ກອງ​ປ​ະ​ຊຸມ​ຝຶກ​ອົບ​ຮົມ ​ວຽກ​ງານ​ສະ​ຖິ​ຕິ ທົ່ວ​ປະ​ເທດ ຂອງ ຂະ​ແໜງ ຮ​ສ​ສ

26-02-2018, 10:05 647

ກອງ​ປະ​ຊຸມ​ຝຶກ​ອົບ​ຮົມ ວຽກ​ງານ​ສະ​ຖິ​ຕິ ທົ່ວ​ປະ​ເທດ ຂອງ ຂະ​ແໜງ ຮ​ສ​ສ ໄດ້​ຈັດ​ຂື້ນ​ໃນ​ວັນ​ທີ 21-22 ກຸມ​ພາ 2017 ໂດຍ​ການ​ເປັນ​ປະ​ທານ​ຂອງ​ທ່ານ ນາງ ໃບ​ຄຳ ຂັດ​ທິ​ຍະ ຮອງ​ລັດ​ຖະ​ມົນ​ຕີ ກະ​ຊວງ ຮ​ສ​ສ ມີ​ຜູ້​ເຂົ້າ​ຮ່ວມ​ ຈາກ ພະ​ແນກ ຮ​ສ​ສ ແຂວງ-ນ​ະ​ຄອນ​ຫລວງວຽງ​ຈັນ, ຫ້ອງ​ການ ຮ​ສ​ສ ເມືອງ ຂອງ​ສອງ​ແຂວງ​ຄື: ນະ​ຄອນ​ຫລວງວຽງ​ຈັນ, ແຂວງ ວຽງ​ຈັນ, ບັນ​ດາ​ກົມ, ຫົວ​ໜ່ວຍວ​ິ​ຊາ​ການ ອ້ອມ​ຂ້າງ​ກະ​ຊວງ ທັງ​ໝົດ 76 ທ່ານ, ຍີງ 20.

ກອງ​ປະ​ຊຸມ​ຄັ້ງ​ນີ້​ໄດ້​ມີ​ການ​ທົບ​ທວນ​ຄືນ​ຜົນ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ສະ​ຖິ​ຕິ ຂອງ​ຂະ​ແໜງ ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ໃນ​ໜື່ງ​ປີ​ຜ່ານ​ມາ ແລະ ທິດ​ທາງ ແລະ ແຜນ​ການ​ໃນ​ຕໍ່​ໜ້າ, ພ້ອມ​ທັງ​ຝຶກ​ການ​ນຳ​ໃຊ້​ຖານ​ຂໍ້​ມູນ​ອອນ​ໄລ​ທີ່​ໄດ້​ຮັບ​ການ​ປັບ​ປຸງໃໝ່ ແລະ ຂະ​ຫ​ຍາຍ​ການ​ນຳ​ໃຊ້ ໃຫ້​ຫ້ອງ​ການ ແຮງ​ງານ ແລະ ສະ​ຫວັດ​ດ​ີ​ການ​ສັງ​ຄົມ ເມືອງ ໃນ​ຂ​ອ​ບ​ເຂດ​ທົ່ວ​ປະ​ເທດ.

ວຽກ​ງານ​ສະ​ຖິ​ຕິ ຂອງ​ຂະ​ແໜງ​ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ ຕ​ອ້ງ​ເອົາ​ໃຈ​ໃສ່​ແຕ່​ລະ​ບັນ​ຫາ​ດັ່ງ​ນີ້:

1. ວຽກ​ງານ​ສະ​ຖິ​ຕິ ແມ່ນ​ມີ​ຄວາມ​ສຳ​ຄັນ ຕໍ່​ກັບ​ແຜນ​ພັດ​ທະ​ນາ ວຽກ​ງານ ແຮງ​ງານ ແລະ ສະ​ຫວັດ​ດີ​ກາ​ນ​ສັງ​ຄົມ ເປັນ​ແຕ່​ລະ​ໄລ​ຍະ;

