28-03-2023, 11:06 857
ເບີໂທລະສັບ: +85621 2130 03/2227 77, ອີເມວ: suthanu1974@gmail.com
ສຳເລັດກອງປະຊຸມໃຫຍ່ ຂອງໜ່ວຍພັກ ອົງການປະກັນສັງຄົມ ແຫ່ງຊາດ ຄັ້ງທີ I
18-07-2020, 15:27 2912
ສຳເລັດກອງປະຊຸມໃຫຍ່ ຂອງໜ່ວຍພັກ ອົງການປະກັນສັງຄົມ ແຫ່ງຊາດ ຄັ້ງທີ I .
ກອງປະຊຸມໃຫຍ່ ຂອງໜ່ວຍພັກ ອົງການປະກັນສັງຄົມ ແຫ່ງຊາດ ຄັ້ງທີ I ,ໄດ້ໄຂຂຶ້ນໃນຕອນເຊົ້າຂອງວັນທີ 17 ກໍລະກົດ 2020ນີ້ , ເຊິ່ງໄດ້ດຳເນີນເປັນເວລາ ເຄິ່ງວັນ, ທີ່ຫ້ອງປະຊຸມດັ່ງກ່າວ , ໂດຍເປັນກຽດເຂົ້າຮວ່ມ ຂອງ ສະຫາຍ ປອ ຄຳແພງ ໄຊສົມແພງ, ກໍາມະການສູນກາງພັກ, ເລຂາຄະນະພັກກະຊວງ ຮສສ, ໂດຍພາຍໃຕ້ການເປັນປະທານ ຂອງ ສະຫາຍ ນ. ແກ້ວ ຈັນທະວີໄຊ ເລຂາໜ່ວຍພັກ ອົງການປະກັນສັງຄົມ ແຫ່ງຊາດ, ມີບັນດາ ສະຫາຍ ເລຂາ, ຮອງເລຂາໜ່ວຍພັກ ມີບັນດາ ໜວ່ຍພັກອອ້ມຂ້າງ 11 ໜວ່ຍພັກ, ໜວ່ຍພັກຮາກຖານ, ສາມອົງການຈັດຕັ້ງມະຫາຊົນ, ສະມາຊິກພັກສົມບູນ ແລະ ສໍາຮອງຂອງໜ່ວຍພັກອົງການປະກັນສັງຄົມ ແຫ່ງຊາດ ເຂົ້າຮວ່ມຢ່າງພ້ອມພຽງ.
ກອງປະຊຸມໃຫຍ່ ຂອງໜ່ວຍພັກ ອົງການປະກັນສັງຄົມ ແຫ່ງຊາດຄັ້ງທີ I, ຍັງໄດ້ພ້ອມກັນຄົ້ນຄວ້າ ແລະ ປະກອບຄຳເຫັນເອກະພາບກັນ ແລະ ຮັບຮອງເອົາບົດລາຍງານການເມືອງ ແລະ ບົດສຳຫຼວດການນຳພາຂອງຄະນະໜ່ວຍພັກຊຸດເກົ່າ, ເປັນເອກະພາບກັນຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ ແລະ ບົດຮຽນໃນການຊີ້ນຳ-ນຳພາ, ການຈັດຕັ້ງປະຕິບັດ, ມະຕິອົງຄະນະພັກກະຊວງ ແລະ ແຜນການລວມ ຂອງໜ່ວຍພັກໃນໄລຍະຜ່ານມາ. ພ້ອມນີ້, ກອງປະຊຸມຍັງໄດ້ເປັນເອກະພາບກັນ ແລະ ລົງປະຊາມະຕິ ຮັບຮອງເອົາທິດທາງແຜນການ 05 ປີ ນັບແຕ່ ປີ 2020 ຮອດປີ 2025 ຊຶ່ງມີເນື້ອໃນຕົ້ນຕໍລຸ່ມນີ້:
1). ຄົ້ນຄວ້າເຊື່ອມຊຶມແນວທາງ, ນະໂຍບາຍ, ກົດລະບຽບຂອງພັກ ແລະ ກົດໝາຍຂອງລັດ, ຫັນມະຕິຄຳສັ່ງ ຂອງອົງຄະນະພັກກະຊວງເປັນແຜນການ, ໂຄງການຂອງຕົນ, ຄົ້ນຄວ້າມະຕິ, ວິທີການຈັດຕັ້ງປະຕິບັດ ເພື່ອນຳພາການປະຕິບັດໜ້າທີ່ການເມືອງຢູ່ໜ່ວຍພັກໃຫ້ຖືກຕ້ອງ.
