ເກົາຫຼີເໜືອຊີ້ “ການເຄົາລົບອະທິປະໄຕ” ສຳຄັນຕໍ່ຄວາມສຳພັນ

18-06-2018, 14:40 122

ສຳນັກຂ່າວຕ່າງປະເທດລາຍງານຈາກນະຄອນໂຊລປະເທດເກົາຫຼີໃຕ້ເມື່ອວັນທີ່ 17 ມິຖຸນາວ່າ ບົດສົນທະນາທິການໃນສະບັບວັນອາທິດຂອງໜັງສືພິມ “ໂນດອງ” ກະບອກສຽງຂອງພັກກຳມະກອນເກົາຫຼີ ມີສາລະສຳຄັນວ່າ “ຄວາມຕ້ອງການຝ່າຍດຽວ” ທີ່ຕັ້ງຢູ່ເທີງຄວາມມີອິດທິພົນເໜືອກວ່າທັງໃນດ້ານການທະຫານ ແລະເສດຖະກິດ ຍ່ອມສົ່ງຜົນກະທົບຕໍ່ການພັດທະນາຄວາມສຳພັນລະຫວ່າງປະເທດ

ຂະນະດຽວກັນທຸກປະເທດ ແລະກຸ່ມຊາດພັນເທີງໂລກຄວນພັດທະນາຄວາມສຳພັນ ແລະສົ່ງເສີມຄວາມຮ່ວມມືເທີງພື້ນຖານຂອງຄວາມເປັນມິດ ການເຄົາຮົບນັບຖືເຊີ່ງກັນ ແລະກັນ ແລະການບໍ່ລຸກລ້ຳອະທິປະໄຕຂອງຝ່າຍໃດ ຄາມສຳພັນລະຫວ່າງປະເທດທີ່ມຸ່ງເນັ້ນການສ້າງຜົນປະໂຫຍດໃຫ້ກັບໂຕເອງພຽງຝ່າຍດຽວເປັນຫຼັກບໍ່ມີທາງຢ້ັງຢືນ ນອກຈາກນີ້ ແມ່ນວ່າປະເທດໜື່ງເຄີຍດຳເນີນນະໂຍບາຍຂົ່ມຄູ່ຂຸກຄາມກັບເກົາຫຼີເໜືອມາຕະຫຼອດ ແຕ່ລັດຖະບານປຽງຢາງຍັງຄົງມີຄວາມພ້ອມໃນການຟື້ນຟູ ແລະພັດທະນາຄວາມສຳພັນກັບອີກຝ່າຍ ຈື່ງຫວັງເປັນຢ່າງຍິ່ງວ່າ ຈະໄດ້ຮັບການເຄົາລົບຕອບກັບມາໃນລະດັບທີ່ເທົ່າທຽມ

ທັງນີ້ ບັນນາທິການດັ່ງກ່າວຂອງໂດນດອງບໍ່ມີການພາດພິງໂດຍກົງເຖິງອາເມລິກາແມ່ນແຕ່ຄຳດຽວ ຢ່າງໃດກໍ່ຕາມ ທ່ານຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ຢ້ຽມຢາມສິງກະໂປເມື່ອຕົ້ນອາທິດທີ່ແລ້ວເພື່ອພົບຫາລືກັບປະທານາທິບໍດີໂດນັລ ທຣັມ ຜູ້ນຳອາເມລິກາ ເມື່ອວັນທີ່ 12 ມິຖຸນາທີ່ຜ່ານມາ ຊື່ງຖືເປັນຄັ້ງແລກໃນປະຫວັດສາດທີ່ປະທານາທິບໍດີອາເມລິກາກັບຜູ້ນຳສູງສຸດຂອງເກົາຫຼີເໜືອພົບໜ້າກັນຢ່າງເປັນທາງການ

ໃນອີກດ້ານໜື່ງຜົນສຳຫລວດຄວາມຄິດເຫັນຜູ້ປະກອບການ 1,176 ແຫ່ງໃນເກົາຫຼີໃຕ້ ໂດຍສະມາຄົມການຄ້າລະຫວ່າງປະເທດເກົາຫຼີ (ເຄໄອທີເອ) ປາກົດວ່າ 80% ຂອງກຸ່ມໂຕຢ່າງສະແດງຄວາມສົນໃຈເຂົ້າໄປລົງທືນໃນເກົາຫຼີເໜືອ ເມື່ອສະຫະປະຊາຊາດ (ຢູເອັນ) ຍົກເລີກມາດຕະການຂວຳ້ບາດຕໍ່ລັດຖະບານປຽງຢາງຢ່າງເບັດເສັດຂະນະທີ່ 36.1% ຈາກກຸ່ມໂຕຢ່າງທີ່ສະແດງຄວາມສົນໃຈ ກ່າວວ່າຕ້ອງການສະແຫວງຫາໂອກາດໃໜ່ທາງທຸລະກິດໃນເກົາຫຼີເໜືອຍັງຢູ່ໃນລະດັບຕ່ຳ 12.5% ສົນໃຈລົງທືນດ້ານການພັດທະນາລະບົບໂຄງສ້າງພື້ນຖານທາງສັງຄົມ ແລະ 11.7 % ຫວັງໃຊ້ການລົງທືນໃນເກົາຫຼີເໜືອເປັນການຂະຫຍາຍໂອກາດສູ່ການລົງທືນໃນຈີນ ແລະຣັດເຊຍຕໍ່ໄປ

ຂອບ​ໃຈ ສຳ​ນັກ​ຂ່າວ​ສານ​ເອ​ບີ​ຊີ​ລາວ

ຂ່າວສານອື່ນໆ