ທ່ານ ນ. ໃບຄຳ ຂັດທິຍະ ຮອງລັດຖະມົນຕີ ກະຊວງ ຮສສ, ຮອງປະທານຄະນະກຳມະການປ້ອງກັນ ແລະ ຄວມຄຸມໄພພິບັດແຫ່ງຊາດ, ພ້ອມຄະນະ ລົງເຄື່ອນໄຫວຊຸກຍູ້, ຢຽ້ມຢາມໃຫ້ກຳລັງໃຈ ຄອບຄົວຜູ້ເສຍເສຍອົງຄະ, ພະນັກງານບຳນານ ອາວຸໂສ ສູນເສຍອົງຄະພິເສດ 790

11-09-2018, 08:51 35

ໃນວັນທີ 10 ກັນຍາ 2018ນີ້, ທ່ານ ນ. ໃບຄຳ ຂັດທິຍະ ຮອງລັດຖະມົນຕີ ກະຊວງ ຮສສ, ຮອງປະທານຄະນະກຳມະການປ້ອງກັນ ແລະ ຄວມຄຸມໄພພິບັດແຫ່ງຊາດ, ພ້ອມຄະນະ ລົງເຄື່ອນໄຫວຊຸກຍູ້, ຢຽ້ມຢາມໃຫ້ກຳລັງໃຈ ຄອບຄົວຜູ້ເສຍເສຍອົງຄະ, ພະນັກງານບຳນານ ອາວຸໂສ ສູນເສຍອົງຄະພິເສດ 790 ທີ່ປະສົບໄພພິບັດນຳ້ຖ້ວມ, ໄດ້ຖືກຍົກຍ້າຍໄປພັກຊົ່ວຄາວ ຂອງສູນພັດທະນາຜູ້ເສຍອົງຄະ 489 ຂຸດສາມບາດ, ເມືອງໄຊທານີ ນະຄອນຫຼວງວຽງຈັນ. ມີ ຈຳນວນ 38 ຄອບຄົວ, ລວມທັງໝົດແມ່ນ 160 ກວ່າຄົນ, ມາພັກຊົ່ວຄາວ ຢູ່ ໂຮງຮຽນ, ສະໂມສອນ , ໂຮງໝໍ ແລະ ຫ້ອງການເຮືອນໂສດ ສູນ 489.
ພ້ອມນີ້ ທ່ານ ຮອງລັດຖະມົນຕີ ຍັງໄດ້ເນັ້ນຍຳ ໃຫ້ຄະນະສູນ ສືບຕໍ່ຕິດຕາມກ່ຽວກັບການປ່ຽນແປງຂອງສະພາບດິນຟ້າອາກາດ ຢ່າງໃກ້ຊິດ ຈາກກົມອຸຕຸນິຍົມ ແລະ ອຸທຸກກະສາດ; ເອົາໃຈໃສ່ຊ່ວຍ ເຫລືອຜູ້ທີ່ໄດ້ຮັບຜົນກະທົບ, ໂດຍສະເພາະ ຜູ້ເສຍອົງຄະ, ຜູ້ເຖົ້າ ແລະ ເດັກນ້ອຍ; ພ້ອມທັງໃຫ້ເອົາໃຈໃສ່ແຈ້ງເຕືອນຂໍ້ມູນຂ່າວສານ ໄດ້ຮັບຮູ້ຢ່າງທັນການ, ສໍາຄັນແມ່ນ ຕ້ອງມີການສ້າງແຜນເພື່ອຮັບມືກັບໄພພິບັດທີ່ອາດ ຈະເກີດ ຂຶ້ນໃນຕໍ່ໜ້າ ເພື່ອເຮັດໃຫ້ໄດ້ຮັບຜົນກະທົບໜ້ອຍທີ່ສຸດ. ພ້ອມດຽວກັນນັ້ນ ກໍໃຫ້ສືບຕໍ່ຮັກສາມູນເຊື້ອຄວາມສາມັກຄີ, ຊ່ວຍເຫລືອເຊິ່ງກັນ ແລະ ກັນ ເພື່ອຟື້ນຟູໄພພິບັດທີ່ເກີດຂຶ້ນ ໃຫ້ກັບຄືນສູ່ສະພາບປົກກະຕິ. 
ໂອກາດດັ່ງກ່ານ ທ່ານ ນ. ໃບຄຳ ຂັດທິຍະ ພ້ອມຄະນະ, ຍັງໄດ້ມອບເຄື່ອງຊວ່ຍເຫຼືອ ເປັນ ເຄື່ອງອຸປະໂພກ-ບໍລິໂພກ ນຳອີກ.

( ຂ່າວ: ເພັດສະໄໝ )

ຂ່າວສານອື່ນໆ