MOLSW NEWS

ອົງການ KOICA ມອບອຸປະກອນການແພດ ແລະ ເຄື່ອງບໍລິໂພກໃຫ້ແກ່ສະຖາບັນພັດທະນາສີມືແຮງງານ ລາວ-ເກົາຫລີ.

18-05-2020, 16:10 1785

ອົງການ KIOCA ມອບອຸປະກອນການແພດ ແລະ ເຄື່ອງບໍລິໂພກໃຫ້ແກ່ສະຖາບັນພັດທະນາສີມືແຮງງານ ລາວ-ເກົາຫລີ.

ວັນທີ 18 ພຶດສະພາ 2020ນີ້, ຢູ່ທີ່ສະຖາບັນພັດທະນາສີມືແຮງງານ ລາວ-ເກົາຫລີ ໄດ້ມີພິທີ ມອບ-ຮັບເຄື່ອງຊ່ວຍເຫລືອ ການແພດ ແລະ ເຄື່ອງບໍລິໂພກ ຈາກອົງການ KOICA ມອບໃຫ້ແກ່ ສະຖາບັນພັດທະນາສີມືແຮງງານ ລາວ-ເກົາຫລີ, ຊຶ່ງເຄື່ອງທີ່ນຳມາຊ່ວຍເຫລືອດັ່ງກ່າວເຊັ່ນ: ຜ້າອັດປາກ-ອັດດັງ, ເຈວລ້າງມື , ເຄື່ອງວັດແທກອຸນະພູມ, ພ້ອມດວ້ຍອາຫານແຫ້ງເຊັ່ນ: ໝີ່, ປ໋ອງປາ ແລະ ນົມ ລວມມູນຄ່າທັງໝົດ 284 ລ້ານກວ່າກີບ . ເພື່ອຊວ່ຍເຫຼືອ ນ້ອງນັກຮຽນ ແລະ ຄູອາຈານ ໃນສະຖາບັນດັ່ງກ່າວ, ເຂົ້າໃນການປ້ອງກັນ ພະຍາດອັກເສບປອດ ສາຍພັນໃຫມ່ ຫລືໄວຣັດໂຄວິດ-19(COVID-19), ໂດຍເປັນກຽດເຂົ້າຮວ່ມຂອງ ທ່ານ ຊິນ ຊອງຊຸນ (Mr Shin Sung-Soon) ເອກອັກຄະຣັດສະທູດ ສ.ເກົາຫລີ ປະຈຳ ສປປ ລາວ . ກ່າວມອບໂດຍແມ່ນ ທ່ານ ຊັງ ຊູໂອ(Mr Sungsoo OH) ຜູ້ຕາງໜ້າອົງການ KOICA ປະຈຳ ລາວ ແລະ ມີຄຳເຫັນກ່າວຮັບໂດຍ ທ່ານ ປອ ບຸນມາ ສິດທິໂສມ ຫົວໜ້າສະຖາບັນພັດທະນາສີມືແຮງງານ ລາວ-ເກົາຫລີ ພ້ອມຄະນະ ທັງສອງຝ່າຍເຂົ້າຮວ່ມ.

ໄດ້ຍົກໃຫ້ເຫັນຜົນກະທົບອັນຮ້າຍແຮງຂອງພະຍາດອັກເສບປອດສາຍພັນໃຫມ່ (COVID-19) ທີ່ກຳລັງແພ່ລະບາດເປັນວົງກວ້າງໃນທົ່ວໂລກ, ພ້ອມດຽວກັນນັ້ນຍັງໄດ້ຕີລາຄາສູງຕໍ່ຜົນສຳເລັດອັນໃຫຍ່ຫລວງຂອງພັກ, ລັດຖະບານ ແລະ ປະຊາຊົນຫວຽດນາມຍາດມາໄດ້ໃນການສະກັດກັ້ນ, ຢັບຢັ້ງ, ຈຳກັດພະຍາດທີ່ຮ້າຍແຮງດັ່ງກ່າວ, ຊຶ່ງຫວຽດນາມໄດ້ກາຍເປັນແວ່ນແຍງ ແລະ ໄດ້ຮັບການຍ້ອງຍໍຊົມເຊີຍຈາກບັນດາປະເທດໃນໂລກ.

ເຖິງແມ່ນວ່າຫວຽດນາມຍັງປະສົບກັບຄວາມຍຸ້ງຍາກ ແລະ ໄດ້ຮັບຜົນກະທົບຈາກການລະບາດພະຍາດໂຄວິດ-19 ກໍ່ຕາມ, ແຕ່ຫວຽດນາມຍັງໄດ້ບິແບ່ງຊ່ວຍເຫລືອ ທັງວັດຖຸອຸປະກອນການແພດ ແລະ ບົດຮຽນ, ໃນການຕ້ານ ແລະ ສະກັດກັ້ນພະຍາດດັ່ງກ່າວໃຫ້ບັນດາປະເທດຊຶ່ງໃນນັ້ນມີ ສປປ ລາວ ຂອງພວກເຮົາ.
ໃນໂອກາດນີ້, ທ່ານ ປອ ບຸນມາ ສິດທິໂສມ ຫົວໜ້າສະຖາບັນພັດທະນາສີມືແຮງງານ ລາວ-ເກົາຫລີໄດ້ສະແດງຄວາມຮູ້ບຸນຄຸນ ແລະ ຂອບໃຈຢ່າງຈິງໃຈ ມາຍັງອົງການ KOICA ປະຈຳ ລາວ, ກໍຄື ລັດຖະບານ ສ.ເກົາຫລີ ທີ່ໄດ້ໃຫ້ການຊ່ວຍເຫລືອອຸປະກອນການແພດ ແລະ ເຄື່ອງບໍລິໂພກໃນຄັ້ງນີ້ ແລະ ໄດ້ຢືນຢັນວ່າອຸປະກອນການແພດ ແລະ ເຄື່ອງບໍລິໂພກ ທີ່ໄດ້ຮັບການຊ່ວຍ ເຫລືອຄັ້ງນີ້, ຈະນຳໄປແຈກຢາຍໃຫ້ກັບ ນ້ອງນັກຮຽນ ແລະ ຄູອາຈານ ໃນສະຖາບັນ ແລະ ພ້ອມທັງນຳໃຊ້ເຂົ້າໃນການສະກັດກັ້ນ ແລະ ຕ້ານພະຍາດໂຄວິດ - 19 ຢູ່ໃນສະຖານທີ່ການສືກສາ ໃຫ້ມີປະສິດທິຜົນສູງສຸດ.

( ຂ່າວສານ ຮສສ: ເພັດສະໄໝ)

ລາວເຂົ້າຮວ່ມກອງປະຊຸມທາງໄກ ຂອງ ຄະນະກຳມະການຄຸ້ມຄອງໄພພິບັດອາຊຽນ ຄັ້ງທີ 36 ແລະກອງປະຊຸມປິ່ນອ້ອມ ທີ່ປະເທດຟີລິບປິິນ ເປັນເຈົ້າພາບ.

11-08-2020, 13:05 6889

ອົງການ KOICA ມອບອຸປະກອນການແພດ ແລະ ເຄື່ອງບໍລິໂພກໃຫ້ແກ່ສະຖາບັນພັດທະນາສີມືແຮງງານ ລາວ-ເກົາຫລີ.

ຂ່າວສານອື່ນໆ

ຂ່າວໃໝ່

ອົງການ KOICA ມອບອຸປະກອນການແພດ ແລະ ເຄື່ອງບໍລິໂພກໃຫ້ແກ່ສະຖາບັນພັດທະນາສີມືແຮງງານ ລາວ-ເກົາຫລີ.

Shares On Social

ຂ່າວສານອື່ນໆ