ກະຊວງ ຮສສ ດຳເນີນຊີວິດການເມືອງ ປັບປຸງປົວແປງພັກ

03-07-2017, 13:57 201

 

ຄະນະພັກ ກະຊວງແຮງງານ ແລະ ສະຫວັດດີການສັງຄົມ (ຮສສ ) ໄດ້ຈັດກອງປະຊຸມດຳ ເນີນຊີວິດການເມືອງປັບປຸງປົວແປງພັກ ທົ່ວອົງຄະນະພັກ ກະຊວງກະຊວງແຮງງານ ແລະ ສະຫວັດດີການສັງຄົມ( ຮສສ )ຂຶ້ນທີ່ຫ້ອງປະຊຸມກະຊວງ ຮສສ, ໂດຍການໃຫ້ກຽດເຂົ້າ ຮ່ວມຊີ້ນຳຂອງ ສະຫາຍ ພົທ ຈັນສະໝອນ ຈັນຍາລາດ ກຳມະການກົມການ ເມືອງສູນກາງພັກ ລັດຖະມົນຕີກະຊວງປ້ອງກັນປະເທດ, ຜູ້ຊີ້ນຳ ດຳເນີນ ຊີວິດການເມືອງປັບປຸງປົວແປງ ທົ່ວພັກ , ມີ ສະຫາຍ ຄຳແພງ ໄຊສົມແພງ ກຳມະການ ສູນກາງພັກ ເລຂາຄະນະພັກກະຊວງ ຮສສ, ບັນດາຮອງເລຂາຄະນະພັກກະຊວງ, ຄະນະພັກ, ຄະນະພັກຮາກຖານ , ອອ້ມຂ້າງກະຊວງເຂົ້າຮ່ວມຢ່າງພ້ອມພຽງ. 
ກອງປະຊຸມດຳເນີນຊີວິດການເມືອງໃນ ຄັ້ງນີ້ຈະໄດ້ດຳເນີນເປັນເວລາ 5 ວັນລັດຖະການ , ຊຶ່ງຈຸດປະ ສົງຕົ້ນຕໍແມ່ນຈະໄດ້ເຜີຍແຜ່ ເຊື່ອມຊຶມເອກະສານ "ເດັດດ່ຽວ ປັບປຸງປົວແປງພັກໃຫ້ປອດໃສ, ເຂັ້ມ ແຂງ ແລະ ໜັກແໜ້ນ" ຜ່ານບົດສະຫຼຸຸບຕີລາຄາຄວາມ ຮັບຜິດຊອບຂອງຄະນະພັກ ກະຊວງ ຮສສ ໃນການນຳພາຈັດຕັ້ງປະ ຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ III ຂອງອົງຄະນະພັກ ກະຊວງ ຮສສ, ຄົ້ນ ຄວ້າປະກອບຄຳເຫັນຕໍ່ການ ຊີ້ນຳ-ນຳພາຂອງຄະນະພັກ ແລະ ດຳເນີນການສຳ ຫຼວດກວດກາຄວາມຮັບຜິດ ຊອບຂອງບຸກຄົນ ພາຍໃນຄະນະພັກ , ພ້ອມກັນນີ້ຈະໄດ້ຈັດຕັ້ງການ ທາບທາມລົງຄະແນນສຽງ ຄວາມເຊື່ອໝັ້ນໄວ້ວາງໃຈ ຕໍ່ຄະນະບໍລິຫານງານສູນກາງພັກ ສະໄໝທີ X ແລະ ຕໍ່ຄະນະບໍລິຫານງານພັກ ສະໄໝທີ IV. ໃນບັ້ນດຳເນີນຊີວິດການ ເມືອງຄັ້ງນີ້, ສະຫາຍ ພົທ ຈັນສະໝອນ ຈັນຍາລາດ ໄດ້ມີຄວາມເຫັນເນັ້ນໜັກເຖິງຄວາມຈຳເປັນຂອງ ການດຳເນີນຊີວິດການເມືອງ ປັບປຸງປົວແປງທົ່ວພັກ ຊຶ່ງແມ່ນ ຄວາມຮຽກຮ້ອງຕ້ອງການອັນຮີບດ່ວນ ເພື່ອແນໃສ່ປັບປຸງ ເຊີດຊູສະຕິຄວາມຮັບຜິດຊອບ ແລະ ເພື່ອຮັກສາບົດບາດຄວາມ ສາມາດການນຳພາຂອງພັກ, ຄວາມເປັນແບບຢ່າງນຳໜ້າ ຂອງຄະນະພັກແຕ່ລະຂັ້ນ ແລະ ສະມາຊິກພັກໃນການ ເຄົາລົບ ແລະ ປະຕິບັດຕາມ ກົດລະບຽບຂອງພັກ ແລະ ກົດໝາຍຂອງລັດໄດ້ຢ່າງເຂັ້ມງວດ ແລະ ເດັດຂາດ. ນອກຈາກນີ້ ຍັງເນັ້ນໜັກໃຫ້ຄະນະພັກ ກະຊວງ ຮສສ ສືບຕໍ່ຢ່າງແຂງແຮງໃນການ ປັບປຸງແກ້ໄຂບັນດາດ້ານອ່ອນ ຂໍ້ຄົງຄ້າງດ້ວຍຈິດໃຈບຸກທະລຸ, ເປັນຕົ້ນແມ່ນການສຶກສາອົບ ຮົມການເມືອງ-ແນວຄິດ, ບັນຫາຫຍໍ້ທໍ້ໃນຖັນແຖວສະມາ ຊິກພັກ-ພະນັກງານ, ຄວາມກ້າຫານໃນການຕິຊົມຕົນເອງ ແລະ ຕິຊົມຊຶ່ງກັນ ແລະ ກັນ, ວຽກງານຕ້ານ ແລະ ສະກັດກັ້ນ ການສໍ້ລາດບັງຫຼວງ, ປັບປຸງກໍ່ ສ້າງພັກໃຫ້ມີຄຸນນະພາບ, ຖືສຳຄັນແບບແຜນການນຳພາ ແລະ ແບບແຜນວິທີເຮັດວຽກ ຂອງຄະນະພັກ-ສະມາ ຊິກພັກ. ການປັບປຸງການຈັດຕັ້ງແຕ່ລະຂັ້ນ ເພື່ອໃຫ້ຕອບສະໜອງໄດ້ ກັບຄວາມຮຽກຮ້ອງຕ້ອງການ ຂອງໜ້າທີການເມືອງ; ຍົກສູງບົດບາດວຽກງານສຳຫຼວດກວດກາພາຍໃນພັກຢ່າງເປັນປົກກະຕິ; ເອົາໃຈ ໃສ່ຈັດຕັ້ງປະຕິບັດວຽກງານ ວິຊາສະເພາະ ເພື່ອປະກອບ ສ່ວນຢ່າງຕັ້ງໜ້າເຂົ້າໃນການ ພັດທະນາເສດຖະກິດ-ສັງຄົມ ຂອງປະເທດໃຫ້ເຕີບໃຫຍ່ຂະຫຍາຍຕົວຕາມທີ່ພັກ ແລະ ລັດກຳນົດໄວ້./

(ພາບ-ຂ່າວ: ນ. ເພັດສະໄໝ)

ຂ່າວສານອື່ນໆ