ບັ້ນດໍາເນີນຊີວິດການເມືອງປັບປຸງປົວແປງພັກ

05-07-2017, 15:22 268

ຈິ່ງໄດ້ສໍາເລັດລົງດ້ວຍຜົນສໍາເລັດອັນຈົບງາມ. ເປັນກຽດເຂົ້າຮ່ວມຊີ້ນໍາກອງປະຊຸມໂດຍສະຫາຍ ບົວສອນ ສີນວນທອງ ຮອງເລຂາພັກແຂວງ, ຮອງເຈົ້າແຂວງ ແຂວງຊຽງຂວາງ, ເຊິ່ງມີ 7 ໜ່ວຍພັກຂຶ້ນກັບຮາກຖານພັກພະແນກ ຮສສ ເຂົ້າຮ່ວມ.
ໃນບັ້ນປິດການດໍາເນີນຊີວິດການເມືອງປັບປຸງປົວແປງພັກຄັ້ງນີ້ສະຫາຍ ວ່າງເລ່ຍ ເລຂາຄະນະພັກຮາກຖານ, ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງຊຽງຂວາງ ໄດ້ຂຶ້ນລາຍງານການດໍາເນີນຊີວິດການເມືອງປັບປຸງປົວແປງພັກຕໍ່ກອງປະຊຸມ ເຊິ່ງສະຫາຍໄດ້ໃຫ້ຮູ້ວ່າ ຄະນະຮັບຜິດຊອບບັ້ນດໍາເນີນຊີວິດການເມືອງປັບປຸງປົວແປງພັກ ໄດ້ເອົາໃຈໃສ່ຄົ້ນຄວ້າເນື້ອໃນເອກະສານເດັດດ່ຽວປັບປຸງປົວແປງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ເພື່ອນໍາມາເຜີຍແຜ່ເຊື່ອມຊຶມໃຫ້ສະມາຊິກພັກໄດ້ຮັບຮູ້ ແລະ ເຂົ້າໃຈຢ່າງຈະແຈ້ງຕໍ່ເນື້ອໃນເອກະສານທີ່ຕິດພັນຕົວຈິງກັບຄວາມຮັບຜິດ ຊອບຂອງສະມາຊິກພັກທຸກສະຫາຍ. ພ້ອມນັ້ນສະຫາຍຍັງໄດ້ລາຍງານການສໍາຫຼວດກວດກາຄະນະພັກ, ສະມາຊິກພັກ ແລະ ທາບທາມຄວາມໄວ້ວາງໃຈຄະນະພັກຮາກຖານຈາກສະມາຊິກພັກໃນທົ່ວຮາກຖານພັກພະແນກ ຮສສ ເຊິ່ງຄະນະພັກຮາກຖານໄດ້ຮັບຄວາມເຊື່ອໝັ້ນໄວ້ວາງໃຈຈາກສະມາຊິກພັກແຕ່ 90% ຂຶ້ນໄປຈໍານວນ 7 ສະຫາຍ, ແຕ່ 80-89% ຈໍານວນ 1 ສະຫາຍ, ພະນັກງານຄຸ້ມຄອງນໍາພາໄດ້ຮັບຄວາມເຊື່ອໝັ້ນໄວ້ວາງໃຈຈາກສະມາຊິກພັກແຕ່ 90% ຂຶ້ນໄປຈໍານວນ 12 ສະຫາຍ ສະແດງໃຫ້ເຫັນວ່າຄະນະພັກຮາກຖານ ແລະ ພະນັກງານຄຸ້ມຄອງນໍາພາໄດ້ຮັບຄວາມເຊື່ອໝັ້ນໄວ້ວາງໃຈ ຈາກສະມາຊິກພັກທຸກໆສະຫາຍ. ຜ່ານຈາກການສໍາຫຼວດກວດກາສາມາດຈັດປະເພດສະມາຊິກພັກໃນຮາກຖານພັກສະຫາຍ ວ່າງເລ່ຍ ເລຂາຄະນະພັກຮາກໄດ້ໃຫ້ຮູ້ວ່າສະມາຊິກພັກປະເພດແຂງມີຈໍານວນ 78 ສະຫາຍ, ຍິງ 24 ສະຫາຍ, ສະມາຊິກພັກປະເພດກາງຈໍານວນ 6 ສະຫາຍ, ຍິງ 0 ສະຫາຍ ແລະ ປະເພດເສຍທາດຂາດຄຸນແມ່ນບໍ່ມີ, ກໍ່ເນື່ອງຈາກວ່າຄະນະພັກ, ສະມາຊິກພັກທຸກສະຫາຍໄດ້ສຸມທຸກສະຕິປັນຍາໃນການຄົ້ນຄວ້າເຊື່ອມຊຶມບັນດານິຕິກໍາ, ລະບຽບກົດໝາຍຕ່າງໆ, ເຊື່ອໝັ້ນຕໍ່ແນວທາງຂອງພັກ, ການນໍາພາຂອງຄະນະພັກຂັ້ນເທິງ, ເປັນເຈົ້າການໃນການຈັດຕັ້ງປະຕິບັດໜ້າທີ່ວຽກງານທີ່ໄດ້ຮັບມອບໝາຍ ແລະ ມີຄວາມສາມັກຄືຢ່າງກວ້າງຂວາງ. 
ຕອນທ້າຍຂອງກອງປະຊຸມສະຫາຍ ບົວສອນ ສີນວນທອງ ຮອງເລຂາພັກແຂວງ, ຮອງເຈົ້າແຂວງໆຊຽງຂວາງ ໄດ້ໂອ້ມລົມຕໍ່ຄະນະພັກ, ສະມາຊິກພັກທີ່ໄດ້ດໍາເນີນຊີວິດການເມືອງປັບປຸງປົວແປງພັກໃນຄັ້ງນີ້ຫຼາຍໆບັນຫາ ເປັນຕົ້ນແມ່ນທ່ານໄດ້ເນັ້ນໃຫ້ຄະນະພັກ, ສະມາຊິກພັກຈົ່ງສືບຕໍ່ເພີ່ມທະວີການສຶກສາອົບຮົມດ້ານແນວຄິດການເມືອງຢ່າງເປັນປົກກະຕິ, ເຊື່ອມຊຶມທາງດ້ານນິຕິກໍາ, ລະບຽບກົດໝາຍຢ່າງໜັກແໜ້ນ, ມີຄຸນສົມບັດສິນທໍາປະຕິວັດຢ່າງແຮງກ້າ, ຕ້ານພະຍາດອາດຍາສິດ, ການສໍ້ຫຼາດບັງຫຼວງ ແລະ ຕ້ານປະກົດການຫຍໍ້ທໍ້ຕ່າງໆ. ຄະນະພັກ, ຄະນະນໍາຕ້ອງເອົາໃຈໃສ່ປັບປຸງກົງຈັກການຈັດຕັ້ງ, ຊີ້ນໍາໆພາອົງການຈັດຕັ້ງມະຫາຊົນ ແລະ ເຮັດວຽກຢ່າງມີແບບແຜນເປັນອັນລະອຽດ; ດໍາເນີນຊີວິດການເມືອງ, ຕໍາໜິສົ່ງຂ່າວຊ່ວຍເຫຼືອເຊິ່ງກັນ ແລະ ກັນຢ່າງເປັນປົກກະຕິ. ເອົາໃຈໃສ່ສືບຕໍ່ກໍ່ສ້າງຖັນແຖວພະນັກງານ, ບັນຈຸຊັບຊ້ອນພະນັກງານໃຫ້ແທດເໝາະກັບໜ້າວຽກ, ແທດເໝາະກັບດ້ານວິຊາສະເພາະ ເພື່ອເຮັດໃຫ້ວຽກງານມີປະສິດທິພາບ ແລະ ປະສິດທິຜົນທີ່ສູງ. ເອົາໃຈໃສ່ຄຸ້ມຄອງການປະຕິບັດນະໂຍບາຍຕໍ່ຜູ້ມີຜົນງານດ້ວຍຄວາມເປັນຈິງ ແລະ ເອົາໃຈໃສ່ຊ່ວຍເຫຼືອຜູ້ປະສົບໄພດ້ານຕ່າງໆໃຫ້ທັນເວລາ ພ້ອມທັງປັບປຸງແນວທາງການເມືອງ, ຊຸກຍູ້ການປະຕິບັດໜ້າທີ່ວຽກງານຂອງພະນັກງານສະມາຊິກພັກໃຫ້ມີຄວາມຂ່ອງຕົວ, ວ່ອງໄວ ແລະ ທັນການ ພ້ອມທັງຍົກສູງຄວາມຮັບຜິດ ຊອບຂອງຕົນ ແລະ ເສີມຂະຫຍາຍການປົວແປງພັກຄັ້ງນີ້ໃຫ້ມີປະສິດທິຜົນ ແລະ ທົ່ວເຖິງ; ສືບຕໍ່ເສີມຂະຫຍາຍດ້ານດີ ແລະ ແກ້ໄຂຈຸດອ່ອນຂໍ້ບົກຜ່ອງຂອງບັນດາສະມາຊິກພັກ ເພີ່ມທະວີຄວາມຮັບຜິດ ຊອບຕໍ່ໜ້າທີ່ວຽກງານທີ່ໄດ້ຮັບມອບໝາຍຢ່າງເຂັ້ມແຂງ.

ຂ່າວສານອື່ນໆ