ນາຍົກລັດຖະມົນຕີ ຕ້ອນຮັບລັດຖະມົນຕີກະຊວງ ການຄ້າອາເມຣິກາ

02-10-2017, 11:24 32

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມ ຂ່ຳນັບຂອງ ທ່ານ ວິນເດີ ໂຣສ (Wildur Ross) ລັດຖະມົນຕີ ກະຊວງການຄ້າ ແຫ່ງ ສະຫະລັດ ອາເມຣິກາ ພ້ອມຄະນະໃນ ຕອນເຊົ້າວັນທີ 29 ກັນຍາຜ່ານ ມາ ທີ່ຫ້ອງຮັບແຂກສຳນັກງານ ນາຍົກລັດຖະມົນຕີ ໃນໂອກາດ ຕ້ອນຮັບຄັ້ງນີ້ ທ່ານນາຍົກລັດ ຖະມົນຕີໄດ້ກ່າວສະແດງຄວາມ ຕ້ອນຮັບ ແລະ ຊົມເຊີຍຕໍ່ການ ເດີນທາງມາຢ້ຽມຢາມລາວໃນ ຄັ້ງນີ້ຖືວ່າເປັນຄັ້ງທຳອິດຂອງ ທ່ານ ວິນເດີ ໂຣສ ຊຶ່ງ ເປັນການ ປະກອບສ່ວນອັນສຳຄັນເຂົ້າໃນ ການພົວພັນຮ່ວມມືທີ່ດີລະຫວ່າງ ສປປ ລາວ ແລະ ສະຫະລັດອາເມ ຣິກາເວົ້າສະເພາະແມ່ນການພົວ ພັນຮ່ວມມື ລະຫວ່າງກະຊວງທີ່ກ່ຽວຂ້ອງ ໃຫ້ແໜ້ນແຟ້ນຍິ່ງຂຶ້ນ. ໃນຕອນເຊົ້າຂອງວັນ ດຽວກັນນີ້ທ່ານ ວິນເດີ ໂຣສ (Wildur Ross) ກໍໄດ້ເຂົ້າ ຢ້ຽມຂ່ຳນັບທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດ ໃນໂອ ກາດດັ່ງກ່າວນີ້, ທ່ານ ສະ ເຫຼີມໄຊ ກົມມະສິດ ໄດ້ສະ ແດງຄວາມຍິນດີຕ້ອນຮັບອັນ ອົບອຸ່ນ ແລະ ຕີລາຄາສູງຕໍ່ ການຢ້ຽມຢາມ ສປປ ລາວ ຄັ້ງທຳອິດຂອງລັດຖະມົນຕີກະ ຊວງການຄ້າຂອງສະຫະລັດ ອາເມຣິກາ ຊຶ່ງເປັນໂອກາດ ທີ່ສຳຄັນໃນການປຶກສາຫາລື ເພື່ອເພີ່ມທະວີການພົວພັນ ສອງຝ່າຍໃນດ້ານການຄ້າ ແລະ ການລົງທຶນໃນຕໍ່ໜ້າ ພ້ອມ ທັງໄດ້ສະແດງຄວາມຍິນດີຕໍ່ ການເຊັນສັນຍາ ລະຫວ່າງບໍລິ ສັດ Convalt - GE Energy ຂອງອາເມຣິກາກັບທະນາ ຄານ Cathay United Bank ເພື່ອພັດທະນາໂຄງການພະ ລັງງານແສງຕາເວັນຢູ່ພາກໃຕ້ ຂອງລາວ ແລະ ການເຊັນບົດ ບັນທຶກຄວາມເຂົ້າໃຈວ່າດ້ວຍ ການສ້າງຕັ້ງສູນສົ່ງເສີມນັກ ທຸລະກິດເພດຍິງ (Women’s Enterpreneurial Center) ຊຶ່ງຈະເປັນການປະກອບສ່ວນ ອັນສຳຄັນ ໃນການເສີມຂະ ຫຍາຍການພົວພັນຮ່ວມມື ສອງຝ່າຍກໍຄືໃຫ້ແກ່ການພັດ ທະນາເສດຖະກິດຂອງ ສປປ ລາວ ພ້ອມກັນນັ້ນ, ທ່ານລັດ ຖະມົນຕີໄດ້ຕາງໜ້າໃຫ້ລັດຖະ ບານ ແລະ ປະຊາຊົນສະ ແດງຄວາມຂອບໃຈໄປຍັງລັດ ຖະບານສະຫະລັດອາເມຣິ ກາທີ່ໄດ້ໃຫ້ການຮ່ວມມືຊ່ວຍ ເຫຼືອ ສປປ ລາວ ໃນໄລຍະ ຜ່ານມາ ໂດຍສະເພາະວຽກ ງານເກັບກູ້ລູກລະເບີດທີ່ຍັງບໍ່ ທັນແຕກ, ການສຶກສາ,ສາທາ ລະນະສຸກ, ການຄວບຄຸມ ແລະ ປາບປາມຢາເສບຕິດກໍ ຄືໃນດ້ານການບັງຄັບໃຊ້ກົດ ໝາຍ ແລະ ອື່ນໆ. ຜ່ານມາ, ທັງສອງຝ່າຍ ໄດ້ມີການເພີ່ມທະວີການແລກ ປ່ຽນການຢ້ຽມຢາມຂອງຄະ ນະຜູ້ແທນໃນຂະແໜງເສດຖະ ກິດ ແລະ ການຄ້າ - ການລົງ ທຶນ, ຊຶ່ງຫຼ້າສຸດຄະນະຜູ້ແທນ ສະພາທຸລະກິດອາຊຽນ - ອາ ເມຣິກາ (US-Asean Business Council) ໄດ້ເດີນທາງ ມາຢ້ຽມຢາມ ເພື່ອສຶກສາເບິ່ງ ຄວາມອາດສາມາດໃນການ ລົງທຶນຢູ່ລາວໃຫ້ຫຼາຍຂຶ້ນ. (ຂ່າວ - ພາບ: ພູວຽງຄຳ) ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມ ຂ່ຳນັບຂອງ ທ່ານ ວິນເດີ ໂຣສ (Wildur Ross) ລັດຖະມົນຕີ ກະຊວງການຄ້າ ແຫ່ງ ສະຫະລັດ ອາເມຣິກາ ພ້ອມຄະນະໃນ ຕອນເຊົ້າວັນທີ 29 ກັນຍາຜ່ານ ມາ ທີ່ຫ້ອງຮັບແຂກສຳນັກງານ ນາຍົກລັດຖະມົນຕີ ໃນໂອກາດ ຕ້ອນຮັບຄັ້ງນີ້ ທ່ານນາຍົກລັດ ຖະມົນຕີໄດ້ກ່າວສະແດງຄວາມ ຕ້ອນຮັບ ແລະ ຊົມເຊີຍຕໍ່ການ ເດີນທາງມາຢ້ຽມຢາມລາວໃນ ຄັ້ງນີ້ຖືວ່າເປັນຄັ້ງທຳອິດຂອງ ທ່ານ ວິນເດີ ໂຣສ ຊຶ່ງ ເປັນການ ປະກອບສ່ວນອັນສຳຄັນເຂົ້າໃນ ການພົວພັນຮ່ວມມືທີ່ດີລະຫວ່າງ ສປປ ລາວ ແລະ ສະຫະລັດອາເມ ຣິກາເວົ້າສະເພາະແມ່ນການພົວ ພັນຮ່ວມມື ລະຫວ່າງກະຊວງທີ່ກ່ຽວຂ້ອງ ໃຫ້ແໜ້ນແຟ້ນຍິ່ງຂຶ້ນ. ໃນຕອນເຊົ້າຂອງວັນ ດຽວກັນນີ້ທ່ານ ວິນເດີ ໂຣສ (Wildur Ross) ກໍໄດ້ເຂົ້າ ຢ້ຽມຂ່ຳນັບທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດ ໃນໂອ ກາດດັ່ງກ່າວນີ້, ທ່ານ ສະ ເຫຼີມໄຊ ກົມມະສິດ ໄດ້ສະ ແດງຄວາມຍິນດີຕ້ອນຮັບອັນ ອົບອຸ່ນ ແລະ ຕີລາຄາສູງຕໍ່ ການຢ້ຽມຢາມ ສປປ ລາວ ຄັ້ງທຳອິດຂອງລັດຖະມົນຕີກະ ຊວງການຄ້າຂອງສະຫະລັດ ອາເມຣິກາ ຊຶ່ງເປັນໂອກາດ ທີ່ສຳຄັນໃນການປຶກສາຫາລື ເພື່ອເພີ່ມທະວີການພົວພັນ ສອງຝ່າຍໃນດ້ານການຄ້າ ແລະ ການລົງທຶນໃນຕໍ່ໜ້າ ພ້ອມ ທັງໄດ້ສະແດງຄວາມຍິນດີຕໍ່ ການເຊັນສັນຍາ ລະຫວ່າງບໍລິ ສັດ Convalt - GE Energy ຂອງອາເມຣິກາກັບທະນາ ຄານ Cathay United Bank ເພື່ອພັດທະນາໂຄງການພະ ລັງງານແສງຕາເວັນຢູ່ພາກໃຕ້ ຂອງລາວ ແລະ ການເຊັນບົດ ບັນທຶກຄວາມເຂົ້າໃຈວ່າດ້ວຍ ການສ້າງຕັ້ງສູນສົ່ງເສີມນັກ ທຸລະກິດເພດຍິງ (Women’s Enterpreneurial Center) ຊຶ່ງຈະເປັນການປະກອບສ່ວນ ອັນສຳຄັນ ໃນການເສີມຂະ ຫຍາຍການພົວພັນຮ່ວມມື ສອງຝ່າຍກໍຄືໃຫ້ແກ່ການພັດ ທະນາເສດຖະກິດຂອງ ສປປ ລາວ ພ້ອມກັນນັ້ນ, ທ່ານລັດ ຖະມົນຕີໄດ້ຕາງໜ້າໃຫ້ລັດຖະ ບານ ແລະ ປະຊາຊົນສະ ແດງຄວາມຂອບໃຈໄປຍັງລັດ ຖະບານສະຫະລັດອາເມຣິ ກາທີ່ໄດ້ໃຫ້ການຮ່ວມມືຊ່ວຍ ເຫຼືອ ສປປ ລາວ ໃນໄລຍະ ຜ່ານມາ ໂດຍສະເພາະວຽກ ງານເກັບກູ້ລູກລະເບີດທີ່ຍັງບໍ່ ທັນແຕກ, ການສຶກສາ,ສາທາ ລະນະສຸກ, ການຄວບຄຸມ ແລະ ປາບປາມຢາເສບຕິດກໍ ຄືໃນດ້ານການບັງຄັບໃຊ້ກົດ ໝາຍ ແລະ ອື່ນໆ. ຜ່ານມາ, ທັງສອງຝ່າຍ ໄດ້ມີການເພີ່ມທະວີການແລກ ປ່ຽນການຢ້ຽມຢາມຂອງຄະ ນະຜູ້ແທນໃນຂະແໜງເສດຖະ ກິດ ແລະ ການຄ້າ - ການລົງ ທຶນ, ຊຶ່ງຫຼ້າສຸດຄະນະຜູ້ແທນ ສະພາທຸລະກິດອາຊຽນ - ອາ ເມຣິກາ (US-Asean Business Council) ໄດ້ເດີນທາງ ມາຢ້ຽມຢາມ ເພື່ອສຶກສາເບິ່ງ ຄວາມອາດສາມາດໃນການ ລົງທຶນຢູ່ລາວໃຫ້ຫຼາຍຂຶ້ນ. (ຂ່າວ - ພາບ: ພູວຽງຄຳ) 

ຂ່າວສານອື່ນໆ