MOLSW NEWS

ສືບຕໍ່ຈັດຕັ້ງປະຕິບັດ " ເງິນຊ່ວຍເຫຼືອການປິ່ນປົວ ແລະ ອຸດຫນູນຜູ້ຖືກເຄາະຮ້າຍຈາກລະເບີດບໍ່ທັນແຕ່ທີ່ຕົກຄ້າງ ຢູ່ ສປປລາວ

04-07-2020, 14:15 2569

ສືບຕໍ່ຈັດຕັ້ງປະຕິບັດ " ເງິນຊ່ວຍເຫຼືອການປິ່ນປົວ ແລະ ອຸດຫນູນຜູ້ຖືກເຄາະຮ້າຍຈາກລະເບີດບໍ່ທັນແຕ່ທີ່ຕົກຄ້າງ ຢູ່ ສປປລາວ

ເພື່ອສືບຕໍ່ຈັດຕັ້ງປະຕິບັດ " ເງິນຊ່ວຍເຫຼືອການປິ່ນປົວ ແລະ ອຸດຫນູນຜູ້ຖືກເຄາະຮ້າຍຈາກລະເບີດບໍ່ທັນແຕ່ທີ່ຕົກຄ້າງ ຢູ່ ສປປລາວ . ໃນວັນທີ 3 ກໍລະກົດ 2020ນີ້, ໄດ້ມີພິທີເຊັນບົດບັນທືກຂໍ້ຕົກລົງ ໂດຍ ທ່ານ ໂຈມແຍງ ແພງທອງສະຫວັດ ຫົວໜ້າຫ້ອງການ ຄະນະກໍາມະການຄຸ້ມຄອງແຫ່ງຊາດເພື່ອແກ້ໄຂບັນຫາ (ຄຊກລ) ແລະ ທ່ານ ນ. Sarah Bruinooge ( ຊາຣ່າ ບູຣນາກີ) ຜູ້ຕາງໜ້າອົງການ World Education , ເປັນກຽດເຂົ້າຮວ່ມ ຂອງ ທ່ານ Colin Crosby ອຸປະທູດສະຫະລັດອາມລິກາ ປະຈຳ ລາວ ແລະ ພ້ອມດວ້ມພາກສວ່ນກຽ່ວຂ້ອງເຂົ້າຮວ່ມ.

ໂຄງການຈັດຕັ້ງປະຕິບັດຊວ່ຍເຫຼືອເງິນດັ່ງກ່າວ, ເປັນເວລາ 2 ປີ (ນັບແຕ່ປີ 2020-2012) ຈໍານວນ 100,000 ໂດລາ ສະຫະລັດ ໂດຍທຶນສະຫນັບສະຫນູນ ຈາກລັດຖະບານສະຫະລັດອາເມລິກາ, ເປົ້າໝາຍເງິນແມ່ນ ການຊ່ວຍເຫຼືອນີ້ ຜູ້ຖືກເຄາະຮ້າຍຈາກລະເບີດບໍ່ທັນແຕກ ທີ່ຕົກຄ້າງໃນ ສປປ ລາວ ເຂົ້າເຖິງການປິ່ນປົວທາງດ້ານການແພດໃນເວລາເກີດອຸບັດຕິເຫດ ແລະ ໃນໄລຍະຍາວ, ການບໍລິການດ້ານທັນຕະແພດ, ອຸປະກອນເຄື່ອງຊ່ວຍ, ອັດຕາກິນໃຫ້ແກ່ຄົນເຈັບ ແລະ ຄອບຄົວຄົນເຈັບໃນ ເວລາປິ່ນປົວຢູ່ໂຮງຫມໍ, ປະກອບສ່ວນສໍາລັບພິທີທາງສາດສະຫນາ ຫຼື ປະກອບສ່ວນງານຊາປະນະກິດສົບ.

ວຽກງານດັ່ງກ່າວ ແມ່ນໄດ້ດໍາເນີນວຽກງານຢູ່ໃນ ສປປ ລາວ ເລີ່ມແຕ່ປີ 1996 ເປັນຕົ້ນມາ ອົງການເວີລເອດຢູເຄຊັນ World Education ໄດ້ເຮັດວຽກເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ໃນ ສປປ ລາວ ເພຶ່ອເສີມສ້າງຄວາມອາດສາມາດໃຫ້ລະບົບສາທາລະນະສຸກ ແລະ ການໃຫ້ຄວາມຮູ້ກ່ຽວກັບອັນຕະລາຍ ຈາກລະເບີດບໍ່ທັນແຕກ ໂດຍຜ່ານທີມງານຊ່ວຍເຫຼືອຜູ້ຖືກເຄາະຮ້າຍຈາກລະເບີດບໍ່ທັນແຕກ, ນັບແຕ່ປີ 2014-2017 ອົງການໄດ້ຊ່ວຍເຫຼືອຜູ້ລອດຊີວິດຈາກອຸບັດຕິເຫດ ລບຕ ຈໍານວນ 200 ຄົນ , ການຊ່ວຍເຫຼືອດ້ານຈິດຕະສັງຄົມ ແລະ ການຝຶກອົບຮົມວິຊາຊີບ, ໂດຍຜ່ານໂຄງການໃຫ້ຄວາມຮູ້ກ່ຽວກັບອັນຕະລາຍ ຈາກລະເບີດບໍ່ທັນແຕກ ປີ 2018-2021,

ອົງການເວີລດເອດຢູເຄຊັ້ນ ກໍາລັງສະຫນັບສະຫນຸນລັດຖະບານລາວໃນການເຊື່ອມສານ ຫຼັກສູດການໃຫ້ຄວາມຮູ້ກ່ຽວກັບອັນຕະລາຍຈາກລະເບີດບໍ່ທັນແຕກເຂົ້າໃນຫຼັກສຸດແຫ່ງຊາດ, ສາມາດເຮັດໃຫ້ເດັກນ້ອຍຫຼາຍກວ່າ 500,000 ຄົນ ໄດ້ຮັບຄວາມຮູ້ກ່ຽວກັບຄວາມປອດໄພຈາກລະເບີດບໍ່ທັນແຕກ ແລະ ມາເຖິງປະຈຸບັນມີຜູ້ຖືກເຄາະຮ້າຍ ຈໍານວນ 1,058 ຄົນ ແລະ ຄອບຄົວຂອງພວກເຂົາໄດ້ຮັບການຊ່ວຍເຫຼືອຈາກເງິນທຶນດັ່ງກ່າວນີ້.

( ຂ່າວສານຮສສ: ເພັດສະໄໝ)

ຂ່າວສານອື່ນໆ

ຂ່າວໃໝ່

Shares On Social

ຂ່າວສານອື່ນໆ