2). ສືບຕໍ່ປັບປຸງແບບແຜນວິທີນຳພາ ແລະ ວິທີເຮັດວຽກໂດຍຢືດໝັ້ນການປະຕິບັດຫລັກການລວມສູນປະຊາທິປະໄຕ, ແບ່ງງານໃຫ້ບຸກຄົນຮັບຜິດຊອບ, ຄົ້ນຄວ້າຕົກລົງບັນຫາສຳຄັນຂອງໜ່ວຍພັກ ບົນພື້ນຖານມະຕິ, ກົດລະບຽບຂອງພັກ ແລະ ກົດໝາຍຂອງລັດ, ມີການປະສານສົມທົບຢ່າງກົມກຽວລະຫວ່າງການນຳພາຂອງໜ່ວຍພັກກັບການເສີມບົດບາດ, ສິດ ແລະ ໜ້າທີ່ ໃນການບໍລິຫານວຽກງານຫ້ອງການ ດ້ວຍຄວາມເປັນເຈົ້າການ ແລະ ປະດິດສ້າງໃຫ້ມີຄຸນນະພາບດີກວ່າເກົ່າ.
3). ສູ້ຊົນຈັດຕັ້ງປະຕິບັດແຜນການສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຂອງຕົນ ໂດຍສູ້ຊົນສ້າງໃຫ້ມີສະມາຊິກພັກແຂງ 70% ຂຶ້ນໄປຂອງຈໍານວນສະມາຊິກພັກທັງໝົດ, ສູ້ຊົນບໍ່ໃຫ້ມີສະມາຊິກພັກອ່ອນ ແລະ ເສຍທາດຂາດຄຸນ. ດຳເນີນຊີວິດການເມືອງຕີລາຄາແບ່ງປະເພດສະມາຊິກພັກໃນແຕ່ລະປີໃຫ້ທັນເວລາ.
4). ເອົາໃຈໃສ່ຊີ້ນໍາໆພາ ແລະ ຊຸກຍູ້ບັນດາອົງການຈັດຕັ້ງມະຫາຊົນໃຫ້ເຄື່ອນໄຫວຖືກຕ້ອງຕາມ ພາລະບົດບາດຂອງຕົນ;ສ້າງເງື່ອນໄຂເອື້ອອໍານວຍຄວາມສະດວກໃຫ້ແຕ່ລະອົງການໄດ້ມີການເຄື່ອນໄຫວສ້າງຂະບວນ ການຕ່າງໆເພື່ອແຂ່ງຂັນ ສ້າງຜົນງານຂໍ່ານັບຮັບຕ້ອນວັນສໍາຄັນຕ່າງໆ ຂອງພັກ, ຂອງຊາດ ໃຫ້ມີບັນຍາກາດດີ.
5). ສຶກສາອົບຮົມສະມາຊິກພັກເປັນເຈົ້າການໃນການປະຕິບັດ 5 ໜ້າທີ່ຂອງສະມາຊິກພັກ ທີ່ກຳນົດໄວ້ໃນກົດລະບຽບຂອງພັກຢ່າງເຂັ້ມງວດ, ດໍາເນີນຊີວິດການເມືອງປະຈຳເດືອນ ແລະ ທາບທາມລົງຄະແນນສຽງຄວາມເຊື່ອໝັ້ນໄວ້ວາງໃຈ ຕໍ່ບຸກຄົນໃນຄະນະໜ່ວຍພັກ ແລະ ຄະນະນຳຫ້ອງການກະຊວງ ເປັນແຕ່ລະໄລຍະ, ຄຸ້ມຄອງເງິນສະຕິ ພັກເປັນປົກກະຕິ.
6). ຄົ້ນຄວ້ານໍາສະເໜີຂັ້ນເທິງສົ່ງພະນັກງານໄປຮຽນທິດສະດີການເມືອງ-ການປົກຄອງ, ທິດສະດີ ບໍາລຸງໄລຍະ 45 ວັນ, ຝືກອົບຮົມ ແລະ ໄປຍົກລະດັບວິຊາສະເພາະ ພາຍໃນ ແລະ ຕ່າງປະເທດ ຕາມເງື່ອນໄຂຕົວຈິງ.
7). ກອງປະຊຸມຮຽກຮ້ອງມາຍັງ ສະມາຊິກພັກ, ພະນັກງານ-ລັດຖະກອນ ພາຍໃນໜ່ວຍພັກ ຈົ່ງເຊີດຊູສະຕິປັນຍາ ແລະ ຄວາມຮັບຜິດຊອບການເມືອງຂອງຕົນໃຫ້ສູງຂຶ້ນເລື້ອຍໆ ເພື່ອປັບປຸງວຽກຂອງຕົນ ໃຫ້ມີການຫັນປ່ຽນໃໝ່ ຢ່າງຕັ້ງໜ້າ, ເຮັດໃຫ້ໜ່ວຍພັກ ມີຄວາມເຂັ້ມແຂງ, ປອດໃສ ແລະ ໜັກແໜ້ນ.
ໃນກອງປະຊຸມຜູ້ແທນສົມບູນໜ່ວຍພັກ ອົງການປະກັນສັງຄົມແຫ່ງຊາດ ຍັງໄດ້ໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະພັກຊຸດໃໝ່ບົນພື້ນຖານ ຄວາມຖືກຕ້ອງສອດຄ່ອງກັບມາດຖານເງື່ອນໄຂທີ່ກຳນົດໄວ້ ຊຶ່ງມີຜູ້ອອກຮັບສະໝັກເລືອກຕັ້ງ 7 ສະຫາຍ ແລະ ເລືອກເອົາ 5 ສະຫາຍ.
ກອງປະຊຸມຄັ້ງປະຖົມມະລຶກຂອງຄະນະໜ່ວຍພັກອົງການປະກັນສັງຄົມແຫ່ງຊາດ ໄດ້ເປັນເອກະສັນເລືອກເອົາ ດັ່ງມີລາຍຊື່ດັ່ງນີ້:
ສະຫາຍ ນ. ແກ້ວ ຈັນທະວີໄຊ ເປັນເລຂາໜ່ວຍພັກ,
ສະຫາຍ ບຸນຍອດ ຈັນທະວອນ ເປັນຮອງເລຂາໜ່ວຍພັກ ແລະ ປະທານກວດກາພັກ,
ສະຫາຍ ເພັດສະໝອນ ຈັນທະວີສຸກ ເປັນກຳມະການພັກ,
ສະຫາຍ ນ. ບົວຫອມ ພົມມະຈັນ ເປັນກຳມະການພັກ.
ສະຫາຍ ນ. ວັນໄຊ ຊຸວັນນະເມທີ ເປັນກຳມະການພັກ.
ພ້ອມກັນນັ້ນ, ຍັງໄດ້ປ່ອນບັດເລືອກເອົາຜູ້ແທນສົມບູນເຂົ້້າຮ່ວມກອງປະຊຸມໃຫຍ່ ອົງຄະນະພັກກະຊວງ ຄັ້ງທີ VI ຈຳນວນ 16 ສະຫາຍ ແລະ ຜູ້ແທນສຳຮອງ ຈຳນວນ 2 ສະຫາຍ.
ໃນກອງປະຊຸມໃຫຍ່ຄັ້ງນີ້, ຍັງໄດ້ຮັບຟັງການໂອ້ລົມຈາກ ສະຫາຍ ປອ ຄຳແພງ ໄຊສົມແພງ ຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນຳ-ນຳພາ ຂອງຄະນະພັກຊຸດເກົ່າ ທີ່ໄດ້ຊີ້ນຳສະມາຊິກພັກ ແລະ ພະນັກງານລັດຖະກອນໃນການປະຕິບັດໜ້າທີ່ການເມືອງ ແລະ ໄດ້ມີຜົນສຳເລັດຫຼາຍດ້ານ. ພ້ອມກັນນັ້ນ, ສະຫາຍຍັງໄດ້ສະແດງຄວາມເປັນຫ່ວງເປັນໃຍຕໍ່ດ້ານອ່ອນ, ຂໍ້ຄົງຄ້າງ ແລະ ສະຫາຍກໍ່ໄດ້ໃຫ້ທິດຊີ້ນຳແຕ່ລະດ້ານໃນທາງສ້າງສັນ, ສະຫາຍ ຍັງມີຄວາມເຊື່ອໝັ້ນຕໍ່ຄະນະໜ່ວຍພັກຊຸດໃໝ່ຈະສືບຕໍ່ຊີ້ນຳ-ນຳພາຈັດຕັ້ງປະຕິບັດມະຕິກອງປະຊຸມໃຫຍ່ ຂອງໜ່ວຍພັກຂອງຕົນ ໃຫ້ມີຜົນສຳເລັດທີ່ຍິ່ງໃຫຍ່ກວ່າເກົ່າ. ພ້ອມກັນນັ້ນ, ສະຫາຍ ຍັງຮຽນຮ້ອງມາຍັງສະມາຊິກພັກ, ພະນັກງານ-ລັດຖະກອນທຸກຄົນ ຈົ່ງເພີ່ມທະວີຄວາມສາມັກຄືເປັນປຶກແຜ່ນ ຢູ່ພາຍໃຕ້ການນຳພາຂອງຄະນະໜ່ວຍພັກຊຸດໃໝ່ ເພື່ອພ້ອມກັນເຮັດສໍາເລັດໜ້າທີ່ອັນມີກຽດສະຫງ່າ ທີ່ອົງຄະນະພັກກະຊວງ ໄດ້ມອບໝາຍ.
