ເມືອງໄຊພູທອງ ສະຫລອງວັນ ຄົນພິການ-ວັນສາກົນຜູ້ອາຍຸສູງ

03-10-2017, 15:21 87

ຂປລ. ວັນທີ 3 ຕຸລາ 2017 ນີ້ ເມືອງໄຊພູທອງ ຈັດງານສະເຫລີມສະຫລອງ ວັນຄົນພິການ ແລະ ວັນສາກົນຜູ້ອາຍຸສູງ ໂດຍການເປັນກຽດເຂົ້າຮ່ວມຂອງ ທ່ານ ຄໍາວິໃສ ຜຸຍຍະວົງ ເຈົ້າເມືອງໄຊພູທອງ ພ້ອມພະນັກງານອາວຸໂສບຳນານຜູ້ຊົງຄຸນວຸດທິ ແລະ ຜູ້ອາຍຸສູງພາຍໃນ ບ້ານເທດສະບານເມືອງ ເຂົ້າຮ່ວມ 500 ກວ່າຄົນ. 


ທ່ານ ຄໍາວິໃສ ຜຸຍຍະວົງ ເຈົ້າເມືອງໄຊພູທອງ ກ່າວ: ປັດຈຸບັນໃນທົ່ວໂລກ ມີຈໍານວນຜູ້ພິການ ຫລາຍກວ່າ 
1 ຕື້ຄົນ ຫລື ປະມານ 15 % ຂອງປະຊາກອນໂລກ ແລະ ອີງຕາມການປະເມີນຂອງ ອົງການສະຫະປະຊາຊາດ ໃນປີ 2017 ປະຊາກອນຜູ້ອາຍຸສູງ 60 ປີຂຶ້ນໄປ ມີຈໍານວນ 962 ລ້ານຄົນ ເທົ່າກັບ 13% ຂອງປະຊາກອນໂລກຈໍານວນຜູ້ອາຍຸສູງ ມີແນວໂນມເພີ້ມຂຶ້ນຄາດວ່າ ໃນປີ 2030 ຈະມີເຖິງ 1.4 ລ້ານຄົນ ແລະ 2050 ຈະມີປະມານ 2.1 ລ້ານຄົນ ໂດຍສະເພາະຢູ່ ບັນປະເທດທີ່ພັດທະນາແລ້ວ ແລະ ປະເທດທີ່ພັດທະນາໄວ. ສຳລັບສະຖິຕິ ຄົນພິການຂອງລາວ ຕາມການສຳຫລວດ ປະຊາກອນ ໃນປີ 2015 ເຫັນວ່າ ມີທ່າອ່ຽງຂຶ້ນ ຈາກຕົວເລກສະຖິຕິໃນປີ 2005ມີປະມານ 57.000 ຄົນເທົ່າກັບ 1,4% ຂອງພົນລະເມືອງທັງໝົດ ມາເປັນປະມານ 160.000 ຄົນ ໃນປີ 2015 ເທົ່າກັບ 2,8% ຂອງພົນລະເມືອງ ເພີ້ມຂື້ນໜຶ່ງເທົ່າຕົວ ຫລື ເພີ່ມຂຶ້ນ 100%.

ຂ່າວ: ພັນທະມິດ ວົງສຸທິ

ຂ່າວສານອື່ນໆ