ກະຊວງ ແຮງງານ ແລະ ສະຫວັດດີການສັງຄົມ ( ຮສສ ) ເຜີຍແຜ່ດຳລັດວ່າດ້ວຍການແຈ້ງຊັບສິນ.

06-07-2017, 09:57 340

8

ໂດຍການເປັນປະທານຂອງ ທ່ານ ປອ ຄຳແກ້ວ ສານບຸນຄຸນໄຊ ປະທານກວດກາພັກ, ຮອງລັດຖະມົນຕີກະຊວງ ຮສສ, ຫົວໜ້າກົມ, ຮອງກົມກວດກາ , ບັນດາແຂກຖືກເຊີນ, ພາກສ່ວນກ່ຽວຂ້ອງ ພ້ອມ ດ້ວຍພະນັກງານ-ລັດຖະກອນ ເຂົ້າຮ່ວມ. ການເຜີຍແຜ່ດຳລັດດັ່ງກ່າວ ເພື່ອເປັນການເຮັດໃຫ້ ພະນັກງານ-ລັດຖະກອນ ທີ່ສັງ ກັດໃນ ກະຊວງ ຮສສ ຜູ້ທີ່ຄົບເງື່ອນໄຂ ເຂົ້າເປັນລັດຖະກອນສົມບູນ ໄດ້ເຂົ້າໃຈ ແຈ້ງຕໍ່ຫຼັກການ, ລະບຽບການ ແລະ ມາດຕະການ ກ່ຽວກັບການແຈ້ງຊັບສິນ ແລະ ລາຍຮັບຂອງພະນັກງານ-ລັດຖະກອນ, ທະຫານ, ຕຳຫຼວດທີ່ສັງກັດຢູ່ໃນກົງຈັກການຈັດຕັ້ງຂອງພັກ-ລັດ, ແນວລາວສ້າງຊາດ, ອົງການຈັດຕັ້ງມະຫາຊົນ, ລັດວິສາຫະກິດ, ລັດວິສາຫະກິດປະສົມ, ລັດຮຸ້ນສ່ວນ ເຄື່ອນໄຫວປະຕິບັດໜ້າທີ່ຂອງຕົນ ດ້ວຍຄວາມຮັບຜິດຊອບສູງ, ມີປະສິດທິຜົນ ແລະ ຄວາມ ໂປ່ງໃສແນໃສ່ສະກັດກັ້ນ ແລະ ຕ້ານການສໍ້ລາດບັງຫຼວງ ໃນກົງຈັກການ ຈັດຕັ້ງພັກ-ລັດ ແລະ ໃນການຈັດຕັ້ງ ທີ່ກ່າວມານັ້ນ ເພື່ອປະກອບສ່ວນໃນການ ສ້າງສາພັດທະນາປະເທດ ຊາດໃຫ້ຈະເລີນຮຸ່ງເຮືອງ ແລະ ສີວິໄລ. ສຳລັບດຳລັດວ່າດ້ວຍ ການແຈ້ງຊັບສິນຂອງລັດຖະ ບານປະກອບມີ 7 ໝວດ ແລະ 27 ມາດຕາ. ພ້ອມກັນນີ້ ກໍຍັງ ໄດ້ມີການເຜີຍແຜ່ ບົດແນະນຳການຈັດຕັ້ງປະຕິບັດ ດຳລັດວ່າດ້ວຍການແຈ້ງຊັບສິນ ສະບັບເລກທີ 46/ອກລ, ລົງວັນທີ 20 ກຸມພາ 2017ຂອງອົງ ແລະ ສະເໜີ ດຳລັດວ່າດ້ວຍການແຈ້ງຊັບສິນ ແລະ ລາຍຮັບ ເລກທີ 159/ລບ, ລົງວັນທີ 13/06/2016. ໃຫ້ ແກ່ພະນັກງານ-ລັດຖະກອນຕື່ມອີກ. /

( ພາບ-ຂ່າວ: ເພັດສະໄໝ ).

ຂ່າວສານອື່ນໆ