ກອງປະຊຸມປະເມີນການຈັດຕັ້ງປະຕິບັດ ກອງທຶນຊວ່ຍເຫຼືອພາຍໃຕ້ໂຄງການສະກັດກັ້ນການຄ້າເດັກ ແລະ ແມ່ຍິງພາກພື້ນ ສປປ ລາວ

05-03-2018, 15:45 150

ເພື່ອແນໃສ່ການສ້າງວຽກເຮັດງານທຳ, ສ້າງເສດຖະກິດຄອບຄົວໃຫ້ແກ່ປະຊາຊົນພາຍໃນບ້ານເປົ້າໝາຍ, ເຮັດໃຫ້ປະຊາຊົນສາມາດສ້າງລາຍໄດ້ ໃຫ້ແກ່ຄອບຄົວເພື່ອກູ້ຢືມສຸກເສີນທາງດ້ານສືກສາ ແລະ ປິ່ນປົວສຸຂະພາບສະມາຊິກໃນຄົວເຮືອນ ເຊິ່ງເປັນປັດໃຈໜື່ງເຮັດໃຫ້ຫຼຸດຜ່ອນການເຄື່ອນຍ້າຍແຮງງານ ໄປເຮັດວຽກແບບບໍ່ຖືກຕ້ອງຢູ່ຕ່າງປະເທດ, ສະກັດກັ້ນບັນຫາການຄ້າມະນຸດ ໂດຍສະເພາະແມ່ນ ແມ່ຍິງ ແລະ ເດັກນ້ອຍ. ໃນວັນທີ 5 ມີນາ 2018 ນີ້, ທີ່ກະຊວງແຮງງານ ແລະ ສະຫວັດດີການສັງຄົມ ( ຮສສ ) ໄດມີກອງປະຊຸມປະເມີນການຈັດັ້ງປະຕິບັດກອງທຶນຊວ່ຍເຫຼືອພາຍໃຕ້ໂຄງການສະກັດກັ້ນການຄ້າເດັກ ແລະ ແມ່ຍິງພາກພື້ນ ສປປ ລາວ, ເປັນກຽດເຂົ້າຮ່ວມຂອງ ທ່ານ ບຸນຄົງ ຫຼ້າສຸກັນ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ມີບັນດາຫົວໜ້າກົມ, ຮອງກົມ, ພະແນກ ຮສສ ແຂວງກຽ່ວຂ້ອງພ້ອມວິຊາການຈຳນວນໜຶ່ງເຂົ້າຮ່ວມ.
ໂຄງການສະກັດກັ້ນການຄ້າເດັກ ແລະ ແມ່ຍິງ ແມ່ນໂຄງການໜຶ່ງທີ່ໄດ້ຮັບການສະໜັບສະໜູນ ຈາກອົງການແຮງງານສາກົນ ແລະ ຄູ່ຮ່ວມ ຕາມໂຄງການການລືບລ້າງການນຳໃຊ້ແຮງງານເດັກ ໂຄງການດັ່ງກ່າວແມ່ນເລີມແຕ່ປີ 2005 ຢູ່ 5 ແຂວງຄື: ແຂວງບໍລິຄຳໄຊ, ຄຳມວ່ນ, ສະຫວັນນະເຂດ, ຈຳປາສັກ ແລະ ໄຊຍະບູລີ; ປະຈຸບັນກອງທຶນທັງໝົດມີຢູ່ 21 ເມືອງ, 83 ບ້ານ, ມີຈຳນວນສະມະຊິກທັງໝົດ 25,962 ຄົນ, ຍິງ 14,982 ຄົນ, ມີທຶນທັງໝົດ 55,707,139,894 ກີບ, ກອງທຶນດັ່ງກ່າວຖືວ່າເປັນກອງທຶນທີ່ໃຫຍ່ ແລະ ມີຄວາມຈຳເປັນຕ້ອງໄດ້ມີການບໍລິຫສນຄຸ້ມຄອງທີ່ດີ ຕາມກົດໝາຍ ແລະ ລະບຽບການຂອງລັດຖະບານວາງອອກ. 
ເຖິງຢ່າງໃດກໍ່ຕາມຜ່ານການຈັດຕັ້ງໄລຍະຜ່ານມາ ສັງເກດເຫັນວ່າຍັງພົບບັນຫາຫຼາຍອັນທີ່ເປັນອຸປະສັກຕໍ່ການຈັດຕັ້ງປະຕິບັດກອງທຶນດັ່ງກ່າວ, ເພາະສະນັ້ນ, ເພື່ອເຮັດໃຫ້ກອງທຶນມີການຂະຫຍາຍຕົວ ແລະ ຍືນຍົງ ຈື່ງໄດ້ຮ່ວມກັນປືກສາຫາລື, ພ້ອມກັນປະກອບຄຳເຫັນຕໍ່ບັນຫາດັ່ງກ່າວ ແລະ ພ້ອມກັນຫາວິທີໃນການຈັດຕັ້ງປະຕິບັດໂຄງການດັ່ງກ່າວໃຫ້ສຳເລັດ ແລະ ໄດ້ຮັບໝາກຜົນອັນສູງສຸດ./

( ພາບ-ຂ່າວ: ເພັດສະໄໝ )

ຂ່າວສານອື່ນໆ