ລົມພາຍຸ ຖະຫລົ່ມ 3 ບ້ານເມືອງພຽງ ເຮືອນປະຊາຊົນ ເສຍຫາຍໜັກ

04-04-2018, 10:08 120

ຂປລ.ໃນ ວັນທີ 31 ມີນາ 2018, ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມ​ຄະນະ ໄດ້ລົງຕິດຕາມກວດກາ ເບິິ່ງປະຊາຊົນ ຜູ້​ໄດ້​ຮັບຜົນ​ກະທົບ ຈາກໄພພິບັດລົມພາຍຸ ທີ່ບ້ານນາສິງນາຕານ ແລະ ບ້ານນາໂສມໃຫຍ່ ເມືອງພຽງ ແຂວງ ໄຊຍະບູລີ. ເຊິ່ງເຫດການດັ່ງກ່າວ, ໄດ້ເກີດຂຶ້ນອັນເນື່ອງ ມາຈາກ ມີຝົນຕົກໜັກ ແລະ ລົມພັດແຮງ ໃນຕອນແລງ ຂອງວັນທີ 30 ມີນາຜ່ານ​ມານີ້.

ຕາມການລາຍງານ ຂອງ ທ່ານ ໜູພອນ ໄຊປັນຍາສິດ ຫົວໜ້າ ຂະແໜງສັງຄົມສົງເຄາະ ພະແນກ ​ແຮງງານ ​ແລະ ສະຫວັດ​ດີກາ​ນສັງຄົມ ໄດ້ໃຫ້ຮູ້ວ່າລົມພາຍຸດັ່ງກ່າວ, ​ໄດ້ພັດເອົາເຮືອນ ຂອງປະຊາຊົນ ບ້ານໄດ້ຮັບຄວາມເສຍຫາຍ ຢ່າງຫລວງຫລາຍລວມຈຳນວນ 272 ຫລັງຄາ​ເຮືອນສັດລ້ຽງ ແລະ ພາຫະນະ​ເສຍ​ຫາຍ ຈຳນວນໜຶ່ງໃນວັນດຽວ ກັນລົມພາຍຸດັ່ງກ່າວ, ກໍ​ໄດ້ພັດເຮືອນຂອງປະຊາຊົນຢູ່ ເມືອງບໍ່ແຕນ ແລະ ເມືອງ ທົ່ງມີໄຊ ເຮັດໃຫ້ເຮືອນເປ່ເພ ຈຳນວນ ຫລັງລວມທັງໝົດ ຈຳນວນ 277 ຫລັງ ຄາເຮືອນສຳລັບ ຜົນຂອງການເສຍຫາຍ ​ໃນ​ຄັ້ງ​ນີ້ ຕາມຂໍ້ມູນເບື້ອງຕົ້ນແມ່ນ ຕື້ກວ່າກີບ.

 ໂອກາດດັ່ງກ່າວ, ທ່ານ ເຈົ້າແຂວງ ກໍໄດ້ຮຽກຮ້ອງ ໃຫ້ອໍານາດການປົກຄອງເມືອງ ຈົ່ງເລັ່ງ ເກັບ ກຳຂໍ້ມູນຄວາມເສຍຫາຍ ຕົວຈິງ ເພື່ອຈະໄດ້ລາຍງານ ໃຫ້ທາງຂັ້ນເທິງໄດ້ຮັບຮູ້ເພື່ອຈະໄດ້ຄົ້ນຄ້ວາ ແລະ ປຸກລະດົມຜູ້ປະກອບການ ໃຫ້ການຊ່ວຍເຫລືອປະຊາຊົນໃນ ຂັ້ນຕໍ່ໄປ.

ໂດຍ: ອຸ່ນເຮືອນ ໂພທິລັກ ໂທ:22126933

ຂ່າວສານອື່ນໆ