MOLSW NEWS

ຫາລືເພື່ອສ້າງຄວາມເຂັ້ມແຂງຂອງອົງການປະຕິບັດງານວຽກງານແກ້ໄຂລະເບີດບໍ່ທັນແຕກ.

09-06-2020, 15:37 2256

ໃນວັນທີ 9 ມິຖຸນາ ນີ້, ຢູ່ ນະຄອນຫລວງວຽງຈັນ ໄດ້ຈັດກອງປະຊຸມຫາລືເພື່ອສ້າງຄວາມເຂັ້ມແຂງ ຂອງອົງການປະຕິບັດງານ ວຽກງານແກ້ໄຂລະເບີດບໍ່ທັນແຕກ, ໂດຍການເຂົ້າຮ່ວມເປັນປະທານຂອງ ທ່ານ ໂຈມແຍງ ແພງທອງສະຫວັດ ຫົວໜ້າ ຫ້ອງການຄະນະກຳມະການແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ (ຄຊກລ), ໂດຍມີບັນດາທ່ານຫົວໜ້າ ຄກລ, ຮອງ ຄຊກລ , ຕາງຫນ້າຈາກກົມແຜນການ ແລະ ການຮ່ວມມືສາກົນ, ກະຊວງແຮງງານ ແລະ ສະຫວັດດີການສັງຄົມ ແລະ ຜູ້ຕາງຫນ້າຈາກກົມອົງການຈັດຕັ້ງສາກົນ ກຽ່ວຂ້ອງເຂົ້າຮວ່ມ.

ກອງປະຊຸມຄັ້ງນີ້, ມີຄວາມໝາຍສຳຄັນ ເປັນຂໍກຸນແຈ ທີ່ຈະສະໜັບສະໜູນ ແລະ ຂັບເຄື່ອນບັນດາວຽກງານຕ່າງໆ ລະຫວ່າງ ຫ້ອງການ ຄຊກລ ແລະ ອົງການປະຕິບັດງານມະນຸດສະທຳ ແລະ ເພື່ອຍຸດທະສາດແຫ່ງຊາດ ວ່າດ້ວຍເສັ້ນທາງຄວາມປອດໄພ 2 ຢ່າງໃຫ້ມີປະສິທິຜົນ. ນອກຈາກນັ້ນ, ກໍເພື່ອປະສານງານການສະໜັບສະໜູນທຶນຮອນໃຫ້ໄດ້ຫລາຍກ່ວາເກົ່າ ເພາະຂະບວນຄົ້ນຄ້ວາ ແລະ ຈັດຕັ້ງປະຕິບັດບົດບັນທຶກຄວາມເຂົ້າໃຈ ແມ່ນໜຶ່ງໃນບັນດາປັດໄຈທີ່ຈະຊ່ວຍເຮັດໃຫ້ການລະດົມທຶນທັນການ ແລະ ແທດເຫມາະກັບຄວາມຮຽກຮ້ອງຕ້ອງການຕົວຈິງຂອງ ສປປ ລາວ ໂດຍສະເພາະແມ່ນການຈັດຕັ້ງປະຕິບັດແຜນການລຶບລ້າງຄວາມທຸກຍາກ, ເປົ້າໝາຍການພັດທະນາແບບຍືນຍົງ.

ຕາມຕົວເລກຈາກຄະນະກຳມະການແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ ໃຫ້ຮູ້ວ່າ: ໃນຫລາຍປີຜ່ານມາ ສາມາດຕຳລາຍລະເບີດໄດ້ທັງໝົດ 1,5 ລ້ານກ່ວາໜ່ວຍ, ບົ່ມບີ 8 ແສນກ່ວາໜ່ວຍ ແລະ ລະເບີດສະນິດອື່ນໆ 6 ແສນກ່ວາໜ່ວຍ, ໃນນີ້ ຍັງພົບເນື້ອທີ່ ແລະ ບ້ານທີ່ມີຂໍ້ມູນລະເບີດບໍ່ທັນແຕກທີ່ຕົກຄ້າງໃນທົ່ວປະເທດຫລາຍກ່ວາ 2 ພັນບ້ານ, ຊຶ່ງເປັນໄພຂົ່ມຂູ່ຕໍ່ການດຳລົງຊີວິດຂອງປະຊາຊົນລາວບັນດາເຜົ່າ./

(ຂ່າວສານ ຮສສ)

ລາວເຂົ້າຮວ່ມກອງປະຊຸມທາງໄກ ຂອງ ຄະນະກຳມະການຄຸ້ມຄອງໄພພິບັດອາຊຽນ ຄັ້ງທີ 36 ແລະກອງປະຊຸມປິ່ນອ້ອມ ທີ່ປະເທດຟີລິບປິິນ ເປັນເຈົ້າພາບ.

11-08-2020, 13:05 7759

ຫາລືເພື່ອສ້າງຄວາມເຂັ້ມແຂງຂອງອົງການປະຕິບັດງານວຽກງານແກ້ໄຂລະເບີດບໍ່ທັນແຕກ.

ຂ່າວສານອື່ນໆ

ຂ່າວໃໝ່

ຫາລືເພື່ອສ້າງຄວາມເຂັ້ມແຂງຂອງອົງການປະຕິບັດງານວຽກງານແກ້ໄຂລະເບີດບໍ່ທັນແຕກ.

Shares On Social

ຂ່າວສານອື່ນໆ