ຈີນ-ອາເມລິກາ ເລີ່ມເຈລະຈາສະຫງົບເສິກການຄ້າ

04-05-2018, 13:49 173

ຕົວແທນຝ່າຍສະຫະລັດນຳໂດຍ ທ່ານສະຕີເຟນ ມະນູຊິນລັດຖະມົນຕີວ່າການກະຊວງການຄ້າ ຫຼັງທ່ານວິລເບີ ຮອງ ລັດຖະມົນຕີວ່າການກະຊວງການ ທ່ານໂຣເບີດ ໄລຣິເຊີ ຜູ້ແທນການຄ້າ ທ່ານລາຮີ ຄຸດໂລ ຮອງປະທານດ້ານນະໂຍບາຍເສດຖະກິດ ແລະທ່ານປີເຕີ ນາວາໂຮ ຮອງປະທານດ້ານນະໂຍບາຍການຄ້າແລະອຸດສາຫະກຳ ເຂົ້າພົບປະເຈລະຈາກັບ ທ່ານຕີລິ່ວ ເຫີ ຮອງລັດຖະມົນຕີກະຊວງການຄ້າຈີນ ທີ່ນະຄອນປັກກິ່ງ ເພື່ອແລກປ່ຽນເລື່ອງການຄ້າ ແລະເສດຖະກິດລະຫ່ວາງສະຫະລັດກັບຈີນ ເປັນເວລາ 2 ມື້ ຊ່ວງວັນທີ່ 4-5 ພຶດສະພານີ້ ຖືເປັນການປະຊຸມລະດັບສູງຂອງທັງສອງຝ່າຍເປັນຄັ້ງແລກ ນັບແຕ່ເກີດຄວາມຕຶງຄຽດເມື່ອເດືອນມີນາຈົນຫວັ່ນວ່າຈະກ່າຍເປັນສົງຄາມການຄ້າ

ບົດຄວາມໃນໜັງສືພິມ ໄຊນ່າ ເດລີ ຂອງຈີນລາຍງານວ່າ ຈີນຕ້ອງການໃຫ້ການເຈລະຈາຄັ້ງນີ້ບັງເກີດຜົນໃນເຊິງແກ້ໄຂເພື່ອເດີນໜ້າຕໍ່ໄປ ຫາກສະຫະລັດຕ້ອງການຮັບຟັງແລະເຈລະຈາດ້ວຍຢ່າງແທ້ຈິງ ດ້ານໜັງສືພິມ ໂກລບອລ ໄທສ ກໍ່ຫວັງວ່າການເຈລະຈາຄັ້ງນີ້ຈະເປັນການເລີ່ມຕົ້ນແກ້ໄຂບັນຫາຄວາມຂັດແຍ່ງຮ່ວມກັນ ຂະນະທີ່ກຳນົດການເພີ່ມພາສີສິນຄ້າສົ່ງອອກຂອງຈີນໄປຍັງສະຫະລັດຕາມ “ມາດຕາ 301” ວ່າດ້ວຍເລື່ອງການລັກສັບສິນທາງປັນຍາ ຈະມີຜົນໃນເດືອນ ມີນານີ້ ຫຼັງໜົດຊ່ວງການເຈລະຈາ 60 ມື້ ສ່ວນລັດຖະບານສະຫະລັດ ກຽມອອກຄຳສັ່ງພິເສດຈຳກັດການຊື້ຂາຍອຸປະກອນອີເລັກໂທນິກດ້ານການສື່ສານກັບ ບໍລິສັດຂອງຈີນ ຊື່ງຄາດວ່າມຸ່ງໜ້າເປົ້າໄປທີ່ບໍລິສັດ ຫົວເຫວີຍກັບບໍລິສັດແຊັດທີອີ

ຂອບ​ໃຈ ສຳ​ນັກ​ຂ່າວ​ເອ​ບີ​ຊີ​ລາວ

ຂ່າວສານອື່ນໆ