ແຮັກເກີເກົາຫລີເຫນືອ ລັກເອກະສານລັບຝ່າຍເກົາຫຼີໃຕ້

11-10-2017, 11:02 111

ແຮັກເກີເກົາຫລີເຫນືອສາມາດລັກເອກະສານລັບທາງທະຫານຫລາຍຮ້ອຍແຟ້ມຈາກຝ່າຍເກົາຫລີໃຕ້ ລວມເຖິງແຜນປະຕິບັດທາງທະຫານເຊິ່ງກ່ຽວຂ້ອງກັບພັນທະມິດສຳຄັນຄືສະຫະລັດນຳ
 
ສຳນັກຂ່າວຕ່າງປະເທດລາຍງານຈາກກຸງໂຊລ ປະເທດເກົາຫລີໃຕ້ເມື່ອວັນທີ 10ຕຸລາວ່າ: ຫນັງສືພິມລາຍວັນໂຊຊອນ ອິລໂບລາຍງານວ່າ: ທ່ານຣີ ຊົນຮີ ສະມາຊິກລັດຖະສະພາພັກປະຊາທິປະໄຕພັກລັດຖະບານເກົາຫລີໃຕ້ເປີດເຜີຍວ່າ: ແຮັກເກີຂອງເກົາຫລີເຫນືອໄດ້ເຂົ້າມາລ້ວງຂໍ້ມູນເຄືອຂ່າຍທາງທະຫານຂອງກອງທັບເກົາຫລີໃຕ້ເມື່ອເດືອນກັນຍາທີ່ຜ່ານມາ ແລະ ສາມາດລັກເອົາຂໍ້ມູນໄປໄດ້ 235ກິກກະໄບ ໃນຈຳນວນຂໍ້ມູນທີ່ຖືກລັກໄປນັ້ນມີແຜນປະຕິບັດການ 5015 ເຊິ່ງຈະຕ້ອງຖືກນຳມາໃຊ້ກໍລະນີເກີດສົງຄາມກັບເກົາຫລີເຫນືອລວມເຖິງຂັ້ນຕອນປະຕິບັດເພື່ອດຳເນີນການກັບທ່ານຄີມ ຈອງອຶນ ຜູ້ນຳສູງຸສດຂງເກົາຫລີເຫນືອ
 
ທ່ານຣີ ຊົນຮີ ເຊິ່ງເປັນສະມາຊິກຄະນະກຳມາທິການກະລາໂຫມຂອງລັດຖະສະພາ ບໍ່ຍອມໃຫ້ຄວາມເຫັນເລື່ອງນີ້ແຕ່ສຳນັກງານຂອງເຂົາຍືນຍັນວ່າທ່ານຣີເວົ້າຖືກຕ້ອງແລ້ວ
 
ລາຍງານດັ່ງກ່າວໄດ້ມີຂື້ນຊ່ວງສະຖານນະການຕຶງຄຽດອັນເນື່ອງມາຈາກຄວາມຂັດແຍ້ງເທີງຄາບສະໝຸດເກົາຫລີ ໂດຍສະເພາະຢ່າງຍີ່ງປະທານິບໍດີ ໂດນັດທຣໍາ ຂອງສະຫະລັດອາເມລິກາ ຍັງກ່າວຂົ່ມຂູ່ ເລື່ອງການໃຊ້ກໍາລັງທະຫານ ຈັດການກັບເກົາຫລີເໜືອ ເພື່ອຢັບຢັ້ງໂຄງການນິວເຄຍ ແລະ ຂີປະນາວຸດຂອງເກົາຫລີເໜືອໂດຍສະເພາະທະວິດເຕີລ້າສຸດຂອງເຂົາບອກວ່າ: ການດໍາເນີນຄວາມພະຍາຍາມທາງການທູດກັບເກົາຫລີເໜືອລົ້ມເລວ ມີພຽງສີ່ງດຽວທີ່ໄດ້ຜົນ.
 
ທ່ານຣີ ຍັງອ້າງຈາກກະຊວງປ້ອງກັນປະເທດຂອງເກົາຫລີໃຕ້ວ່າ: ຮ້ອຍລະ 80 ຂອງເອກະສານລັບຍັງບໍ່ຖຶກເປີດເຜີຍແຕ່ແຜນປະຕິບັດການຂອງກອງກໍາລັງພິເສດເກົາຫລີໃຕ້ຖຶກລັກໄປເຊັ່ນດຽວກັນກັບລາຍລະອຽດການຊ້ອມຮົບປະຈໍາປີກັບສະຫະລັດ ແລະ ຂໍ້ມູນທີ່ຕັ້ງທາງທະຫານທີ່ສໍາຄັນ ແລະ ໂຮງໄຟຟ້າ. 
ໂຄສົກກະຊວງປ້ອງກັນປະເທດຂອງເກົາຫລີໃຕ້ປະຕິເສດທີ່ທີ່ຈະຢືນຢັນລາຍງານດັ່ງກ່າວ ອ້າງວ່າເປັນເລື່ອງຂ່າວກອງແຕ່ເມືອເດືອນພຶດສະພາທີ່ຜ່ານມາ ກະຊວງປ້ອງກັນປະເທດເກົາຫລີໃຕ້ ຍອມຮັບວ່າເກົາຫລີເໜືອເຄີຍແຮກເຂົ້າມາເຄືອຂ່າຍກອງທັບ ເກົາຫລີໃຕ້ແທ້ ແຕ່ບໍ່ໄດ້ເປີດເຜີຍວ່າມີຂໍ້ມູນຫຍັງແນ່ ທີ່ຖຶກລັກໄປ.
ທັງນີ້ ເກົາຫລີເໜືອມີໜ່ວຍງານທີ່ເຂັ້ມແຂງ ດ້ານໄຊເບີ-ວໍແຟຣ ມີກໍາລັງພົນ 6,800 ຄົນ ເຊີ່ງໄດ້ຮັບການຝຶກອົບຮົມມາເປັນຢ່າງດີ ຕາມລາຍງານຂອງລັດຖະບານເກົາຫລີໃຕ້ ແລະ ເຄີຍແຮກເຂົ້າໄປໃນ ບໍລິສັດໂສນີ ພິດເຈີສເມື່ອປີ2557 ມາແລ້ວ.
ຂາວໃໝ່

ຂ່າວສານອື່ນໆ