MOLSW NEWS

ສະຫະພັນກຳມະບານ ກະຊວງ ຮສສ ດຳເນີນກອງປະຊຸມໃຫຍ່ ຄັ້ງທີ V.

23-12-2019, 13:04 1786

ສະຫະພັນກຳມະບານ ກະຊວງ ຮສສ ດຳເນີນກອງປະຊຸມໃຫຍ່ ຄັ້ງທີ V.

ກອງປະຊຸມໃຫຍ່ຜູ້ແທນກຳມະບານ ກະຊວງແຮງງານ ແລະ ສະຫວັດດີການສັງຄົມ(ຮສສ) ໄດ້ດຳເນີນກອງປະຊຸມໃຫຍ່ ຄັ້ງທີ V ໃນວັນທີ 18 ທັນວາ 2019 ໂດຍການເຂົ້າຮ່ວມຂອງ ສະຫາຍ ປອ ຄຳແພງ ໄຊສົມແພງ ເລຂາຄະນະພັກ, ລັດຖະມົນຕີກະຊວງ ຮສສ, ສະຫາຍ ຕົງເຢຢ່າງ ຢົງເຊັງ ຮອງປະທານສູນກາງກຳມະບານລາວ, ມີຜູ້ແທນສົມບູນ 210 ກວ່າສະຫາຍເຂົ້າຮ່ວມ .

ເພື່ອພ້ອມກັນສະຫລຸບຕີລາຄາສະພາບການຊີ້ນຳ-ນຳພາ ແລະ ພ້ອມກັນປະກອບຄຳເຫັນ ໃສ່ວຽກງານຂອງສະຫະພັນກຳມະບານຮາກຖານກະຊວງແຮງງານແລະສະຫວັດດີການສັງຄົມ ໃນໄລຍະຜ່ານມາ ແລະ ຮັບຮອງເອົາ ທິດທາງແຜນການໄລຍະ 5 ປີ ໃນຕໍ່ໜ້າ (2021-2025) ແລະ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ເລືອກຕັ້ງເອົາຄະນະບໍລິຫານງານ ຂອງສະຫະ ພັນກຳມະບານຮາກຖານກະຊວງ ຊຸດໃໝ່ ເພື່ອສືບຕໍ່ຊີ້ນຳ-ນຳພາຈັດຕັ້ງປະຕິບັດວຽກງານໃນຕໍ່ໜ້າ ໂດຍໄດ້ເປັນເອກະພາບກັນເລືອກເອົາ ສະຫາຍ ປອ ບຸນມາ ສິດທິໂສມ ເປັນປະທານ ສະຫະພັນກຳມະບານ ກະຊວງ ຮສສ ຄົນໃໝ່.

ໃນໂອກາດນີ້, ສະຫາຍ ຕົງເຢຢ່າງ ຢົງເຊັງ ໄດ້ມີຄຳເຫັນ ແລະ ໃຫ້ທິດຊີ້ນຳຕໍ່ກອງປະຊຸມ ໂດຍໄດ້ເນັ້ນໃຫ້ ຄະນະບໍລິຫານງານສະຫະພັນກຳມະບານ ຮາກຖານ ກະຊວງແຮງງານ ແລະ ສະຫວັດດີການສັງຄົມຊຸດໃໝ່ ເອົາໃຈໃສ່ບາງບັນຫາ ເປັນຕົ້ນ ຈະຕ້ອງໄດ້ມີການແບ່ງງານກັນຢ່າງຈະແຈ້ງ, ສືບຕໍ່ສ້າງຂະບວນການ 5 ເປັນເຈົ້າຢ່າງເປັນຂະບວນການຟົດຟື້ນ-ຕໍ່ເນື່ອງ, ມີການວາງແຜນ ຕິດຕາມ ແລະ ກວດກາ ການຈັດຕັ້ງປະຕິບັດ ຢ່າງເປັນປົກກະຕິ ແລະ ສືບຕໍ່ຊີ້ນຳ-ນຳພາຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ V ຂອງຕົນໃຫ້ມີຜົນງານຢ່າງໃຫຍ່ຫລວງກວ່າເກົ່າ.

ກອງປະຊຸມໄດ້ຮຽກຮ້ອງມາຍັງສະມາຊິກກຳມະບານ, ພະນັກງານ, ລັດຖະກອນ ພາຍໃນກະຊວງ ຮສສ ຈົ່ງສືບຕໍ່ເຊີດຊູສະຕິປັນຍາ ແລະ ຄວາມຮັບຜິດຊອບໜ້າທີ່ການເມືອງຂອງຕົນໃຫ້ສູງຂຶ້ນເລື້ອຍໆ ເພື່ອພັດທະນາ ແລະ ປັບປຸງວຽກງານໃຫ້ມີການຫັນປ່ຽນໃໝ່ຢ່າງຕັ້ງໜ້າ, ເຮັດໃຫ້ວຽກງານກຳມະບານເຂັ້ມແຂງ, ປອດໃສ ແລະ ໜັກແໜ້ນ, ເສີມຂະຫຍາຍມູນເຊື້ອຄວາມສາມັກຄີຮັກແພງກັນ ບົນພື້ນຖານຄວາມຈິງໃຈຊ່ວຍເຫລືອເຊິ່ງກັນ ແລະ ກັນ, ຍົກສູງດ້ານຄວາມຮູ້ ຄວາມສາມາດ, ສົ່ງເສີມດ້ານດີ ດ້ານຕັ້ງໜ້າ, ຊອກຫາວິທີແກ້ໄຂຂໍ້ຄົງຄ້າງໃຫ້ທັນກັບສະພາບການຕົວຈິງ, ພ້ອມກັນບຸກບືນສ້າງຜົນງານໃຫ້ໂດດເດັ່ນ ແລະ ເຂັ້ມແຂງ./

( ຂ່າວສານຮສສ: ເພັດສະໄໝ )

ລາວເຂົ້າຮວ່ມກອງປະຊຸມທາງໄກ ຂອງ ຄະນະກຳມະການຄຸ້ມຄອງໄພພິບັດອາຊຽນ ຄັ້ງທີ 36 ແລະກອງປະຊຸມປິ່ນອ້ອມ ທີ່ປະເທດຟີລິບປິິນ ເປັນເຈົ້າພາບ.

11-08-2020, 13:05 6890

ສະຫະພັນກຳມະບານ ກະຊວງ ຮສສ ດຳເນີນກອງປະຊຸມໃຫຍ່ ຄັ້ງທີ V.

ຂ່າວສານອື່ນໆ

ຂ່າວໃໝ່

ສະຫະພັນກຳມະບານ ກະຊວງ ຮສສ ດຳເນີນກອງປະຊຸມໃຫຍ່ ຄັ້ງທີ V.

Shares On Social

ຂ່າວສານອື່ນໆ