ຫ້ອງການ ກະຊວງ ຮສສ ສະຫຼຸບວຽກງານການຈັດຕັ້ງປະຕິບັດ ປະຈໍາສົກປີ 2017

13-12-2017, 11:26 730

ກອງປະຊຸມສະຫຼຸບການຈັດຕັ້ງປະຕິວຽກງານ ຫ້ອງການກະຊວງ ປະຈໍປີ 201 ແລະ ທິດທາງແຜນການປະຈຳປີ 2017 ໄດ້ຈັດຂື້ນ ໃນວັນທີ 09 ທັນວາ 2017ນີ້ ທີ່ ກະຊວງແຮງງານ ແລະ ສະຫວັດດີການສັງຄົມ ( ຮສສ ) ໂດຍການເປັນກຽດເຂົ້າຮ່ວມ ແລະ ໂອ້ລົມຂອງ ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ຕາງໜ້າບັນດາກົມ ພາຍໃນ ແລະ ອອ້ມຂ້າງ ແລະ ພະນັກງານພາຍໃນ ຫ້ອງການ ເຂົ້າຮ່ວມ ຢ່າງພ້ອມພຽງ.
ທ່ານ ລີປາວ ຢ່າງ ຫົວໜ້າຫ້ອງການ ກະຊວງແຮງງານ ແລະ ສະຫວັດດີການສັງຄົມ( ຮສສ ) ໄດ້ຂື້ນສະຫຼຸບລາຍງານ ຕີລາຄາວຽກງານຫ້ອງການ ກະຊວງ ປະຈໍາປີ 2016-2017 ເພື່ອຍົກໃຫ້ເຫັນດ້ານດີ ແລະ ດ້ານອ່ອນ, ຂໍ້ຄົງຄ້າງ , ບາງບົດຮຽນທີ່ຖອດຖອນໄດ້ໃນໄລຍະໜຶ່ງປີຜ່ານມາ ແລະ ທິດທາງແຜນການ ເຄື່ອນໄຫວວຽກຈຸດສຸມ ໃນສົກປີ2018. ຫຼັງຈາກນັ້ນ ທ່ານ ຫົວໜ້າຫ້ອງການ ກະຊວງ ໄດ້ຜ່ານບົດສະຫຼຸບຜົນການຈັດຕັ້ງປະຕິບັດວຽກງານໃນໜຶ່ງປີຜ່ານມາ ຊຶ່ງໄດ້ຍົກໃຫ້ເຫັນຜົນງານອັນພົ້ນເດັ່ນ ເຊັ່ນ: ດ້ານແນວຄິດການເມືອງ ໃນໄລຍະຜ່ານມາ ຫ້ອງການກະຊວງໄດ້ເອົາໃຈໃສ່ ນຳພາພະນັກງານລັດຖະກອນເຂົ້າຮ່ວມຟັງປາຖະກະຖາ ແລະ ເຊື່ອມຊືມເອກະສານຕ່າງຂອງພັກ-ຂອງຊາດ , ປາຖະກະຖາ ວັນຊາດ 2 ທັນວາ ຄົບຮອບ 40 ປີ, ວັນຄ້າຍວັນເກີດປະທານໄກສອນພົມວິຫານ ຄົບຮອບ 95 ປີ, ເຊືອມຊືມຜົນສຳເລັດກອງປະຊຸມໃຫຍ່ ຄັ້ງທີ X ຂອງພັກ ແລະ ຮັງຟັງການເຫຼົ່າມູນເຊື້ອທີ່ສຳຄັນຕ່າງໆ. ດ້ານບຸກຄະລາກອນ ໃນສົກປີ 2016-2017. ຫ້ອງການກະຊວງປະກອບມີ ພະນັກງານ-ລັດຖະກອນຈຳນວນ 45 ທ່ານ, ມີ 7 ພະແນກ ຄື: ພະແນບໍລິຫານ ແລະ ພິທີການ, ພະແນກການເງິນ, ພະແນກຂໍ໊ມູນຂ່າວສານ ແລະ ເຕັກໂນໂລຊີ, ພະແນກຄົ້ນຄວ້າສັງລວມ-ເລຂານຸການ , ພະແນກສົງເສີມຄວາມກ້າວໜ້າແມ່ຍິງ , ພະແນກນິຕິກຳ ແລະ ເຮືອນຮັບ, ພະນັກງານ-ລັດຖະກອນ ແມ່ນໄດ້ຮັບການຍົກລະດັບດ້ານວິຊາສະເພາະ ກໍຄືບຳລຸງຍົກລະດັບທາງດ້ານທິດສະດີການເມືອງ ຢູ່ທັງພາຍໃນປະເທດ ແລະ ຕ່າງປະເທດ.
