ລາວສະຫລຸບວຽກງານເກັບກູ້ລະເບີດບໍ່ທັນແຕກ 6 ເດືອນຕົ້ນປີ

05-07-2018, 10:39 48

ກອງປະຊຸມສະຫລຸບ ວຽກງານ 6 ເດືອນ ຕົ້ນປີຂອງ ຄະນະຊີ້ນຳໂຄງການກວດ ກູ້ລະເບີດບໍ່ທັນແຕກຢູ່ ສປປ ລາວ ໄດ້ຈັດຂຶ້ນໃນວັນທີ 3 ກໍ ລະກົດນີ້ທີ່ອົງການສະຫະ ປະຊາຊາດ ເພື່ອການພັດທະ ນາປະຈໍາລາວ (UNDP) ນະຄອນຫລວງວຽງຈັນ, ໂດຍການປັນປະທານຂອງ ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງ ງານ ແລະ ສະຫວັດດີການ ສັງຄົມປະທານຄະນະກຳ ມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດ ບໍ່ທັນແຕກທີ່ຕົກຄ້າງຢູ່ ສປປ ລາວ (ຄຊກລ) ແລະ ທ່ານນາງ ຄາລີນາ ອິມໂມ ເນນຜູ້ຕາງໜ້າງໜ້າອົງ ການ ສປຊ ເພື່ອການພັດ ທະນາປະຈໍາລາວ, ມີບັນດາ ຮອງເຈົ້າແຂວງ, ກຳມະການ ຄະນະຊີ້ນຳໂຄງການ, ພ້ອມ ດ້ວຍພາກສ່ວນກ່ຽວຂ້ອງ ເຂົ້າຮ່ວມເພື່ອຮັບຟັງລາຍ ງານຈາກຫ້ອງການ ຄຊກລ ແລະ ຄກລ ໃນໄລຍະ 6 ເດືອນ ຜ່ານມາ ແລະ ຮ່າງຂໍ້ຕົກລົງ ຂອງລັດຖະມົນຕີວ່າ ດ້ວຍ ການຈັດຕັ້ງ ແລະ ການເຄື່ອນ ໄຫວຂອງຄະນະກໍາມະການຄຸ້ມຄອງວຽກງານແກ້ໄຂບັນ ຫາ ລບຕ ຂັ້ນທ້ອງຖິ່ນ, ເຊິ່ງ ຈະປະກາດໃຊ້ເປັນທາງການ ໃນອານະຄົດອັນໃກ້ນີ້. ກອງ ປະຊຸມໄດ້ສຸມໃສ່ຄົ້ນຄວ້າປຶກ ສາຫາລືກັບບັນດາອົງການ ສາກົນ ແລະ ປະເທດ ຜູ້ໃຫ້ທຶນ ເພື່ອລະດົມທຶນເຂົ້າໃສ່ວຽກ ງານແກ້ໄຂບັນຫາ ລບຕ, ໄດ້ ປະສານສົມທົບກັບບັນດາ ກະຊວງ, ຂະແໜງການ, ທ້ອງ ຖິ່ນ ແລະ ບັນດາ ອົງການຈັດ ຕັ້ງບໍ່ສັງກັດລັດໃນການປະ ຕິບັດວຽກງານ ໂຄສະນາ ສຶກສາຄວາມສ່ຽງ, ວຽກງານ ຊ່ວຍເຫລືອຜູ້ລອດຊີວິດ, ວຽກງານສໍາຫລວດ ແລະ ກວດກູ້ ລບຕ ດ້ວຍຄວາມ ເອົາໃຈໃສ່.

ນໂອກາດນີ້, ທ່ານ ຄຳ ແພງ ໄຊສົມແພງ ໄດ້ມີຄຳ ເຫັນວ່າ: ໃນຕໍ່ໜ້ານີ້, ໃຫ້ຫ້ອງ ການ ຄຊກລ ສືບຕໍ່ເອົາໃຈໃສ່ ປະສານກັບອົງການຈັດຕັ້ງ ສາກົນ, ບັນດາປະເທດຜູ້ໃຫ້ ທຶນດີກວ່າເກົ່າ. ເພື່ອໃຫ້ໄດ້ທຶນ ຮອນເຂົ້າໃສ່ການປະຕິບັດ ວຽກງານແກ້ໄຂ ລບຕ ໃຫ້ສໍາ ເລັດຕາມແຜນການ, ສືບຕໍ່ ສົມ ທົບກັບກະຊວງ ຮສສ ຄົ້ນຄວ້າ ສະເໜີລັດຖະມົນ ຕີກະຊວງ ຮສສ ອອກຂໍ້ຕົກ ລົງວ່າດ້ວຍການຈັດຕັ້ງ ແລະ ການເຄື່ອນໄຫວຂອງຫ້ອງ ການ ຄຊກລ, ສືບຕໍ່ປັບປຸງ ການເຮັດວຽກ ພາກສະໜາມ, ການປະສານງານກັບສາຍ ຕັ້ງ-ສາຍຂວາງ, ບັນດາຊ່ຽວ ຊານ ແລະ ອົງການຈັດຕັ້ງສາ ກົນໃຫ້ດີກວ່າເກົ່າ

 

ຂອບ​ໃຈ​ໜັງ​ສື​ພິມ​ລາວ​ພັດ​ທະ​ນາ

ຂ່າວສານອື່ນໆ