ກອງປະຊຸມຝຶກອົບຮົມ ການສ້າງຄວາມເຂັ້ມແຂງ ວຽກງານ ແຜນການ ແລະ ການຮ່ວມມືສາກົນ

28-06-2017, 09:29 317

ໃນລະຫວ່າງ ວັນທີ22-23 ມິຖຸນາ 2017ນີ້ ທີ່ ແຂວງຊຽງຂວາງ, ໄດ້ມີໄດ້ເປີດຊຸດຝືກອົບຮົມ ການສ້າງຄວາມເຂັ້ມແຂງວຽງານແຜນການ ແລະ ການຮ່ວມມືສາກົນ ໃຫ້ກັບພະນັກງານ-ລັດຖະກອນຂະ ແໜງແຮງງານ ແລະ ສະຫວັດດີການສັງຄົມ( ຮສສ ) 8 ແຂວງພາກເໜືອ. ໂດຍການເປັນປະທານຮ່ວມກ່າວເປີດຂອງ ທ່ານ ນ. ໃບຄຳ ຂັດທິຍະ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ແລະ ທ່ານ ຮອງເຈົ້າແຂວງຊຽງຂວາງ, ມີບັນດາ ຫົວໜ້າກົມ, ຫົວໜ້າພະແນກ, ຮອງພະແນກ, ຕ່າງໜ້າຈາກບັນດາຫ້ອງການເມືອງ ຮສສ 8ແຂວງເຂົ້າຮ່ວມ.
ຊຸດຝຶກອົບຮົມດັ່ງກ່າວ ທ່ານ ນ. ໃບຄຳ ຂັດທິຍະ ຮອງລັດຖະມົນຕີ ກະຊວງ ຮສສ ໄດ້ກ່າວວ່າ: ໄລຍະຜ່ານມາເຫັນວ່າແຜນພັດທະນາສີມືແຮງງານ ແລະ ສະຫວັດດີການສັງຄົມ ໄດ້ຮັບຜົນສຳເລັດຫຼາຍດ້ານກໍຕາມ ແຕ່ຍັງມີບາງດ້ານຍັງມີລັກສະນະບໍ່ທັນລວມສູນ, ບໍ່ທັນສອດຄ່ອງລະຫວ່າງ ສູນກາງກັບທ້ອງຖິ່ນ, ບໍ່ທັນຕອບສະໜອງຄວາມຮຽກຮ້ອງຕ້ອງການຂອງວຽກງານ ເຊິງເຮັດໃຫ້ຄາດໝາຍສູ້ຊົນ ແລະ ຕົວຊີ້ວັດຈຳນວນໜຶ່ງບໍ່ສຳເລັດຕາມແຜນການ ລວມທັງໂຄງການແລະ ກິດຈະກຳ ຈຳນວນໜຶ່ງ, ຜ່ານການປະເມີນຜົນເຫັນວ່າ ຍັງບໍ່ມີຄວາມແທດເໝາະ ດ້ານວິຊາການ ທີ່ຍັງບໍ່ຕິດພັນກັບການຊຸກຍູ້ ໃນການບັນລຸຄາດໝາຍສູ້ຊົນ ແລະ ຕົວຊີ້ວັດທີ່ກຳນົົດໄວ້.
ວຽກງານແຮງງານ ແລະ ສະຫວັດດີການສັງຄົມ ເປັນວຽກທີ່ມີຄວາມສຳຄັນຫຼາຍ ຕິດພັນກັບຜົນປະໂຫຍດຂອງພົນລະເມືອງທຸກໆຄົນ , ເຮັດໃຫ້ສັງຄົມມີຄວາມສະເໝີພາບ , ເສີມຂະຫຍາຍແນວທາງຂອງພັກ, ຖ້າກຳລັງແຮງງານໄດ້ຮັບການພັດທະນາ, ມີວຽກເຮັດງານທຳທີ່ດີ ແລະ ມີລະບົບສະຫວັດດີການ ມີຫລັກຄ້ຳປະກັນຊີວິດ ຈະເຮັດພົນລະເມືອງຫຼຸດພົ້ນອອກຈາກຄວາມທຸກຍາກ. ການວາງແຜນການທີ່ດີແມ່ນຫຼັກການສຳຄັນຂອງການບໍລິຫານແລະຄຸ້ມຄອງວຽກງານໃຫ້ສຳເລັດລຸງລ່ວງໄປດ້ວຍດີ.
ຈາກນັ້ນ ພາຍຫຼັງຜູ້ເຂົ້າຮ່ວມໄດ້ຮັບຟັງການສະເໜີ ເອກະສານດ້ານວິຊາການ ໃນແຕ່ລະຫົວຂໍ້ແລ້ວ ນັກສຳມະນາກອນ ທັງໝົດກໍໄດ້ພ້ອມກັນແລກປຽ່ນ ຄຳຄິດ ຄຳເຫັນ ຮ່ວມກັນ ຢ່າງກົງໄປກົງມາ ເລິກເຊິ່ງ ແລະ ກວ້າງຂວາງ ສາມາດນຳໄປຈັດຕັ້ງປະຕິບັດໃຫ້ມີປະສິດທິຜົນດີຂື້ນ./

( ຂ່າວ: ນ. ເພັດສະໄໝ )

ຂ່າວສານອື່ນໆ