2. ການ​ສະ​ໜອງ​ຂໍ້​ມູນ​ທີ່​ຕິດ​ພັນ​ກັບ ຂະ​ແໜງ ແຮງ​ງານ ແລະ ສະ​ຫວັດ​ດີ​ກາ​ນ​ສັງ​ຄົມ ເປັນ​ຕົ້ນ​ແມ່ນ ຕົວຊີ້​ວັດ​ການ​ພັດ​ທະ​ນາ​ແບບ​ຢືນ​ຍົງ (SDGs), ຕົວ​ຊີ້​ວັດ​ປະ​ຊາ​ຄົມ ເສດ​ຖະ​ກິດ ແລະ​ ສັງ​ຄົມ ອາຊຽນ, ຕົວ​ຊີ້​ວັດ​ກອບ​ການ​ຕິດ​ຕາມ​ປະ​ເມີນ​ຜົນ​ແຜນ​ພັດ​ທະ​ນາ​ເສດ​ຖະ​ກິ-ສັງ​ຄົມ ແຫ່ງ​ຊາດ ຄັ້ງ​ທີ 8 (20116-2020);

3. ໃຫ້​ບັນ​ດາ​ກົມ, ຫົວ​ໜ່ວຍ​ວິ​ຊາ​ການ​ອ້ອມ​ຂ້າງ​ສູນ​ກາງ ແລະ ພະ​ແນກ ຮ​ສ​ສ ແຂວງ - ນະ​ຄອນ​ຫລວງວຽງ​ຈັນ ເອົາ​ໃຈ​ໃສ່​ສະ​ໜອງ​ຂໍ້​ມູນ​ທີ່​ປະ​ຕິ​ບັດ​ບໍ່​ທັນ​ໄດ້ ພ​້ອມ​ທັງ​ນຳ​ໃຊ້​ຖານ​ຂໍ້​ມູນ​ອອນ​ລາຍ ໃນ​ການ​ລາຍ​ງານ​ຂໍ້​ມູນ;

4. ບໍ່​ໃຫ້​ມີ​ການ​ສັບ​ປ່ຽນ, ຍົກ​ຍ້າຍ ຜູ້​ປະ​ສານ​ງານ​ສະ​ຖິ​ຕິ ຢູ່​ບັນ​ດາ​ກົມ, ຫົວ​ໜ່ວຍ​ວິ​ຊ​າ​ການ, ພະ​ແນກ ຮ​ສ​ສ ແຂວງ-ນະ​ຄອນ​ຫລວງວຽງ​ຈັນ ແລະ ຫ້ອງ​ການ ຮ​ສ​ສ ເມືອງ ໃນ​ຂອບ​ເຂດ​ທົ່ວ​ປ​ະ​ເທດ ເລື້ອຍໆ, ຖ້າ​ມີ​ຄວາມ​ຈຳ​ເປັນ​​ໃນ​ການ​ຍົກ​ຍ້າຍ ຕ້ອງ​ໄດ້​ຝຶກ​​ໃຫ້​ຜູ້​ມາ​ຮັບ​ຜິດ​ຊອບ​ແທນ;

5. ຕ້ອງ​ໄດ້​ມີ​ການ​ປຶກ​ສາ​ຫາ​ລື ແລກ​ປ່ຽນ​ບົດ​ຮຽນ ແລະ ພ້ອມ​ກັນ​ແກ້​ໄຂ​ບັນ​ຫາ​ຂໍ້​ມູນ​ຫ​ຍຸ້ງ​ຍາກ, ຂໍ້​ຄົງ​ຄ້າງ​ຕ່າງໆ ເພື່ອ​ໃຫ້​ວຽກ​ງານ​ສະ​ຖ​ິ​ຕິ ຂອງ ຂະ​ແໜງ ຮ​ສ​ສ ໃຫ້​ການ​ຂະ​ຫ​ຍາຍ​ຕົວ ແລະ ມີ​ບາດ​ກ້າວ​ໃໝ່ ທີ່​ດີ​ຂື້ນ​ໄປ​ເລື້ອຍ.

 

ພະ​ແນກ​ສະ​ຖິ​ຕິ

ຂ່າວສານອື່ນໆ