ກອງປະຊຸມຖອດຖອນບົດຮຽນ ວຽກງານແຮງງານ ແລະ ສະຫວັດດີການສັງຄົມ 04 ແຂວງພາກໃຕ້ໂດຍໄດ້ເອົາຫົວຂໍ້: ວຽກງານສັງຄົມສົງເຄາະ.

26-02-2018, 13:40 499

ວຽກງານກອງປະຊຸມຖອດຖອນບົດຮຽນແຮງງານ ແລະ ສະຫວັດດີການສັງຄົມ 04 ແຂວງພາກໃຕ້ໂດຍໄດ້ເອົາຫົວຂໍ້: ວຽກງານສັງຄົມສົງເຄາະ.
ຕອນເຊົ້າຂອງວັນທີ 19 ກຸມພາ 2018 ທີ່ຫ້ອງປະຊຸມໃຫຍ່ຂອງພະແນກ ແຮງງານແລະສະກວັດດີການສັງຄົມແຂວງ,ພາຍໃຕ້ການເປັນປະທານຮ່ວມຂອງທ່ານ: ປະສົງ ວົງຄຳຈັນ ຫົວໜ້າກົມສັງຄົມ - ສົງເຄາະ, ທ່ານ: ສຸວັນຄຳ ຄຳຄູນເມືອງ ຫົວໜ້າພະແນກ ຮສສ ແຂວງ, ແລະ ມີຫົວໜ້າ ຫຼື ຮອງພະແນກ ພ້ອມດ້ວຍພະນັກງານວິຊາການຫຼັກແຫຼ່ງຈາກ ຮສສ 03 ແຂວງ, ສາລະວັນ,ຈໍາປາສັກ, ອັດຕະປຶ,ນອກນັ້ນມີຫົວໜ້າຫຼືຮອງຫ້ອງການ ຮສສ 04 ຕົວເມືອງ, ຄະນະພະແນກ, ຫົວໜ້າຫ້ອງການ, ຮອງຫ້ອງການ ພ້ອມດ້ວຍວິຊາການທີ່ກ່ຽວຂ້ອງຂອງພະແນກ ຮສສ ແຂວງ, ຄະນະປະສານງານໂຄງການເກັບກູ້ລະເບີດ ປະຈຳແຂວງ, ພະນັກງານຈາກ ກະຊວງ ຮສສ, ຕາງໜ້າຈາກອົງການກາແດງ, ເຂົ້າຮ່ວມທັງໝົດ 41 ທ່ານ, ຍິງ 04 ທ່ານ.
ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອປຶກສາຫາລືແລະຸຖອດຖອນບົດຮຽນ 04 ແຂວງພາກໃຕ້ເຊິ່ງຄັ້ງນີ້ ທີ່ແຂວງເຊກອງ ເປັນເຈົ້າພາບ ໃນຫົວຂໍ້: ( ວຽກງານ ສັງຄົມ - ສົງເຄາະ), ກອງປະຊຸມໄດ້ຮັບຟັງບົດສະຫຼຸບລາຍງານການຈັດຕັ້ງປະຕິບັດ ວຽກງານແຮງງານ ແລະ ສະຫວັດດີການສັງຄົມ ຫົວຂໍ້: ວຽກງານສັງຄົມ  ສົງເຄາະ ໄລຍະ 01ປີຜ່ານມາ ປີ 2017 ແລະ ທິດທາງແຜນການຄາດໝາຍສູ້ຊົນປະຈໍາປີ 2018, ຈາກທ່ານ ຫົວໜ້າພະແນກ, ຮອງພະແນກ ຜູ້ຊີ້ນຳ ວຽກງານສັງຄົມສົງ ເຄາະ 04 ແຂວງ, ເຊີ່ງໄດ້ຍົກໃຫ້ເຫັນບາງບັນຫາທີ່ພົ້ນເດັ່ນ,ດ້ານດີ, ດ້ານອ່ອນ ແລະ ຂໍ້ຄົງຄ້າງ ແລະ ວິທີການແກ້ໄຂໃນຕໍ່ໜ້າ.

ຂ່າວສານອື່ນໆ