( ຂ່າວສານ ຮສສ: ເພັດສະໄໝ )
ຂ່າວສານອື່ນໆ
- ສະຫະພັນກຳມະບານ ກະຊວງ ຮສສ ດຳເນີນກອງປະຊຸມໃຫຍ່ ຄັ້ງທີ V. (23-12-2019, 13:04)
- ລັດຖະມົນຕີ ກະຊວງ ຮສສ ຕ້ອນຮັບທູດອາເມລິກາ ເຂົ້າຢ້ຽມອຳລາ. (08-01-2020, 11:39)
- ສະຫະລັດອາເມລິກາສະໜັບສະໜູນແກ້ໄຂບັນຫາລະເບີດບໍ່ທັນແຕກ ຢູ່ 6ແຂວງໃນລາວ. (21-01-2020, 14:47)
- ແຮງງານລາວໄດ້ຮັບການພັດທະນາສີມືແຮງງານທັງໝົດ 75.769 ຄົນ. (28-01-2020, 15:32)
- ສະຫາຍ ປອ ຄຳແພງ ໄຊສົມແພງ ເລຂາຄະນະພັກ, ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ໄດ້ໃຫ້ກຽດໂອລົມ ສະມາຊິກພັກ-ພະນັກງານ ກົມກວດກາ (13-05-2020, 11:10)
- ສປປ ລາວ ສະເໜີອົງການແຮງງານສາກົນຊວ່ຍເຫຼືອແກ້ໄຂຜົນກະທົບດ້ານແຮງງານ ຈາກພະຍາດໂຄວິດ-19. (14-05-2020, 15:14)
- ພາລະບົດບາດການຄຸ້ມຄອງແຮງງານໄລຍະຜ່ານມາກໍ່ຄືການຈັດຕັ້້ງປະຕິບັດຊ່ວງການແພ່ລະບາດພະຍາດ Covid -19 (15-05-2020, 15:23)
- ອົງການ KOICA ມອບອຸປະກອນການແພດ ແລະ ເຄື່ອງບໍລິໂພກໃຫ້ແກ່ສະຖາບັນພັດທະນາສີມືແຮງງານ ລາວ-ເກົາຫລີ. (18-05-2020, 16:10)
- ລັດຖະມົນຕີແຮງງານອາຊຽນ ຮັບຮອງເອົາ 9 ບັນຫາ ແກ້ໄຂຜົນກະທົບຂອງພະຍາດ ໂຄວິດ-19 (COVID-19) ຕໍ່ແຮງງານ ແລະ ການຈ້າງງານ. (19-05-2020, 15:57)
- ຊົມເຊີຍຜົນສຳເລັດກອງປະຊຸມໃຫຍ່ໜວ່ຍພັກກົມຈັດຕັ້ງ ແລະ ພະນັກງານ ກະຊວງ ຮສສ ຄັ້ງທີVI. (20-05-2020, 16:49)
- ລັດກຳເລັ່ງດຳເນີນກົນໄກການຈັດຫາງານໃຫ້ກັບແຮງງານທີ່ຕົກວຽກ (21-05-2020, 14:10)
- ປະກາດການຈັດຕັ້ງ ແລະ ມອບຮັບ ຫົວໜ້າອົງການປະກັນສັຄົມແຫ່ງຊາດຄົນໃໝ່. (03-06-2020, 16:51)
- ກະຊວງແຮງງານມອບອຸປະກອນປ້ອງກັນໂຄວິດ-19 ໃຫ້ກະຊວງ ສຶກສາທິການ ແລະ ກິລາ ນຳໄປແຈກຢາຍໃຫ້ໂຮງຮຽນຂາດເຂີນ. (04-06-2020, 15:35)
- ກະຊວງ ຮສສ ລະດົມຄວາມຄິດຕໍ່ເນື້ອໃນ ກອງປະຊຸມໃຫຍ່ຄັ້ງທີ XI ຂອງພັກ. (04-06-2020, 15:59)
- ກອງປະຊຸມຄົບຄະນະພັກເປີດກວ້າງ ຄັ້ງທີ 7 ສະໄຫມທີ Vອົງຄະນະພັກຮສສ. (05-06-2020, 12:28)