ຜູ້­ນຳ ຈີນ-ສ ອາ​ເມ​ຣິ​ກາ ເຫັນ​ດີ “ສ້າງ​ຄວາມ​ກົດ​ດັນ​ສູງ​ສຸດ” ຕໍ່ ສປປ ເກົາ­ຫຼີ

20-09-2017, 14:52 95

ທຳ​ນຽບ​ຂາວ ແຈ້ງ​ໃຫ້​ຮູ້­ເມື່ອ​ວັນ​ທີ 18 ກັນ­ຍາ​ນີ້​ວ່າ ປະ­ທາ­ນາ­ທິ­ບໍ­ດີ ສ ອາ​ເມ​ຣິ​ກາ ໂດ​ນາ​ລ ທຣັມ ແລະ ປະ­ທານ​ປະ­ເທດ​ຈີນ ສີ ຈິ້ນ​ຜິງ ໄດ້​ໃຫ້​ສັນ­ຍາ​ທີ່​ຈະ “ສ້າງ​ຄວາມ​ກົດ​ດັນ​ສູງ​ສຸດ” ຕໍ່ ສປປ ເກົາ­ຫຼີ ທ່າມ­ກາງ​ຄວາມ​ເຄັ່ງ​ຕຶງ​ເພີ່ມ​ຂຶ້ນ ໃນ​ເລື່ອງ​ທີ່​ພົວ­ພັນ​ເຖິງ​ໂຄງ­ການ​ລູກ​ສອນ​ໄຟ​ນຳ​ວິ­ຖີ ແລະ ອາ­ວຸດ​ນີວ​ເຄຼຍ​ຂອງ ສປປ ເກົາ­ຫຼີ.

ທຳ​ນຽບ​ຂາວ ໃຫ້​ຮູ້​ວ່າ ໃນ​ການ​ເຈລະ­ຈາ​ຜ່ານ​ທາງ​ໂທລະ­ສັບ​ເມື່ອ​ບໍ່​ດົນ​ມາ​ນີ້ ຜູ້­ນຳ​ທັງ​ສອງ​ໄດ້​ໃຫ້​ສັນ­ຍາ ທີ່​ຈະ​ສ້າງ​ຄວາມ​ກົດ​ດັນ​ສູງ​ສຸດ​ຕໍ່ ສປປ ເກົາ­ຫຼີ ໂດຍ​ຜ່ານ​ການ​ປະ­ຕິ­ບັດ​ຢ່າງ​ແຂງ­ແຮງ​ສຳ­ລັບ​ບັນ­ດາ​ມະ­ຕິ​ປິດ​ລ້ອມ​ຂອງ​ອົງ­ການ​ສະ­ຫະ​ປະ­ຊາ​ຊາດ (ສປຊ) ທີ່​ມີ​ຕໍ່ ສປປ ເກົາ­ຫຼີ.

ໃນ​ວັນ​ດຽວ​ກັນ ທາງ​ດ້ານ​ກະ­ຊວງ​ການ​ຕ່າງ­ປະ­ເທດ ສປປ ເກົາ­ຫຼີ ໄດ້​ຕຳ​ນິ​ຕໍ່​ແຈ້ງ​ການ​ທາງ​ໜັງ­ສື­ພິມ​ຂອງ​ສະ­ພາ​ຄວາມ​ໝັ້ນ­ຄົງ ສປຊ ທີ່​ເປີດ­ເຜີຍ​ເມື່ອ​ອາ­ທິດ​ຜ່ານ​ມາ ໃນ​ການ​ໃຫ້​ຊຸກ­ຍູ້​ການ​ປະ­ຕິ­ບັດ​ມະ­ຕິ 2375 ຫຼັງ​ຈາກ​ທີ່ ສປປ ເກົາ­ຫຼີ ທົດ​ລອງ​ນີວ​ເຄຼຍ​ອີກ​ເທື່ອ​ໜຶ່ງ.

ເມື່ອ​ອາ­ທິດ​ທີ່​ີ​ຜ່ານ​ມາ ສະ­ພາ​ຄວາມ​ໝັ້ນ­ຄົງ ສປຊ ໄດ້​ເຫັນ​ດີ​ເປັນ​ເອ­ກະ­ສັນ​ກັນ​ຮັບ­ຮອງ​ມະ­ຕິ​ກ່ຽວ​ກັບ​ການ​ປະ­ຕິ­ບັດ​ບັນ­ດາ​ມາດ​ຕະ­ການ​ປິດ​ລ້ອມ​ໃໝ່ ຕາມ​ນັ້ນ­ແລ້ວ ແມ່ນ​ຫ້າມ​ສົ່ງ​ອອກ​ສິນ­ຄ້າ​ຕັດ­ຫຍິບ ແລະ ກຳ­ນົດ​ການ​ນຳ​ເຂົ້າ​ນ້ຳ­ມັນ​ດິບ​ຕໍ່ ສປປ ເກົາ­ຫຼີ.

ໜັງສືພິມວຽງຈັນໃໝ່

ຂ່າວສານອື່ນໆ