ທ່ານຮູ້ບໍວ່າ "ພະນະທ່ານ​ສີ​ຈິ້ນ​ຜິ​ງ ປະທານປະເທດແຫ່ງ ສປຈີນ ກ່າວ​ປາ​ໄສ​

08-05-2018, 08:09 220

ທ່ານຮູ້ບໍວ່າ "ພະນະທ່ານ​ສີ​ຈິ້ນ​ຜິ​ງ ປະທານປະເທດແຫ່ງ ສປຈີນ ກ່າວ​ປາ​ໄສ​ອັນສຳຄັນ​ໃນພິທີລະນຶກ​ວັນ​ເກີດ​ຂອງ​ທ່ານ​ມາກ​ຄົບຮອບ 200 ປີ" - at 05 ພຶດສະພາ 1818-2018 ນະຄອນຫຼວງປັກກິງ ສປຈີນ

(1) ພວກ​​ເຮົາ​ລະນຶກ​​ເຖິງທ່ານ ກາກມາກ ກໍ​ເພື່ອ​ສະ​ແດງ​ຄວາມ​ເຄົາລົບ​ຕໍ່​ນັກ​ແນວ​ຄິດ​ທີ່​ຍິ່ງ​ໃຫຍ່​ທີ່​ສຸດ​ໃນ​ປະຫວັດສາດ​ມວນມະນຸດ ແລະ ສະ​ແດງ​ໃຫ້​ເຫັນ​ເຖິງ​ສັດທາ​ອັນ​ແນ່​ວ​ແນ່​ຂອງ​ພວກ​ເຮົາ​ທີ່​ມີ​ຕໍ່​ສັດຈະທຳ​ອັນ​ມີວິທະຍາສາດ​ຂອງ​ລັດທິ​ມາກ;
(2) ລັດທິ​ມາກ​ແມ່ນ​ແນວ​ຄິດ​ຊີ້​ນຳ​ຂອງ​ພັກ​ແລະ​ລັດ​ພວກ​ເຮົາ​ຢ່າງ​ສະ​ເໝີ​ຕົ້ນສະ​ເໝີ​ປາຍ, ແມ່ນ​ອາວຸດ​ດ້ານ​ແນວ​ຄິດ​ທີ່​ເຂັ້ມ​ແຂງ​ຂອງ​ພວກ​ເຮົາ​ໃນ​ການ​ຮັບ​ຮູ້​ໂລກ, ກຳ​ແໜ້ນ​ກົດ​ເກນ, ສະ​ແຫວ​ງຫາສັດຈະທຳ ​ແລະ​ ດັດ​ສ້າງ​ໂລກ;
(3) ໃນ​ຍຸກ​ໃໝ່​ນີ້, ຊາວກອມ​ມູນິດ​ຈີນຈະ​ຕ້ອງ​ສືບ​ຕໍ່​ຮຽນ​ນຳທ່ານມາກ, ຮຽນ​ ແລະ​ ນຳ​ເອົາ​ລັດທິ​ມາກ​ໄປ​ປະຕິບັດ​ຕົວ​ຈິງ, ຊູ​ຄັນ​ທຸງ​ລັດທິ​ມາກ​ທີ່​ຍິ່ງ​ໃຫຍ່​ໃຫ້​ສູງ, ຖອດ​ຖອນ​ສະຕິ​ປັນຍາທາງ​ວິທະຍາສາດ ແລະ ກຳລັງ​ທິດ​ສະ​ດີ​ຈາກ​ລັດທິ​ມາກ​ຢ່າງ​ບໍ່​ຢຸດ​ຢັ້ງ ມີ​ສະມາທິຫຼາຍກວ່າ​ເ​ກົ່າ;
(4) ມີ​ຄວາມ​ໝັ້ນ​ໃຈ​ຕໍ່​ຕົນ​ເອງຫຼາຍກວ່າ​ເກົ່າ ແລະ​ ມີ​ສະຕິ​ປັນຍາ​ຢ່າງ​ຍິ່ງ​ເພື່ອ​ຍຶດໝັ້ນ ແລະ​ ພັດທະນາ​ສັງຄົມ​ທິຍົມ​ທີ່​ມີ​ສີສັນ​ພິ​ເສດ​ຂອງ​ຈີນ​ໃນ​ຍຸກ​ໃໝ່ໃຫ້ສະພາບ​ທີ່​ດີງາມຂອງ​ສັງຄົມ​ມະນຸດ​ຕາມ​ຈິນຕະນາການ​ຂອງ​ທ່ານ​ມາກ ​ແລະ ທ່ານ​ອັງ​ແກນນັ້ນ ປາກົດ​ຕົວຢ່າງ​​ເຕັມ​ໄປ​ດ້ວຍ​ຄວາມ​ມີ​ຊີວິດ​ຊີວາ​ບົນ​ແຜ່ນດິນ​ຈີນ​ທີ່​ກວ້າງ​ໃຫຍ່ຢ່າງ​ບໍ່​ຢຸດ​ຢັ້ງ;
