ຫ້ອງການ ກະຊວງຮສສ ສຶກສາບົດວິໃຈ ຄວາມພິ່ງພໍໃຈຂອງພະນັກງານຕໍ່ການບໍລິການ

02-10-2017, 12:11 103

ເພື່ອເຮັດໃຫ້ຂອດການບໍລິການຂອງຫ້ອງການ, ໃນການຮັບໃຊ້ວຽກງານໃນຂະແໜງ ຮສສ ໄດ້ຮັບໝາກຜົນ, ວອງໄວທັນໃຈ, ເຮັດໃຫ້ຜູ້ມາໃຊ້ບໍລິການມີຄວາມພິ່ງພໍໃຈ ແລະ ທັງເປັນເສນາທິການ ໃຫ້ຄະນະນຳ, ບັນດາກົມອອ້ມຂ້າງໃນການປະສານງານ ໃນການບໍລິຫານວຽກງານຂອງ ກະຊວງ ຮສສ ໃຫ້ນັບມື້ດີຂື້ນທັນກັບສະພາບການໃນໄລຍະໃໝ່.
ໃນວັນທີ 27ກັນຍາ 2017ນີ້, ທີ່ກະຊວງແຮງງານ ແລະ ສະຫວັດດີການສັງຄົມ, ໄດ້ມີກອງປະຊຸມວິຊາການ ລາຍງານການວິໃຈກຽ່ວກັບວຽກງານແຮງງານ ແລະ ສະຫວັດດີການສັງຄົມ ໃນຫົວຂໍ້ຄວາມພິ່ງພໍໃຈຂອງພະນັກງານຕໍ່ການບໍລິການ ຂອງຫ້ອງການກະຊວງແຮງງານ ແລະ ສະຫວັດດີການສັງຄົມ ( ຮສສ ); ໂດຍການເຂົ້າຮ່ວມຮັບຟັງໂດຍ ທ່ານ ນ. ໃບຄໍາ ຂັດທິຍະ ຮອງລັດຖະມົນຕີ ກະຊວງ ຮສສ ,ຫົວໜ້າຫ້ອງການ, ມີບັນດາຫົວໜ້າກົມ, ສູນ, ສະຖາບັນ ແລະ ພະນັກງານພາຍໃນອອ້ມຂ້າງກະຊວງເຂົ້າຮ່ວມ.
ໃນກອງປະຊຸມດັ່ງກ່າວ ທ່ານ ລີປ່າວ ຢ່າງ ຫົວໜ້າຫ້ອງການກະຊວງ ຮສສ ໄດ້ຂື້ນລາຍງານ, ສະຫຼຸບ, ການປະເມີນຄົ້ນຄວ້າການວິໃຈຈາກແບບຟອມສອບຖາມຂອງພະນັກງານ-ລັດຖະກອນໃນທົ່ວຂະແໜງ ຮສສ; ເຊິ່ງໄລຍະຜ່ານມາຫ້ອງການກະຊວງໄດ້ຈັດຕັ້ງປະຕິບັດໜ້າທີການເມືອງຂອງຕົນ ແລະ ມີຜົນສຳເລັດໃນຫລາຍດ້ານ ແລະ ເຫັນໄດ້ເຖິ່ງຄວາມສຳຄັນຕໍ່ເຫດຜົນດັ່ງກ່າວຈຶ່ງໄດ້ເລືອກເອົາຫົວຂໍ້: “ ພິ່ງພໍໃຈຂອງພະນັກງານຕໍ່ການບໍລິການ ຂອງຫ້ອງການກະຊວງແຮງງານ ແລະ ສະຫວັດດີການສັງຄົມ ” ເພື່ອເປັນປະໂຫຍ ແລະ ປະກອບສ່ວນອັນສຳຄັນໃຫ້ແກ່ການປັບປຸງການບໍລິການວຽກງານຫ້ອງການໃນຕໍ່ໜ້າໃຫ້ມີປະສິດທິພາບຍິ່ງຂື້ນ.

( ເພັດສະໄໝ )

ຂ່າວສານອື່ນໆ