ຫລັງຈາກນັ້ນ ທ່ານ ຫົວໜ້າຫ້ອງການ ກະຊວງ ໄດ້ຂື້ນສະຫຼຸບລາຍງານ ການຈັດຕັ້ງປະຕິບັດງົບປະມານ ລາຍຮັບ-ລາຍຈ່າຍ, ຜົນການກວດສອບບົດສະຫຼຸບຂາດຕົວ ການຈັດຕັ້ງປະຕິບັດຫງົບປະມານແຫ່ງລັດ 2015-2016 ແລະ 3 ເດືອນຂ້າມຜ່ານ ປີ 2016, ລາຍງານຜົນການກວດກາສູນໂມງ ( 0 ) ສົກປີ 2016-2017 , ການຈັດຕັ້ງປະຕິບັດກອງປະຊຸມ ສະພາແຫ່ງຊາດ ແລະ ການຈັດຕັ້ງປະຕິບັດຄຳແນະນຳກວດສອບສົກປີຜ່ານມາ ຂອງກະຊວງ ແຮງງານ ແລະ ສະຫວັດດີການສັງຄົມ, ຈາກນັ້ນຜູ້ເຂົ້າຮ່ວມຈາກບັນດາ ກົມ, ສູນ, ສະຖາບັນອ້ອມຂ້າງກະຊວງໄດ້ພ້ອມກັນປະກອບຄຳເຫັນ ເພື່ອພ້ອມກັນແກ້ໄຂໃນຕໍ່ໜ້າ.
ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ໃຫ້ກຽດໂອລົມ ເພື່ອເປັນທິດເຍືອງທາງໃນການຈັດຕັ້ງປະຕິວຽກງານ ຊຶ່ງທ່ານຍັງໄດ້ຊົມເຊີຍໃນຫລາຍດ້ານຕໍ່ຜົນສຳເລັດທີ່ ຫ້ອງການກະຊວງ ຍາດມາໄດ້ໃນໄລຍະໜຶ່ງປີຜ່ານມາ, ເຖິງທັດສະນະ ແລະ ຄວາມເປັນຫ່ວງເປັນໄຍ ຂອງພັກ-ລັດ ເວົ້າລວມ ເວົ້າສະເພາະ ແມ່ນເປັນເສນາທິການໃຫ້ ຄະນະພັກ-ຄະນະນໍາ ຂອງກະຊວງແຮງງານ ແລະ ສະຫວັດດີການສັງຄົມ ໃນໄລຍະໃໝ່ ຊຶ່ງຄຳເຫັນດັ່ງກ່າວໄດ້ເປັນການປຸກລະດົມກໍາລັງໃຈ ແລະ ເປັນທິດຊີ້ນໍາບັນຫາດ້ານຕ່າງໆ ກ່ຽວກັບວຽກງານຫ້ອງການ ພ້ອມກັນສືບຕໍ່ເອົາໃຈໃສ່ສືບຕໍ່ສູ້ຊົນຈັດຕັ້ງປະຕິບັດໃນຕໍ່ໜ້າ , ເຊິງທ່ານຍັງໄດ້ເນັ້ນໜັກບາງບັນຫາ ດັ່ງນີ້: ເອົາໃຈໃສ່ຢ່າງຕັ້ງໜ້າໃນການເຮັດໜ້າທີ່ມະຫາພາກໃນຂົງເຂດວຽກງານຕົນຮັບຜິດຊອບຕື່ມ ໃນການບໍລິການ ທັງພາຍໃນແລະ ພາຍນອກ, ເກັບກຳຂ່າວ ອອກຂ່າວເປັນປະຈຳ ຢ່າງໃຫ້ຫັດກຸມ, ເຜີຍແຜ່ວຽກງານແຮງງານ ແລະ ສະ ຫັວດດີການສັງຄົມໃຫ້ກວ້າງ, ປະສານສົມທົບກັບບັນດາກົມ, ສູນ ເພື່ອສ້າງວາລະສານ, ເອົາໃຈໃສ່ຈັດສັນງົບປະມານໃຫ້ເກີດປະໂຫຍດສູງສຸດ, ພະນັກງານ-ລັດຖະກອນທຸກຄົນ ຕ້ອງໄດ້ , ປັບປຸງຕົນເອງ ຫັນຕົນເອງໃຫ້ເປັນວິຊາສະເພາະ ໃຫ້ມີລະບຽບຮຽບຮ້ອຍ ຈົບງາມ, ເຂົ້າຮ່ວມສ້າງຂະບວນການ 3 ອົງການຈັດຕັ້ງມະຫາຊົນ ໃຫ້ມີຄວາມຟົດຟື້ນ. ເຊິງເປັນເງື່ອນໄຂພື້ນຖານການພັດທະນາບຸກຄະລາກອນໃຫ້ມີປະສິດທິພາບ, ພ້ອມທັງກໍານົດພາລະບົດບາດ, ຂອບເຂດສິດ, ໜ້າທີ, ແຕ່ລະພະແນກ ກຳນົດແບບແຜນວິທີເຮັດວຽກ ຢ່າງຊັດເຈນ, ພ້ອມກັນປະສານສົບທົບພາຍໃນພະແນກຫ້ອງການ ກັບບັນດາກົມອອ້ມຂ້າງກະຊວງ ຮສສ ໃນການຈັດຕັ້ງປະຕິບັດວຽກງານໃນແຕ່ລະດ້ານໃຫ້ປະສົບຜົນສຳເລັດ, ປະຕິບັດນະໂຍບາບຕໍ່ພະນັກງານ-ລັດຖະອນຜູ້ທີ່ຫ້າວຫັນ ແລະ ສົງເສີມພັດທະນາບຸຄະລາກອນເພື່ອຕອບສະໜອງຄວາມຮຽກຮ້ອງຕ້ອງການຂອງວຽກງານໃນໄລະຍະໃໝ່./

(ໂດຍ: ເພັດສະໄໝ )

ຂ່າວສານອື່ນໆ