(5) ລັດທິ​ມາກ​ແມ່ນ​ທິດ​ສະ​ດີ​ທີ່​ມີ​ວິທະຍາສາດໄດ້​ເປີດ​ເຜີຍ​ກົດ​ເກນ​ການ​ພັດທະນາ​ຂອງ​ສັງຄົມ​ມະນຸດ, ລັດທິ​ມາກ​ແມ່ນ​ທິດ​ສະ​ດີ​ຂອງ​ປະຊາຊົນ ໂດຍ​ໄດ້ສ້າງ​ລະບົບ​ແນວ​ຄິດ​ທີ່ປະຊາຊົນ​​ບັນລຸ​ການ​ປົດ​ປ່ອຍ​ຕົນ​ເອງ​ເປັນຄັ້ງທຳ​ອິດ, ລັດທິ​ມາກ​ແມ່ນ​ທິດ​ສະ​ດີ​ຜ່ານ​ການ​ລົງປະຕິບັດ​ຕົວ​ຈິງ ແລະ​​ ຊີ້​ນຳການ​ເຄື່ອນ​ໄຫວ​ຂອງ​ປະຊາ​ຊົນ​ໃນ​ການ​ດັດ​ສ້າງ​ໂລກ. ລັດທິ​ມາກ​ແມ່ນ​ທິດ​ສະ​ດີ​ແບບ​ເປີດ​ກວ້າງ​ແລະ​ມີ​ການ​ພັດທະນາ​ຢ່າງ​ບໍ່​ຢຸດ​ຢັ້ງ, ຈະ​ຢືນ​ຢູ່​ແຖວ​ໜ້າ​ແຫ່ງ​ຍຸກ​ສະ​ໄໝ​ຢ່າງ​ສະ​ເໝີ​ຕົ້ນສະ​ເໝີ​ປາຍ;
(6) ລັດທິ​ມາກ​ບໍ່​ພຽງ​ແຕ່​ໄດ້​ປ່ຽນ​​ແປງ​ໂລກ​ຢ່າງ​ເລິກ​ເຊິ່ງ​ເທົ່າ​ນັ້ນ ແຕ່​ກໍ​ໄດ້​ປ່ຽນ​ແປງ​ຈີນ​ຢ່າງ​ເລິກ​ເຊິ່ງ​ເຊັ່ນ​ດຽວ​ກັນ. ພຶດຕິ​ກຳ​ຕົວ​ຈິງ​ໄດ້​ຢັ້ງຢືນ​ວ່າ ລັດ​ທິມາກ ​ໄດ້​ສະໜອງ​ອາວຸດ​ທາງແນວ​ຄິດ​ອັນ​ເຂັ້ມ​ແຂງ​ໃຫ້ການ​ປະຕິວັດ, ການ​ກໍ່ສ້າງ ​ແລະ ການ​ປະຕິ​ຮູບ​ຂອງ​ຈີນ ເຮັດ​ໃຫ້​ຈີນ​ທີ່​ເປັນ​ປະ​ເທດ​ໃຫຍ່​ທີ່​ເກົ່າ​ແກ່​ຢູ່​ພາກ​ຕາ​ເວັນ​ອອກ​ສາມາດ​ສ້າງ​ຄວາມ​ມະຫັດສະຈັນ​ດ້ານ​ການ​ພັດທະນາ​ທີ່​ບໍ່​ເຄີຍ​ມີ​ມາ​ກ່ອນ​ໃນ​ປະຫວັດສາດ​ມວນມະນຸດ;
(7) ປະຫວັດສາດ ​ແລະ​ ປະຊາຊົນ​ເລືອກ​ເອົາ​ລັດທິ​ມາກ​ແມ່ນການ​ຕັດສິນ​ໃຈ​ທີ່​ຖືກຕ້ອງ​ສົມບູນ, ພັກ​ກອມ​ມູນິດ​ຈີນ​​ຂຽນ​ລັດທິ​ມາກ​ລົ​ງ​ໃສ່​ຄັນ​ທຸງ​ຂອງ​ຕົນ​ແມ່ນ​ຖືກຕ້ອງ​ຢ່າງ​ສົມບູນ, ການ​ຍຶດໝັ້ນຫຼັກມູນ​ພື້ນຖານ​ຂອງ​ລັດທິ​ມາກ​ປະສານ​ສົມທົບ​ກັບ​ສະພາບຕົວ​ຈິງ​ທີ່​ລະອຽດ​ຂອງ​ຈີນ ແລະ​ ຊຸກຍູ້​ໃຫ້​ລັດທິ​ມາກ​ຫັນ​ເປັນ​ແບບ​ຈີນ​ແລະ​ພັດທະນາ​ຕາມ​ຍຸກ​ສະ​ໄໝ​ຢ່າງ​ບໍ່​ຢຸດ​ຢັ້ງນັ້ນ​ແມ່ນ​ຖືກຕ້ອງ​ຢ່າງ​ສົມບູນ;
(8) ພັກ​ກອມ​ມູນິດ​ຈີນ​ແມ່ນ​ພັກ​ການ​ເມືອງ​ທີ່​ປະກອບ​ດ້ວຍ​ລັດທິ​ມາກ, ລັດທິ​ມາກ​ແມ່ນ​ວິນ​ຍານ​ແຫ່ງ​ຄວາມສັດທາ​ແລະ​ອຸດົມ​ການ​ຂອງຊາວ​​ກອມ​ມູນິດ​ຈີນ, ຊີວິດຊີວາ​ຂອງ​ທິດ​ສະ​ດີ​​ແມ່ນຢູ່​ກັບການ​ເສີມ​ເຕີມຕໍ່​ໃໝ່​ຢ່າງ​ຕໍ່​ເນື່ອງ ແລະ​ ການ​ຊຸກຍູ້​​ໃຫ້ລັດທິ​ມາກ​​ພັດທະນາ​ຢ່າງ​ບໍ່​ຢຸດ​ຢັ້ງ​ແມ່ນພັນທະ​ກຳ​ທີ່​ສູງ​ສົ່ງ​ແລະ​ມີ​ກຽດ​ສະຫງ່າ​ຂອງ​ຊາວ​ກອມ​ມູນິດ​ຈີນ.

Sourioudong Sundara

ຂ່າວສານອື່ນໆ