັດ ແລະ ປະຊາ ຊົນຫວຽດນາມອ້າຍນ້ອງມາຍັງ ພັກ-ລັດ ແລະ ປະຊາຊົນລາວ, ພ້ອມທັງເປັນການປະກອບສ່ວນ ອັນສຳຄັນເຂົ້າໃນການເພີ່ມທະວີ ແລະ ເສີມຂະຫຍາຍມູນເຊື້ອອັນ ດີງາມແຫ່ງສາຍພົວພັນມິດຕະ ພາບທີ່ຍິ່ງໃຫຍ່, ຄວາມສາມັກຄີ ພິເສດ ແລະ ການຮ່ວມມືຮອບ ດ້ານລະຫວ່າງສອງພັກ, ສອງ ລັດ ແລະ ປະຊາຊົນສອງຊາດ ລາວ-ຫວຽດນາມ ທີ່ມີມາແຕ່ດົນ ນານແລ້ວນັ້ນໃຫ້ແໜ້ນແຟ້ນຈະ ເລີນງອກງາມ ແລະ ເກີດດອກ ອອກຜົນຍິ່ງໆຂຶ້ນ.

 

ພ້ອມນີ້, ສະ ຫາຍຮອງປະທານປະເທດ ພັນ ຄຳ ວິພາວັນ ກໍໄດ້ຕາງໜ້າໃຫ້ ພັກ, ລັດຖະບານ ແລະ ປະຊາຊົນ ສະແດງຄວາມຮູ້ບຸນຄຸນຢ່າງ ເລິກເຊິ່ງ ແລະ ຄວາມຂອບອົກ ຂອບໃຈຢ່າງຈິງໃຈຕໍ່ພັກ, ລັດ ຖະບານ ແລະ ປະຊາຊົນຫວຽດ ນາມອ້າຍນ້ອງທີ່ໄດ້ໃຫ້ການ ຊ່ວຍເຫຼືອ ສປປ ລາວ ໃນດ້ານ ຕ່າງໆໃນໄລຍະຜ່ານມາເຊັ່ນ: ການຊ່ວຍເຫຼືອ ສປປ ລາວ ມີ ຊາຍຝັ່ງທະເລໂດຍການໃຫ້ ສປປ ລາວ ສຳປະທານພັດທະນາ ທ່າເຮືອ ຫວຸ້ງອ້າງ ທ່າທຽບ ເຮືອ 1, 2 ແລະ 3, ການຊ່ວຍ ເຫຼືອໂຄງການກໍ່ສ້າງຫໍສະພາ ແຫ່ງຊາດຫຼັງໃໝ່, ໂຄງການປຸກ ສ້າງໂຮງຮຽນແຂວງບໍລິຄຳໄຊ ທີ່ເປັນຂອງຂວັນຈາກສະຫາຍ ເລຂາທິການໃຫຍ່ ຫງວຽນ ຝູ ຈ໋ອງ, ໂຄງການປຸກສ້າງໂຮງ ຮຽນແຂວງເຊກອງທີ່ເປັນຂອງ ຂວັນຈາກປະທານປະເທດ ເຈີນ ດ໋າຍ ກວາງ, ການໃຫ້ທຶນຊ່ວຍ ເຫຼືອດ້ານການສຶກສາ ແລະ ການ ຊ່ວຍເຫຼືອດ້ານອື່ນໆ ພ້ອມທັງຕີ ລາຄາສູງຕໍ່ການລົງທຶນຂອງ ສສ ຫວຽດນາມ ຢູ່ ສປປ ລາວ ທີ່ໄດ້ຊ່ວຍປະກອບສ່ວນອັນໃຫຍ່ ຫຼວງໃຫ້ແກ່ການຫຼຸດຜ່ອນ ຄວາມທຸກຍາກ ແລະ ການພັດ ທະນາ ສປປ ລາວ. ໃນຂະນະດຽວກັນ ສະຫາຍ ນາງ ດັ້ງ ຖິ ຫງ໋ອກ ທິ້ງ ກໍໄດ້ ສະແດງຄວາມຂອບໃຈມາຍັງ ພັກ-ລັດຖະບານ ແລະ ປະຊາ ຊົນລາວ ທີ່ໄດ້ໃຫ້ການຕ້ອນຮັບ ອັນອົບອຸ່ນໃນການຢ້ຽມຢາມ ສປປ ລາວ ໃນຄັ້ງນີ້. ພ້ອມທັງ ສະແດງຄວາມຍິນດີຈະສືບຕໍ່ ເພີ່ມທະວີ ແລະ ເສີມຂະຫຍາຍ ສາຍພົວພັນມິດຕະພາບທີ່ຍິ່ງ ໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງສອງພັກ, ສອງລັດ ແລະ ປະຊາຊົນສອງຊາດ ຫວຽດນາມ-ລາວ ອ້າຍນ້ອງໃຫ້ນັບມື້ຈະເລີນ ງອກງາມ ແລະ ແຕກດອກອອກ ຜົນຍິ່ງໆຂຶ້ນ.

ຂ່າວ: ນສພ ປະຊາຊົນ

ຂ່າວສານອື່ນໆ