ລັດວິສາຫະກິດຕາຂ່າຍໄຟຟ້າພາກໃຕ້ຈີນ ມອບເງິນ 1,2 ຕື້ກີບ ຊ່ວຍຜູ້ປະສົບໄພ

08-08-2018, 22:29 64

ຂປລ. ໃນຕອນແລງຂອງວັນທີ 8 ສິງຫາ 2018, ລັດວິສາຫະກິດຕາຂ່າຍໄຟຟ້າພາກໃຕ້ຈີນ ໄດ້ມອບເງິນ ຈຳນວນ 1,2 ຕື້ກີບ ໃຫ້ແກ່ລັດຖະບານແຫ່ງ ສປປ ລາວ ເພື່ອນຳໄປຊ່ວຍເຫລືອຜູ້ປະສົບໄພພິບັດຢູ່ເມືອງ ສະໜາມໄຊ, ແຂວງ ອັດຕະປື.
ເງິນຈໍານວນດັ່ງກ່າວນີ້ ມອບໂດຍ ທ່ານ ລີ ຊິ້ງຄຸ່ຍ ປະທານ ລັດວິສາຫະກິດຕາຂ່າຍໄຟຟ້າພາກໃຕ້ຈີນ ແລະ ກ່າວຮັບໂດຍ ທ່ານ ຄໍາແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ໂດຍມີທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ມີບັນດາລັດຖະມົນຕີ ແລະ ຮອງລັດຖະມົນຕີເຂົ້າຮ່ວມ. 
ໃນໂອກາດນີ້, ທ່ານ ທ່ານ ລີ ຊິ້ງຄຸ່ຍ ກໍໄດ້ຕາງໜ້າໃຫ້ ບໍລິສັດດັ່ງກ່າວ ສະແດງຄວາມໄວ້ອາໄລໄປຍັງຜູ້ເສຍຊີວິດ ແລະ ຄອບຄົວຂອງເພິ່ນ, ພ້ອມທັງສະແດງຄວາມເສຍໃຈ ແລະ ຄວາມຢື້ຢາມຖາມຂ່າວໄປຍັງຜູ້ປະສົບໄພທັງໝົດ. ພວກເຣົາຍິນດີຈະໃຫ້ການຊ່ວຍເຫລືອ ແລະ ສະໜັບສະໜູນຢ່າງສຸດຄວາມສາມາດ ເພື່ອເປັນກຳລັງແຮງອັນໜຶ່ງໃນການຟື້ນຟູຫລັງໄພພິບັດໃນຄັ້ງນີ້.
ຂ່າວ: ສິງຄຳ, ພາບ: ເກດສະໜາ

ຂ່າວສານອື່ນໆ