ທ່ານລັດຖະມົນຕີ ເນັ້ນໜັກໃຫ້ພະແນກ ຮສສ ແຂວງໄຊຍະບູລີ ເອົາໃຈໃສ່ຫລາຍບັນຫາສຳຄັນ.

13-02-2018, 12:50 231

ທ່ານລັດຖະມົນຕີ ເນັ້ນໜັກໃຫ້ພະແນກ ຮສສ ແຂວງໄຊຍະບູລີ ເອົາໃຈໃສ່ຫລາຍບັນຫາສຳຄັນ.
...................
ທ່ານ ປອ ຄຳແພງ ໄຊສົມແພງ ລັດຖະມົນກະຊວງແຮງງານ ແລະ ສະຫວັດດີການສັງຄົມ ( ຮສສ ) ໄດ້ໃຫ້ກຽດໂອ້ລົມຕໍ່ກອງປະຊຸມວຽກງານແຮງງານ ແລະ ສະຫວັດດີການສັງຄົມ ທົ່ວແຂວງໄຊຍະບູລີ ປະຈຳປີ 2017 ທີ່ໄດ້ຈັດຂຶ້ນໃນວັນທີ 13 ກຸມພາ 2018ນີ້, ທີ່ແຂວງໄຊຍະບູລີ, ໂດຍທ່ານໄດ້ເນັ້ນໃຫ້ ພະແນກແຮງງານ ແລະ ສະຫວັດດີການສັງຄົມ ດັ່ງກ່າວ ກຳແໜ້ນດ້ານແນວຄິດການເມືອງແນວທາງຂອງພັກ, ຕີຖອຍທຸກກົນອຸບາຍຂອງສັດຕູ, ກຸ່ມຄົນບໍ່ຫວັງດີ,ໃນອົນການຈັດຕັ້ງລັດເຮົາ, ໂດຍສະເພາະຖັນແຖວພະນັກງານ-ລັດຖະກອນ ພວກເຮົາຕ້ອງມີທັດສະນະຈຳແນກມິດສັດຕູຢ່າງຈະແຈ້ງ ແລະ ຮູ້ເທົາທັນ, ດ້ານວິຊາສະເພາະແມ່ນເອົາໃຈໃສ່ພັດທະນາສີມືແຮງງານ, ໃຫ້ມີຄວາມສາມາດ, ເຂັ້ມແຂງ, ມີປະລິມານ ແລະ ຄຸນນະພາບ, ພ້ອມເອົາໃຈໃສ່ການຈັດສັນກຳລັງແຮງງານ, ເພືອຕອບສະໜອງຄວາມຮຽກຮ້ອງຕ້ອງການຂອງຕະຫລາດແຮງງານ ພາຍໃນປະເທດ, ເຊື່ອມໂຍມພາພື້ນ ແລະ ສາກົນ ໂດຍສະເພາະບັນດາປະເທດໃນອາຊຽນ. ເອົາໃຈໃສ່ຄຸ້ມຄອງແຮງງານລາວ ແລະ ແຮງງານຕ່າງປະເທດ ທີ່ມາເຮັດວຽກຢູ່ ສປປ ລາວ ໃຫ້ໄດ້ຮັບການປົກປ້ອງສິດ, ຜົນປະໂຫຍດ ຕາມລະບຽບ, ກົດໝາຍ ບັບສະຖານະພາບແຮງງານລາວ ທີ່ໄປອອກແຮງງານຢູ່ຕ່າງປະເທດແບບບໍ່ຖືກຕ້ອງຕາມກົດໝາຍ ໃຫ້ເຂົ້າສູ່ລະບົບ, ຂະຫຍາຍລະບົບປະກັນສັງຄົມ ໃຫ້ກວມເອົາກຸ່ມເປົ້າໝາຍຕ່າງໆ ແລະ ໃຫ້ການບໍລິການຢ່າງກ້ວາງຂວາງ ແລະ ມີປະສິດທິຜົນ ສຳລັບວຽກງານສະຫວັດດີການສັງຄົມ, ໂດຍສະເພາະນະໂຍບາຍສະແດງຄວາມກະຕັນຍູຮູ້ບຸນຄຸນຕໍ່ຜູ້ທີ່ມີຜົນງານ ໃນພາລະກິດປະຕິຫວັດຊາດ ໃຫ້ທົ່ວເຖິງເປົ້າໝາຍ ແລະ ສັດເຈນ, ຕັ້ັ້ງໜ້າໃນການຊວ່ຍເຫຼືອສົງເຄາະປະຊາຊົນ, ຜູ້ດ້ອຍໂອກາດ, ຜູ້ຖືກໄພພິບັດທາງທຳມະຊາດ ( ນ້ຳຖວ່ມ ແລະ ໄພໜາວ ) ໃຫ້ທ່ວງທັນສະພາບການ, ເອົາໃຈໃສ່ວຽກງານ ພັດທະນາວຽກງານກາແດງປຸກລະດົມບໍລິຈາກເລືອດ ເພື່ອຕອບໜອງໃຫ້ກັບສັງຄົມ ການບໍລິການໃຫ້ກ້ວາງອອກ, ວຽກພົວພັນຕ່າງປະເທດ ຍາດແຍງທຶນຊ່ວຍເຫຼືອຈາກອົງການຈັດຕັ້ງສາກົນ.
ທ່ານລັດຖະມົນຕີ ກ່າວວ່າ: ຜ່ານການຮັບຟັງການສະຫຼຸບລາຍງານການຈັດຕັ້ງປະຕິບັດວຽກງານ ຮສສ ໃນໄລຍະ 1 ປີຜ່ານມາ ຂອງ ທ່ານນ. ແພງຈັນ ແກ້ວມະນີວົງ ຫົວໜ້າພະແນກ ຮສສ ແຂວງ ດັ່ງກ່າວເຫັນວ່າ ພະແນກແຮງງານ ແລະ ສະຫວັດດີການສັງຄົມ ແຂວງໄຊຍະ, ເຫັນວ່າມີຄວາມພະຍາຍາມປະຕິບັດພາລະບົດບາດຂອງຕົນຢ່າງຕັ້ງໜ້າ ແລະ ມີຫລາຍວຽກທີ່ໄດ້ຮັບການພັດທະນາດີຂຶ້ນ, ໂດຍສະເພາະການກຳນົດວິໄສທັດຮອດປີ 2020, ຍຸດທະສາດຮອດປີ 2025 ແລະ ແຜນພັດທະນາແຮງງານ ແລະ ສະຫວັດດີການສັງຄົມ 5 ປີຄັ້ງທີ IV ຮອດປີ 2020, ຊຶ່ງໄດ້ປະກອບສ່ວນອັນສຳຄັນໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII ໃຫ້ປະກົດຜົນເປັນຈິງ, ພ້ອມນີ້ ທ່ານ ປອ ຄຳແພງ ໄຊສົມແພງ ຍັງໄດ້ສະແດງຄວາມຍ້ອງຍໍ ພະແນກແຮງງານ ແລະ ສະຫວັດດີການສັງຄົມ ແຂວງ ທີ່ສູ້ຊົນພັດທະນາກຳລັງແຮງງານລາວ ເມື່ອທຽບໃສ່ຫລາຍປີຜ່ານມາ ເຫັນວ່າມີຄຸນນະພາບດີຂຶ້ນ, ໂດຍສະເພາະພັດທະນາສີມືແຮງງານ, ຄວາມສາມາດ, ຄວາມເຂັ້ມແຂງ ດີຂຶ້ນເລື້ອຍໆເມື່ອທຽບໃສ່ປະເທດໃກ້ຄຽງ./

(ພາບ-ຂ່າວ: ເພັດສະໄໝ )

ຂ່າວສານອື່ນໆ